اگــــــول
وحــــك لـــمـا وصــــل واحـــد مـكـانــه
تــدري شـكــد الـــك عـنـــدي مـكـانــــــه
شــلــت ڪـلـبـي صـرت انـتـا مـكـانــــــه
ونــبـــض لـبـيـك نـفـس لـنـبـض بــيــــــا
▁▁▁▁▁▁▁▁▁▁▁▁▁▁▁▁▁▁
هديل: اريد اخرب علاقتكم انت وكرار مااخليج تتهنين ولا لحظه وياه وهاا راح يجي اخوي ترحين وياه مثل الشاطره
جمانه: على كص ركبتي مااروح فهمتي ضلت تدفع بيه واني اعيط واحاول اقاومها مدري منين اجتني القوه ودفعتها وكعت بالكاع كامت واجت يمي
هديل: انت شنو تضربيني اشو تعاي
جمانه: جرت شعري وركعت راسي بالحايط احس راسي نفجر من قوه الضربه حطيت ايدي على راسي واني اعيط شفت الدم بيدي واغمى عليه
رهف: سمعنا صوت اعياط وهديل نزلت تركض وهيه تبچي
هديل: تعالوووو ولكم جمانه لكيتها واكعه وراسها كله دم يمكن ماتت لحكولها
رهف: صعدنا طبينا الغرفتها بس كرار مقبل الولد يطبون
واني بس ابچي عليها لبستها حجابها شلون ماجان وعبايتها وكرار شالها وداها للمستشفى خيطو راسها وخصرت اهوي دم وكرار اتبرعلها لان نفس زمره دمها ساعه كامله يلا فتحت عيونها حاجينا الدكتوره حتى نطبلها وطبينا وشفنه جمانه تعيط ولازمه راسها وجهه اصفر كركم
جمانه: اخخ يمه راسي احس ينفجر اخخ
: فتحت عيوني واشوفهم كلهم فوك راسي وكالبيها مناحه فجأه واجاني وجع فضيع براسي كضيت راسي وعيطت اخخ راسي يمه لحكيلي كرار صاح الدكتوره وكلهم طلعو واجت الدكتوره انطتني ابره مسكن ومحسيت على روحي ونمت
كرار: كوه قنعت الولد يرجعون للبيت وحبوبتي كوه راحت متقبل تريد تبقى شويه وكعدت جمانه واجت الدكتوره
الدكتوره:هذا العلاج جيبو وهذن الابر كـ مسكنات الألم اتضربوهن بالكانونه لاتخلوها تعصب هل فتره ودير بالكم عليها تكوم بالسلامه ان شاء الله
كرار: زين دكتوره نكدر نطلعها
الدكتوره: ايي تكدرون حالتها مستقره
كرار: طلعناها من المستشفى ورجعنا للبيت
جمانه: نمت ساعتين واجو بيت خالي وخالتي وتقى تحمدولي بالسلامه ضليت اسولف وياهم شويه مودي
وهديل سوت روحها خايفه عليه وتحمدتلي بالسلامه وحضنتها: لا تحاولين اتصيرين حنينه بكلي سوالفج وخرت ومبين عليها الخوف
كرار: جمانه شلون انضرب راسج
رهف: أكيد هاي هديل اني متأكده لان بس هيه جانت بغرفه جمانه
؛ هديل متلبكه وتباوع عليه رادت تحجي وقاطعتها
جمانه: لامو هديل اني زلكت ونضرب راسي بالميز هاهيه الي صار صار سدو الموضوع
