بعد فتره من الدوامات والقروشه
ام عبدالعزيز عزمت ام عمر وهي تعزمها دخل عليها عزوز
عزوز باستغراب:يمه من كنتي تكلمين تو
ام عبدالعزيز:كنت اكلم ام عمر تجيني زمان عنها
عزوز:احد بيجي معها
ام عبدالعزيز وهي تبتسم:يمكن بنتها غلا تجي
للمعلوميه عزوز كان بيطلع رحله مع اخوياه بس يوم درا ان غلا بتجي كنسل يروح
عزوز يكلم نفسه:الود ودي اجلس معها
لكن تدارك نفسه وقال:خلاص تمام
ام عبدالعزيز:والله اني بديت اشك
عزوز:وش تشكين فيه بس كنت اسال🫣
ام عبدالعزيز بضحكه خفيفه :رح رح وقل لخواتك يصلحون القهوه
عزوز :تامرين امر
راح يركض عزوز لغرفة جوري وحور ويصحيهم وقال:امي تقول جهزو القهوه ام عمر بتجي
صحت جوري وهي باقي جالسه على السرير: غريب انك جاي تصحينا عشان امممم"وهي تغمز وتضحك"
عزوز بعصبيه تمثيليه:حيوانه لا امي قالت اصحيكم
جوري:يلا خلاص يصير خير
طلع عزوز من غرفتهم وراح لغرفته ينتظر الليل يجي عشان غلا للمعلوميه عزوز يحب ينادي غلا(غلاي)"جوري وحور وامه يدرون ويسميها غلاي عندهم"
وجاء الوقت الي ترحب ام عبدالعزيز فيه ام عمر
عزوز ادرك الوضع ان الي جات ام عمر بس ماشاف معها غلاي
وغلا كانت تفصخ جزمتها نشبت😭😭
ودخلت غلا وعزوز الي شوي وينزل من فوق عشانها
طلعت حور وبالصدفه شافت عزوز عند الدرج
حور:يمه شقاعد تسوي انت خوفتني
عزوز:انتظر جوري تجيب الي وصيتها
وما امداه يكمل الا تدخل جوري
جوري وهي تغمز له:وش وصيتني لاتكذب
عزوز بتهديد :نسيتي يجوري معليه معليه ودخل غرفته
حور: ابلش الحين ذا ليكون زعل
جوري وهي ترفع حواجبها :تبين ذا يزعل!
جلسو الامهات لحالهم والبنات لحالهم
عند جوري وغلا وحور
غلا :جوري دقي على العنود تجي
جوري:فشله ليت عزمتها من بدري
حور:جوري لاتصيرين غبيه ترا انتي والعنود ميانه دقي عليه
راحت جوري تدق على العنود
جوري :هلا والله العنود وينش مختفيه
العنود الي ماكانت عند جوالها كان عنده خالد
خالد :هلا مين معي
خالد يعرف انها جوري بس يبي يطول المكالمه
جوري بتوتر:وين العنود وانت ليش ترد
خالد:شدعوه جوال اختي وحبيت اشوف مين يتصل لانه اتصل مرتين
جوري الي قفلت الاتصال وقاعده تتحسب على العنود ليش جوالها مو معها
جوري بفشله وتركض عند البنات
جوري: بنات تخيلو من رد علي
حور بغمزه : اذا هو الي في بالي بحسدش
جوري بقهر :حور اسكتي يع ترا مو حلو
غلا الي مو فاهمه الموضوع: وش تقولين انتي وياها العنود بتجي
جوري :مدري عنها الحيوانه قهرتني
اتصلت العنود على جوري
العنود وهي ميته ضحك: اسفه يجوري بس ماكنت عند الجوال
جوري:حيوانه فشلتيني وتوتر ومدري وش اقول
العنود: ترا هو للحين يضحك"وفعلا خالد كان باقي يضحك على صوت جوري اللي كان واضح فيه التوتر"
جوري الي شوي وتدخل من الجوال وتهبد العنود: اوريش المهم تعالي عندي
العنود بطقطقه :يلا بخلي خالد يجيبني
جوري: خلي اي احد يجيبش اهم شي تجين
العنود تضحك على جوري :يلا ييلا
قفلو المكالمه
"طبعا جوري متوتره لانها مو متعوده تكلم غير اخوانها حتى المطاعم حور تكلمهم"
عند الامهات:
يسألون عن احوال بعض وطبعا اتصلوا على ام رايد وام خالد وقالوا بيجون وام ياسر اعتذرت
ام عمر: والله ان سعُود يقول يبغا طلع بر"للتذكير سعود هو ابو عمر"
ام عبدالعزيز:عادي اطلعوا وانبسطوا
ام عمر: بنشوف قد الشور شوره
ام عبدالعزيز كانت بترد بس دق جوالها واعتذرت وردت:هلا يا ام رايد
ام رايد:انا عند الباب خلي احد يفتح لي
ام عبدالعزيز: سمي يلا
ام رايد قفلت الخط والتفتت لنجلا على طول: لا تنسين تخلينهم يحبونك
نجلا: لا تخافين يا ماما"طبعا كانوا يتكلمون بالكاف لانهم مو من الجنوب"
فتحت الباب حور ودخلت نجلا وامها
وراحت نجلا عند البنات وامها عند الامهات
...عند الامهات سوالفهم الاعتياديه بعد دخول ام رايد عشان كذا بنروح للبنات على طول...
