صالح الشهري

1

(انتي بنت تربيتي في بيت مليء بالحب والتفاهم والفرح لكن في يوم من الايام انقلبت حالتكم المادية واقترح عمك انه يوظف ابوك في شركته بشرط تتزوجين ولده اللي هو لاعب الكرة المشهور صالح الشهري وانتي وافقتي عشان اهلك وعايلتك)
يوم العرس:
-اختك: صباااح الخير يا عروسة يلا قومي نفطر ونتجهز يومك طويل ووراك استعدادات.
-انتي: صباح النور يلا دقايق وانزل.

...
-اختك: شفيك ولا حتى ابتسامة؟ ترى عرسك ذا وصارلك شهر تجهزين له.
-انتي: تعرفين ليش مني مبسوطة، انا ما وافقت الا عشان عايلتنا ولهيت نفسي بالتجهيزات عشان ما افكر بمستقبلي معه.
-اختك: عارفة والله بس شوفي الجانب الايجابي تراه حلو ومشهور واحس انه لطيف.
-انتي: قال ايش قال لطيف! تدرين انه من ملكنا ولا مرة كلمني ولا قالي ايش ناقصك؟ ايش تبغيني اجهز معك؟ حرفيا اعطاني البطاقة وقالي خذي اللي تبغينه.
-اختك: طيب طيب خلاص انتي وافقتي ولازم نتقبل الواقع، لا تفكرين فيه بس فكري ان اليوم حفلتك والكل فرحان لك وبنكشخ ونرقص وننبسط اوكي؟
-انتي: هههههه تمام تمام، عاد تصدقين صدق دلع العروسات غير.
-اختك: اي كذا اضحكي ههههه.
.....................
العرس كان جميل وفخم من كل النواحي وللحظات نسيت كل شي وانبسطت الين جا وقت اني انزف لصالح كنت مرة متوترة لكن سميت بالله ومشيت، كانت على وجهه ابتسامة خفيفة بس يعني اكيد عشان الناس كلها تطالع. صورتنا المصورة وخلصنا وجا وقت نروح الشقة، طبعا الشقة كلها جهزها صالح وكانت من الاساس بتكون شقته لحاله قبل قرار ان احنا نتزوج.
-انتي: بتقول شي ولا بتظل ساكت للابد؟
-صالح: اللي عاليمين هذي غرفتك واللي قبالها غرفتي، هذا الحمام وهناك المطبخ والصالة
-انتي: غرفتين؟
-صالح: اثنينا عارفين سبب الزواج ذا وما ابغى اكون شخص تحقدين عليه لاني مثلك ما كنت ابغى ذا الشي فالحل الاحسن ان كل واحد يعيش حياته ولما نشوف اهلنا نقولهم ان كلشي تمام.
-انتي: ودامك ما تبي ليش ما قلت لا وخلاص؟
-صالح: بطلب عشا، تقدرين تغيرين ملابسك وتحطي اغراضك.
انتي: (شفيه ذا يسفهني؟ احسن بالطقاق اصلا كويس انه سوا كذا، كل واحد ما يتدخل بالثاني وبعتبره شريكي في السكن)

حطيت اغراضي وخذت شور سريع ورحت الصالة، شفت صالح جالس عالكنبة ومشغل مسلسل اكشن ومسدسات

-انتي: ايش طلبت؟ حرفيا بموت جووع.
صالح ما رد بس أشر عالطاولة.
-انتي: شاورما؟ منجدك؟؟ اففففف ما احب الشاورما ليش ما سألتني قبل ما تطلب؟
صالح طالعني لمدة نص ثانية ورجع يتابع المسلسل.
-انتي: (ما ادري اذا الصمت هذا تهديد ولا عدم اهتمام ولا ايش بس ينرفز كلشي يسويه ينرفزني والحين باكل شي ما ابيه بالغصب)

اخذت اكلي ورحت على طاولة الطعام وشغلت قيلمور قيرلز في جوالي وجلست اتابع. صالح خلص اكله ونظف مكانه وراح غرفته بدون ولا كلمة وانا خلصت ورحت انام، اليوم كان طويل وغريب بس مع الايام بتعود على ذي الحياة.
......................................................................
الكاتبة: قولوا لي رايكم واقترحوا علي عنوان ما ادري وش اسمي الرواية/ التخيل😂