(اسفين تأخرنا بس جيناكم ببارت طويل شوي🫣)
من بكره صحوا الكل بدري عشان داومات لان الويكند خلص
في غرفه ابو عبدالعزيز
ابو عبدالعزيز: والله يا منيره ودي ازوجهم الحين خلاص لين متى
ام عبدالعزيز: وانا والله ودي اشوف عيالهم قبل ربي ياخذ امانته
ابو عبدالعزيز اردف بسرعه: بسم الله عليش لا تقولين كذا
ام عبدالعزيز: متى بتكلمهم؟
ابو عبدالعزيز: اليوم ان شاء الله بعد الغدا
ام عبدالعزيز:زين زين
ابو عبدالعزيز راح ينام شوي لين يجي وقت الفطور لان الساعه باقي ٦ الصباح
وام عبدالعزيز قامت تسوي لهم فطور وتصحي البنات
يساعدونها
بيت ابو ياسر
صحوا كلهم يصلون الفجر وبعدها ناموا كلهم الا سفانا
سفانا كانت تكلم حور
حور: توها امي صحتنا قبل شوي واحسني ميته نوم
سفانا: اف بيتنا كلهم ناموا وانا طفشانه
جوري تتكلم من ورا حور: شرايش تجين اليوم
سفانا: مدري اخاف امي ترفض
حور: مستحيل خالتي ترفض وبخلي امي تكلمها
سفانا: لا خلاص انا بكلمها
قفلوا الخط وراحت سفانا تصحي ياسر عشان دوامه
وجوري وحور ساعدوا امهم
بيت ابو عبدالعزيز
بعد الفطور قال: فيصل وعزوز ابغاكم بعد العشا
فيصل: لبيه يبه عسى ماشر
ابو عبدالعزيز: خير خير ان شاء الله
عزوز: ابشر يالغالي بخلص داومي وبجيك
راح ابوهم وقال فيصل: غريب وش يبغى ابوي
عزوز: مدري ياخي الله يستر
افترقوا وراحوا لداوماتهم
بيت ابو سلطان "مكان اول مره نروح له"
توهم امس جو من الشرقيه
"ام سلطان اخت ام ياسر"
(عندها بنتين وولد)
(سلطان عمره٢٥)(رفيف عمرها ١٩)(ريماس عمرها ١٥)(اخر العنقود روان تو عمرها سنتين)
ابو سلطان معرفته سطحيه جدا ب ابو عمر وابو عبدالعزيز (ابو خالد مايعرفه كثير بس يتقابلون صدفه)
(طبعا رفيف وامها عايشين حياتهم برفاهيه وابو سلطان زي اي اب لكن للاسف سلطان كان حق مخدرات وتهريب وحق بنات )
في غرفه سلطان
سلطان: اهلا ياعمري
ربى بدلع: اهلين
سلطان: يازين ذا الصوت يا شيخ
ربى: يوه لا تخليني استحي
سلطان بكذب: ايوه كيفك ياروح سلطان
ربى: الحمدلله تمام انتي كيفك
كملوا كلامهم بذي الطريقه وبعدها قفلوا
في غرفه ام سلطان
رفيف: اف يا ماما مره طفش ابغا اطلع شوي
امها: يا ماما انتي تعرفين تونا جايين جديد باقي نرتب البيت
رفيف: اف تكفين كلمي بابا يطلعنا
امها: خلاص روحي سوي رضاعه روان وانا بكلمه اذا رجع
رفيف عطت امها بوسه:شكرا يا احلى ام
امها ضحكت عليها
بيت ابو خالد
جالسين ابو خالد وام خالد والعنود
ابو خالد: كلمني ابو عمر يقول نطلع البر
ام خالد: زين والله
العنود : اف ماابغا البر ابغا اطلع مكان فخم
خالد تخصّر توه داخل وسمعها: والله ووين ان شاء الله ذا المكان
العنود جتها فكره: مدري ياخي كوفي مطعم شي حلو يعني
خالد التفت لابوه: يبه اجهزوا بعد يومين كذا نطلع طلعه حلوه للبر
العنود وهي معصبه: عناد يعني!!
خالد ضحك عليها وراح لغرفته
ام خالد: خلاص يالعنود اكيد البنات بيكونون معش
العنود نطت تكلم البنات
راحت غرفتها تكلمهم
دقت على جوري اول شي طبعا
بعد ثالث رنه ردت جوري: لبيه ياعيني
العنود:اوه الدنيا راضيه علي اليوم!!
جوري: شفيش
العنود: اول مره تقولين لي لبيه خير وش عندش
جوري ضحكت بقوه: نعم خير هاه شتبغييننن
كذا راضيه!!
العنود: وجع اخلعتيني ارجعي قولي لي لبيه
جوري: طيب ليه دقيتي وش تبغين
العنود: بنطلع البر بتجون صح؟
جوري: ايييي مرههه وناااسهه
العنود: وش وناسته يختي ماابغا اف
جوري: العنود شدعوه تراش دايم تعصبين وبعدين يعجبش الوضع
العنود: انا عادي بس عشان خالد يقهر
جوري: مهما سوا انبسطي وماعليش منه
العنود: تخيلي كنت اقول لابوي ماابغا البر قال"وهي تقلد نبره صوته" بعد يومين اجهزوا نروح
جوري ضحكت من تقليدها: عادي يختي بالعكس وناسه ماصدقت نروح البر كم قدلنا منه
العنود سمعت ضحكه ثانيه وقالت: جوري شوي وبجيش ثواني
جوري: يلا بشوف حور وبعدها تعالي
قفلوا الخط
وفتحت العنود باب غرفتها وناظرت فيه بصدمه
خالد وهو يضحك ويقلدها:بعد يومين اجهزوا نروح
العنود وهي معصبه منه: ياخي خير تسمع وش انا اقول لجوري
خالد"كان يسمع صوتها بس مايعرف من هي ": اوه ذي جوري
العنود: تدري اني اكرهك؟
خالد جلس يخرب شعرها: وانا تدرين اني احبش
العنود: يوههه وخررر خربت شعريي ياكريههه
خالد عطاها بوسه اعتذار من بعيد: اسف
العنود: اقلع ماني مسامحتك
خالد يصيح من بعيد عشان تسمعه: بموت اذا ماسامحتيني
