بيت ابو خالد
صحى خالد ولقى اتصال من نايف
دخل الحمام(اكرمكم الله) ياخذ له شور عشان يروح دوامه وطلع بعدها بفتره وعلى طول اتصل على نايف
نايف: اخيرا كل ذا نوم
خالد: ماصدقت اني انام وارتاح
نايف: لا تقول الدنيا فوق راسك
خالد باستعباط: لا تحت رجولي
نايف: ههه مره يضحك
خالد: فاضي اليوم
نايف: ولا والله بس تعال المركز بفضى لك شوي
خالد: يعننك مشغول حركات بخلص دوامي واجيك
نايف: يلا سلام
قفلوا الخط ونايف جلس يكمل الاوراق وخالد راح يفطر بعدها راح لدوامه
بيت ابو سلطان
في غرفه ابو سلطان
ام سلطان: والله ونِعم الجيران
ابو سلطان: قبل فتره شفت مجموعه رجال مجتمعين الظاهر انهم جيراننا لكن واضح صحبتهم قويه
ام سلطان: اي الله يديمها عليهم
ابو سلطان: امين
غرفه سلطان
هدى: حبيبي شفيك ساكت
سلطان وهو تضايق منها: لا ياعمري مافيه شي
هدى: شرايك تطلعني اليوم طفشت وماما مو في البيت
سلطان: لا لا خليها بعدين
وسكر الخط بدون ما ينتظر ردها وهي انقهرت منه وكانها ماتدري انه يلعب فيها
بيت ابو ياسر
سفانا كانت تكلم العنود
سفانا: تدرين ليه البنات ما يردون
العنود: مدري وربي وجوري ماترد علي
سفانا:يوه نسيت ادق على غلا
العنود: على اساس بترد كلهم بنات عم
سفانا: ارجعي دقي على جوري وانا بدق على غلا
العنود: تم
قفلت سفانا الخط ودقت على غلا لكن ما ترد واستغربت اما غلا نايمه وحاطه جوالها صامت
وارسلت سفانا رساله للعنود اذا ردت جوري تجمعهم في مكالمه وحده
العنود دقت على جوري ومن رابع رنه ردت
العنود: وجعععع اخيرا
جوري وصوتها واضح النوم فيه: هلا شبغيتي
العنود: وصخه ليه ما تردين بتفاهم معش بعدين خليني اجمعنا مع سفانا
اتصلت على سفانا وصاروا كلهم مكالمه وحده في سناب
سفانا: حركات تردين على العنود وماتردين علي
جوري: اخلصوا ماني فاضيه لعتابكم وش تبغون
سفانا: ابغاكم تجون البيت عندي
العنود بغت تتكلم بس قاطعتها سفانا: ماابغا اسمع اعتراض اليوم تجون ضحكت وسكرت الخط
العنود: بنت خالكم ذي مريضه
ضحكت جوري: اي وربي مريضه يلا بقفل بعلم امي وبصحي حور
العنود: تم وانا
قفلوا الخط
جوري تصارخ عشان حور تصحى وقالت وهي تمثل الرعب: حور حور بسرعه شوفي وش صار
حور صحت مفجوعه: وش فيش
جوري: سفانا قالت نجيها
حور قامت على جوري وجلسوا يتضاربون
حور: خليني اشوفش تقوميني كذا مره ثانيه
جوري: تهددين بعد تراني اختش الكبيره
حور: خوفتيني وصخه
جوري: زين خفتي عشان ما يروح تمثيلي هباءً منثورا
دخلت ام عبدالعزيز على صراخهم: خير وش صار
جوري ضحكت عشان امها توافق: مزح خوات يمه
حور ناظرت فيها:كذ...
قاطعتها جوري: كذا كنا نلعب تبغا تقول صح
وعطت حور نظره وحور فهمتها ومشوا الكذبه على امهم
جوري: يمه سفانا تبغانا نروح لها اليوم عادي
حور عرفت جوري وش تقصد بنظراتها
ام عبدالعزيز: عادي بس كلموا ابوكم
حور نطت: موافق اصلا
ام عبدالعزيز: متى قلتوا له
جوري ضحكت: بنقول له ماقد قلنا
ضحكت امهم معهم وبعدها طلعت وحور وجوري كلموا ابو عبدالعزيز ووافق وجالسين يتجهزون
