صالح الشهري

5

(من لما دخل صالح غرفته جلست ثابتة مكاني يمكن عشر دقايق وبعدها سحبت نفسي لغرفتي وانا للحين مو مستوعبة ايش صار، قاعدة تمر في مخي افكار واجد مو فاهمتها وظليت اتقلب طول الليل لين طلع نور الشمس وانا توها عيوني تغمض)

صالح: (صحيت وابغى ادق عليها الباب عشان نفطر سوا بس ما اعتقد انها تبي، الصراحة مني نادم عاللي سويته هي نرفزتني ووجه الصدمة حقها ضحكني. خليتها نايمة وطلعت)

.................................................................................
-انتي: الو؟
-اختك: تستهبلين للحين نايمة؟
-انتي: وش تبين؟؟
-اختك: الساعة ٦ المغرب طول اليوم انتظرك تجين، وين التوقيع حقي؟؟
-انتي: ايييش الساعة ٦؟؟؟ يلا يلا جاية باي

(كيف نمت لذا الوقت احين ذا بيرجع وانا ما ابي اشوفه يلا لازم اركض عشان اطلع، حرفيا جلست افحط في الشقة ووصلت عند الباب، اول ما فتحته شفت صالح في وجهي)

-صالح: تستقبليني؟
-انتي (يتعمد ينرفزني لكن ما بعطي ردة فعل): بروح بيتنا
-صالح: طيب بوصلك
-انتي: لا ما يحتاج
-صالح: شفت سواقكم تحت وقلتله يمشي فـ يا تخليني اوصلك يا نجلس بالشقة

(لفيت عيوني وتأففت ونزلت بدون ما اتكلم، سألني كم سؤال عشان يفتح سالفة وانا ردودي كلها اي لا بس، معرف كيف مسوي كأن ولاشي صار وانا ما نمت بسببه. وصلنا عند البيت وطبعا لأن حظي جدا جميل كان ابوي جايب العشا ونازل من سيارته)

-ابوك: صالح؟ اخيرا شفناك
-صالح: هلا عمي كيفك؟
-ابوك: تمام الحمدلله، انت كيفك يا ولدي وكيف بنتنا الحلوة؟
-صالح: والله يا عمي لو اشكرك من اليوم لبكرا ما اوفيك فيها
-ابوك: لا تبالغ عاد بنتي واعرفها عليها حركات يمين يسار ههه
-انتي: انا هنا!
-صالح: والله بيني وبينك يعني اي شويه هههه
-انتي: طيب انا بدخل واخليكم تحشون فيني براحتكم

-ابوك: هههه حياك صالح تونا بنحط العشا
-انتي: لا لا تسلم صالح بيطلع مع اصحابه
(صالح طالعني ومخبي الابتسامة)
-ابوك: اصحابك تشوفهم كل يوم تعال بس احنا اهلك ما شفناك من شهر يمكن، حياكم يلا

-صالح (مسك يدي وهمس): يلا يا زوجتي
-انتي (ماسكة اعصابك): اترك يدي لا اضربك بالشنطة
-صالح: لا تتوترين ما بسوي شي ثاني قدام اهلك

(وجهي صار احمر وابغى اضربه ضرب لين ما ارتاح بس ماسكة نفسي بكل قوة الصبر اللي فيني)

......................................................................
(دخلنا اكلنا خلص العشا واختي جلست تكلم صالح عن مباراة امس واعطاها التيشرت واثنينهم يضحكون ومبسوطين)
-انتي: بروح اشرب ماي

(معرف ليش حسيت شعور غريب وانا اطالع ما ادري حسيت اني احتاج هوى شوي وطلعت الحوش. وبعد دقيقة)