زوجوني منقبة 2( كاملة)

البارت31

🌸زوجوني منقبة🌸
البارت31

حفصة: (شافت فيه وشافت فعمتها)كيفاش؟؟
فتيحة: علاه مافخباركش احمد لي جا يخطبك
حفصة: (بصدمة ) شنو كتقولي
فتيحة: مالك مبهوطة احمد ولد ناس ماتلقايش ماحسن منو و عمران ولفك و عزيزة عليه توكلي عالله

...ماكانتش مصدومة حيت مابغاتوش ولكن حيت امنيتها انها تجمع معاه تحققات ليها فلوقت لي ضنات بليي بعدات بمرة .. قلبها بدا كيضرب بجهد ..داتها كلهااا تترجف

.أما فصالون كانو رجال كيهضرو و فرحانين
توفيق: مرحبا بيكم نهار كبير هادا
احمد: الله اكبر بيك اعمي (شاف ف عبد الله) و عبد الله قال ليكم علاش جينا
توفيق: اييه اولدي
احمد: جيت طالب راغب ف بنتكم على سنة الله و رسوله
توفيق: من عندي الله اكمل كولشي مبارك و مسعود ماغانلقاوش بحالك اولدي و لكن صبر علينا نسولوها
عبد الله : انا نسولها الوليد
...ناضت عبد الله عندها بانت ليه وااقفاا فدروج  هزات راسها  كتشوف فيه و عاد وعات على راسها و حنات عينيها للأرض شاف معاها عمتهم و قرب ليها مبتاسم كيتمازح معاها
عبد الله: كبرتي و اتولي عروسة
فتيحة: ماتحشمهاش لينا ههه
عبد الله: اوا شنو قلتي أحمد جا يخطبك من عندنا شوفي اختي لكلمة لولة و تالية ديالك
حفصة:(باستحياء و صوت خافت) لي عجبك اخويا
عبد الله : هي نتوكلو عالله؟
...حركات راسها ب أه و تسمعات زغروتة ديال فتيحة لي كانت بمثابة جواب ل احمد لي ابتاسم على اثرها...

حدا صالون درجال ..كان صالون  دلعيالات  كانت هدى وخديجة كيخنزوو منين سمعوها...شافت هدى بعيون باكية.. فخديجة..

هدى:وفقااااات

حطات يدها على ركبت هدى

خديجة:مزال مداروو فطاجين ميتحرق...نتي بوحدك لي غنأمنك على حفيدي

شاف فيهم ام حفصة ..كيوشوشو  ابتسمات لهم..

حليمة:الله يجعل كولشي مبارك

تنهدات خديجة . حطات يد على يد..شي لي خلا صوت دمالجها مسموع...قالت بنفور

"أميييين"

دخلات حفصة لصالون ..سلمات..عليهم...وكلسات حدا عمتهاا...هزات راسها فهدى وخديجة..

مفهماااتش نضراتهم ليهااا...ولكن مرتاحتش ليهم..

تنهدات هدى.  وهي تتشوف فحفصة..

هدى:اوا فين خمارك...شفتي راجل ونتي تحيديه(ضحكات بجهد)

ابتسمات لهاا حفصة..نطقات بهدوء

حفصة:مخصنيش لبسو فالنظرة شرعية

هدى:كفاااش زعماا..

فتيحة:يعنيي منين تشوف عريسهاا خصهاا..متلبسوش(تمات واقفا منين بان ليها عبد الله..كيعيط) اواا نوضوووو خص لعروسة دخل عند لعريس...

تمووو نايضين...كلهم. .الا هدى لي كالساا...شافتهم خرجو...جمعات لكمة يدهاا..وهي كارزا سنانها..

هدى:غييير حلميييي غييير حلميييي هوا غيكون راجليي انااا ودابا تشوفي