ڪـلـمـا اࢪيـد انـسـاڪ تـاخـذنـي سـڪـتـه
بـالـدنـيـا مـاحـبـيـت بـس الله وانـــــــــتَ
جمانه: وصلنا للبستان و ماشاءالله راحه نفسيه حرفياً
الورد بكُل انواعه والفاكهه والخضروات المهم لكيت شجره عاليه مال تفاح احمر تشهي فـ شافني عباس واجه يمي
عباس: شبيج صافنه
جمانه: اريد تفاحه
عباس: بس وحده تردين
جمانه: ايي
عباس: خوش
جمانه: اتسلق الشجره واخذ وحده ونزل وانطاني اياها كولش فرحت بيها ابتسمت وكتله شكراً
عباس: عفواً ادللي
جمانه: كض ايدي حيل ومشاني
عباس: يلا تعالي خل انروح يمهم لاتضيعين
جمانه: عوف ايدي شبيك اني مو طفله وخر
عباس: شبيج شمسويلج قابل
جمانه: وخر حباب ايدي كامت توجعني
عباس: واذا موخرت شسوين
جمانه: كمت ابجي وعطت عليه بصوت عالي وخر شبيك ايدي كامت توجعني لحسن الحظ كرار انتبه واجه يركض وخر ايد عباس وجرني وخلاني وره ظهره و كمت ابجي اول مره واحد يكض ايدي ايدي صارت حمره
كرار: شبيك عباس تصرفاتك متعجبني متشوفها تبجي شبيك وياها
عباس: ها كرير صاير محامي دفاع حضرتك
كرار: احترم نفسك عبيس لاتخليني اتجاوز حدودي الحد هسه محترمك لان انت مثل اخوي الكبير
جمانه: كتلهم واني ابجي كافي سكتو ماريد حتى الطلعه رجعوني للبيت وركضت وحضنت تقى مدري ليش بس هيه اجت على بالي ورحتلها وحاولت تهديني
تقى: شبيج حبيبتي منو مضوجج ليش تبجين
جمانه: مكتلها شيء كتلها اريد ارجع للبيت تعبانه
تقى: اهدي عمري ومسحي دموعج هسه نرجع بس تعاي شوفي هذا الورد كلش حلو
جمانه:لخذتني وشوفتني ورد احمر شميته عطره يجنن هدئتني شويه وضلت تضحكني واخذتني جوله بالبستان وعباس وكرار بالسياره مدري شنو يحجون اصلا ميهموني المهم شفنا البستان وكلت للبنات خل نرجع للييت كالاً اي يلا خل نروح للسياره البنات صعدن وداصعد
كرار: تعاي جمانه قبل لا صعدين
جمانه: شتريد
كرار: تعاي ولا تعانديني
جمانه: رحتله وكفنا على صفحه وضل يحجي وياي
كرار: حجيت ويه عباس وفهمته جان طايش وهسه يريد يعتذر منج
عباس: اي خيتي اني اسف وبعد مااعيدها
جمانه: خلاص مسامحتك بس بشرط
عباس: والي هوه
جمانه: ممنوع تتقرب مني بس عـلى كد السلام وبس
عباس: خوش وماراح تشوفين هيج تصرف مره ثانيه
جمانه: تمام والبنات كاماً يصيحاً يلا عيني شوكت انروح متنا حرر يلا اتأخرنا خل نروح صعدنا بالسياره و ضلينا نسولف اني والبنات و كرار شغل اغنيه( دمارر الدنيا من دونك حبيبي دمارر) كمنا نغني وياها كولش تونسنا وصلنا للبيت ودخلت للديوان ورحت بست امي وكتلها هلا ماما ممشتاقتلي
مونيا: هلا بنيتي الحلوه شلون ممشتاقتلج
سالم: احمم احمم هذوليج الناس نسوني
جمانه: رحت يمه وبسته شنو صاير تذب بسامير علينا
الكل كامو يضحك
جمانه: يله اني رايحه اسبح ونام تعبانه
تقى: ليش بعد وكت
جمانه: وربي تعبانه بليل نسهر وكذا هههه ضحكتهم وصعدت سبحت وكملت ولبست تراك مال نوم عريض لان ماارتاح الى عريض وطفيت الضوء ونمت وكعدت المغرب توضيت وصليت ونزلت لكيت البنات يسون عشاء كتلهم مسائوو ياحلوات
البنات: مساء النور هلابيج
تقى: شلون صرتي جمونه
جمانه: تمام الحمدلله انطوني اساعدكم بالعشاء
يقين: هاج سوي زلاطه
جمانه: اخذت وداثرم الزلاطه ودخل كرار للمطبخ
كرار: شلون صرتي
جمانه: واني داثرم باوعت عليه وكتله تمام وجرحت اصبعي وطلع دم اهواي كومني كرار على مغسله وغسل اصبعي وجاب علبه الاسعافات اخذ منها قطن وديتول ولزكه مال جروح حط الديتول على اصبعي وحركني ردت اعيط وعظيت ايدي حيل حتى لا اصرخ وكمل تعقيم
كرار: هسه يطيب لاتخافين
جمانه: شكراً
والبنات: وحده تغمز للثانيه
كرار: شكو شبيجن تتغامزن
رهف: لا ماكو شيء بس شفناك شلون خايف على حبيبه الگلب
جمانه: جان يمي كلاص مي شمرته بوجها وكتلها حل تستاهلين حتى لا تعيديها كامت تبچي وركضت وراي وكمت اتختل وره البنات اريد اشرد منها
رهف: الى اكتلج اوكفيلي جبانه
البنات فطسانات من الضحك
جمانه: ختلت وره كرار وكضيت قميصه بدون انتباه طلعت الساني على رهف امممم متكدرين تكضيني
كرار: كافي زعاطيط يلا صبو العشاء بسرعه
جمانه: انتبهت كاضه قميص كرار وخرت ورحنا انصب عشاء المهم تعشينا وكملنا وصبينا الهم چاي المهم اني والبنات كاعدين نسولف بالمطبخ كلت للبنات بنات بنات ليش منسهر ونجيب حلويات و نباوع فلم كالن ايي بس ماعندنا حلويات شلون راح نستمتع بالفلم
جمانه: شفت الولد يردواً يطلعون وحده تكللهم
مريم: يولد وين رايحين
حيدر: للاسواق خير رايده شيء
مريم: اي حباب نريد حلويات
حيدر: خوش تردين شيء ثاني
مريم: لا سلامتك ............ يتبع
الهنا ويخلص هل بارت طولته الخاطركم 💕
صوتو حتى استمر 🌚✨
باي♡
