شضل شبقى شبيه شبعد ضليت
شرد شرجع شسوي بعشرتك شلي ?!
شلم شجمع شعبي شباقي بيه شضال
شحصد شرتجي يل شكشكت شتلي✨🌼
▁▁▁▁▁▁▁▁▁▁▁▁▁▁▁▁▁▁
جمانه: نمنا ثاني يوم الصبح دخلت للحمام سبحت وطلعت وسمعت صوت الاشعارات من جهاز كرار لحظه مسكتت كتلني الفضول اعرف منو ديراسله اخذت الجهاز دافتحه واجه كرار سحبه مني وتوتر
؛ شبيك ليش سحبته مني ومنو ديجراسلك
كرار: محد تعاي ننزل جوه
جمانه: مااريد انزل منو ديراسلك و ليش غيرت السالفه اكو شيء احجيلي
كرار: ماكو شيء لا تكبرين الموضوع
جمانه: لا هسه تكولي شضام عليه انطيني الجهاز اشوف
؛ ضماه وره ظهره
كرار: ماكو شيء لا تلحين
جمانه: وربي اكو شيء بس متريدني اعرفه جريته منه وفتته وجان اشوف رسايل ابويه كومه وقريتهم وضليت بحاله صدمه والرجفه احتلت جسمي باوعت على كرار ودموعي تنزل وحجيت وياه بهدوء
؛ جدو شبي كرار
كرار: نجلط وهسه رايحله الـ بغداد
جمانه: اروح وياك لا تعوفني هنا اريد اشوف جدو اخذني
كرار: ماكو روحه انه ليش مااريد اكلج من هيج
جمانه(عطت بكل قوتي): اريد اشوف جدو اخذني كراررر
كرار: كافي جمانه اسكتي ماكو وقت رايح انه ابقه بالبيت وسكتي عود انه اخابرج وطمنج
جمانه: نزل ورحت لبست شالي وعباتي وركضت وراه
وصلت للشارع وهوه صعد بـ السياره كمت اعيط عليه ميرد ساق وعافني اعيط وابچي بالشارع مااحس الى نضربت بسياره وكعت كضيت راسي وباوعت الاسدي انترست دم اجه كرار وضل يحجي وياي واغمى عليه فتحت عيني واشوف كرار كاعد يمي عدلت كعدتي وكضيت راسي من الوجع كمت ابچي وراح صاح الدكتوره وانطتني ابره مسكن وحسيت بشيء كعدت
الصبح ايدي توجعني كولش ورجلي وراسي احس متكسره تكسير ضليت ابچي من الوجع وعلى جدو وشلون حالته (و افكر بيني وبين نفسي ليش محد كلي ليش كولشي يصير يضمونه عليه شنو السبب معقوله بيه شيء ومحد يحجي ياالله راسي راح ينفجر من التفكيرر) اجه كرار
كرار: شلون صرتي بويه
جمانه: تمام بس كولي شبي جدو ليش تضمون ني كولشي
كرار: مااكدر اضم عليج اكثر انت مريضه قلب
جمانه: شلون يعني مفهمت
كرار: سمعي عندج فتحه بالقلب ولهذا السبب يغمى عليج ويضيق نفسج
جمانه(نزلن دموعي وحجيت بهدوء): وليش مكلتلي ليش ضميت عليه كل هل وقت
كرار: خفت على نفسيتج تتعب وماكتلج
جمانه: الحمدلله على كل حال كرار اريد اروح الـ جدو
