واحسـڪ حيـل تعنـيلي☆
احسڪ جزء من روح ♡!
••••••••••••••••••••••••••••
جمانه: اكو بعد شيء مضوجك احجيلي بلكت ترتاح
كرار: اي اكو بس لا يضل بالج يلا نامي
جمانه: احجي عيني احجي ماانام الى تحجيلي
كرار: فد يوم عنادج يموتني
جمانه: عوفك من عنادي واحجي
كرار: سجاد طلع بكفاله وخايف اخسرج مره ثانيه
جمانه: شعلينا بيه مدام انت وياي كولشي ميهمني لا تضوج مراح يكدر يفرقنا لو شيسوي
حضني
كرار: جمانه حياتي متعلقه بيج مااتحمل اذا صارلج شيء انتهي
جمانه: شبيك خايف محيصيرلي شيء وحتى لو صار انت تنقذني ههههه
ضحك على ضحكتي ونمنا كعدنا ثاني يوم الصبح غسلنا وجهنا ونزلنا رحت يم رهف ساعدتها بالريوك
رهف: كرار عاركج مو
جمانه: تراضينا يحيلي لا يضل بالج
ضحكت وحضنتني
رهف: شكراً جمانه على كلشي مااعرف شلون اجازيج على وكفاتج وياي
جمانه: افاا صار بينا شكراً يلا كافي امشي نودي الريوك
فرشنا السفره و رتبنا المواعين وكعدنا ناكل كلها صافنه مدري شبيهم رهف خرعتهم و شمرت الصينيه بالكاع وضحكت حتى اني خترعت كلهم رزلوها وهيَ ولا هما بس تضحك
كرار: المسودنه راح تزوج وتعوف اخوها بعد منو يضحكنا منو يونسنا
حضنت كرار وضلو يبچون وكلنا بچينا على بچيهم صارت مناحه
بيبي: تعاي يما رهيفه ورده البيت خلِ اشبع منج شوف قبل لا تعرسين
رهف: ترا خطوبه ياعالم مو زواجي بس خطوبه لا تخلوني افسخها واضل يمكم
بيبي: لا يما هيه هاي سنه الحياه
رهف:ههههه رحة الحياه
كلنا ضحكنا و شويه وكمنا رتبنا البيت وكعدنا عمي محمد عزم الناس والاقارب ثاني يوم رحنا حجزنا بدلات ورهف متثبت على بدله كلساع تعجبها وحده اخر شيء ثبتت على بدله لونها فسفوري واخر قطعه بالمحل
رهف: اي هاي اريدها
حجزناها و رحنا نشتري فساتين كلعاده فستاني اسود
كرار: لا تلبسين فستان اسود بكل مناسبه لابسه اسود غيري شوي
جمانه: احلى شيء الاسود احبه
كرار: ماتاخذي
جمانه: اخذه معليك
كرار: اخذي غير لون اوكفي اختارلج امم هذا يجنن احمر شوفي
