صالح الشهري

2

صحيت اليوم على الظهر ومتعمدة اتأخر على امل ان الاستاذ صالح يكون طلع من البيت وفعلا طلعت ما حصلته.
روقت اخر رواق وشغلت رشودي بجوالي ولبست السماعات واغني وجالسة اسوي لي فطور وانا مبسوطة، الصراحة ممكن هذا ما كان الزواج اللي احلم فيه لكن الجانب الايجابي اني اقدر اجرب شعور الاستقلالية وكذا يعني فيها وناسة شوي😂
وبوسط رواقي ما حسيت الا انسحبت سماعتي ومن الروعة جرحت نفسي بالسكين.

-صالح: اححح والله صارلي ساعة انادي وأشر.
-انتي: غبي انت ما تشوف السكين في يدي؟؟
-صالح: طيب بالغلط وش اسويلك معليه الصوت حده.
-انتي: يعني حبكت الا احين بتكلمني مرة شي مهم ما قدرت تنتظر دقيقة وحدة اخلص اللي بيدي؟ مو انت اللي قايل كل واحد يعيش بكيفه مدري ايش؟
هيييي ترى جالسة اكلمك وين رايح يعني فوق انك جارحني ومو معتذر بعد تركني ومشى تراك شايف نفسك على ولاشي حرفيا في شي اسمه اخلاق.

(رجع صالح بعد ماراح غرفته مدة ٥ثواني وفي يده مسحة ولصقة جروح وقرب ومسك يدي وانا ساكتة، انصدمت وبنفس الوقت تفشلت شوي ان صارلي ساعة اصارخ. خلص وحط اللصقة وطالعني شوي وبعد)

-صالح: اسف.
-انتي: حصل خير
(صار الجو متوتر وصمت غريب)
-انتي: ما بتطلع؟
-صالح: اوك فاهم الطردة طالع الحين كنت في طريقي للتدريب بس رجعت اعطيك قهوة، جبتلك معي.
-انتي: يعطيك العافية بس ما احب القهوة سادة.
(صالح عطاني نفس نظرة امس واخذ القهوة وطلع. مو بس لأنه لصق جرحي اللي هو تسبب فيه يعني صار لطيف فجأة وانا ما قلت شي غلط يعني ليش يتفلسف ويجيبلي قهوة بدون ما يسأل وش انا ابغى؟)
......................................................................
-في ملعب الهلال-

-كنو: هلا واللله ابو الصلح مبروك مبروك.
-صالح: حبيبي الله يبارك فيك.
-البليهي: وش جايبك انت مو اجازة؟
-صالح: امشي يعني؟ هذا وانا جايبلك قهوة.
-البليهي: لاااااا حبيبي واله تسلم تسلم دام حاسبني حياك تفضل
-صالح: اي على اساس ملعب ابوك جاي تعطيني اذن حضرتك😂 وين سالم بس ترى جاي عشانه.
-كنو: وليش رايحله تبغى نصايح؟ قولي انا والبليهي خبرة ما عليك نكفي ونوفي.
-صالح: اشوفكم ما شاء الله كل واحد عنده عشر عيال.
-البليهي: لا لا ما عليك هذا تكنيك يقولك المدربون لا يلعبون.
-صالح: انا اروح ادور سالم داخل ابرك من سواليفك انت وياه.
...

-سالم: يا هلا بالعريس وش عندك جاي في اجازتك؟ تدور الشقى.
-صالح: يا هلا فيك والله، جاي ابي اسولف معك شوي الصدق.
-سالم: يعني انا دريت بتجيني بس بالسرعة ذي ما توقعت، قول فضفض يا صديقي ايش واجهك من عالم النساء؟
-صالح: ههههه متوقع جيتي بعد، والله ما ادري وش اقولك انت عارف اني ما عندي اي مشكلة في الزواج التقليدي بس هي واضح ما كانت تبي عشان كذا ما ضغطت عليها.
-سالم: صح عليك بس لازم تعطيها وقت تتعود، عارف ممكن يصير في خلافات خصوصا في البداية بس بعد اثنينكم تلينون.
-صالح: عارف عارف بس هي مرة حاقدة علي وتكلمني بطرف خشمها والله مهي متقبلتني ابببد، وبعد ما جرحت يدها ودعت الامل.
-سالم: بعد ما ايييييييش؟؟ وش سويت؟؟؟؟
-صالح: لا لا بالغلط والله هي كانت ماسكة السكين وانخرشت مني وجرحت نفسها والله مو قصدي.
-سالم: اعتذرت؟
-صالح: تخيل اني رحت اجيب لصقة وقعدت تنافخ تقول في اخلاق وليش تتركني وانا اكلمك؟ طيب ايش اسوي اخليها تنزف لين تموت يعني؟ ولما قلت اسف ما كان قصدي قالت متى طالع؟ ترى مو شقتها هذي شقتنا احنا الاثنين
-سالم: ايي بس انت لـ
-صالح: والقهوووة تخيل جايب لها قهوة قال ايش ما احب السادة خذها معك والله ماهي طايقتني ترى جرح بالغلط يعني ما يستاهل ذا كله.
-سالم: خلصت؟
-صالح: احم... ايوه تفضل.
-سالم: لازم تفكر بالاشياء من وجهة نظرها هي، يعني لما انت تسولف معي واروح فجأة بتقول الله يعطيه العافية راح يجيب لي عشا؟ لا، فهي كيف بتعرف انك رايح تجيب لصقة.
-صالح: وحدة تنزف يعني بالعقل بروح اخذ غفوة مثلا؟
-سالم: انا مو جاي احكم مين صح مين غلط انا اقولك افهم بس افهم، انت بالنسبة لك مسوي خدمة حلوة جايب لها قهوة بس هي تعرف ايش فكرت فيه؟
-صالح: في معاني للقهوة؟ ايش بتفكر؟
-سالم(يقلد صوت بنت): هذا واحد يبي يشربني ويأكلني بمزاجه مو مهتم يتعرف علي وش احب وش اكره، انسان اناني ونرجسي ما يفكر الا بنفسه.
-صالح: ههههه يا ساااتر كل ذا.
-سالم: واكثر بعد، عشان كذا اقول طبيعي الاختلاف بس حاول تتفهم وهي بعد تحاول تلين شوي وتنحل اموركم وتتسهل.
-صالح: امين يارب مشكور والله ما تقصر.
-سالم: حبيبي في الخدمة اي وقت.
......................................................................

اختك: حياتي اختي بعد قلبي تعرفين اني احبك ومستحيل امل منك بس يعني الساعة ١٢ ما بترجعين الشقة؟
انتي: اففففففف ما ابغى ما ابغى ارجع واشوف وجهه، اول ما وصل الشقة رسلي يقول وينك قريتها وما رديت.
اختك: ادري جا سألني اذا انتي في بيتنا وقلتله اي، الصراحة تراك مرة مبالغة يعني الولد يمكن هادي ما يتكلم كثير وقالك بالغلط واسف ومو قصدي ليش معاملته كانه خانقك.
انتي: بعد اييييش ما قال اسف الا لما انا قلت ان الاعتذار من الاخلاق.
اختك: طيب طيب خلاص دريت والله عدتي السالفة ثلاث مرات بس للحين احس انك مقفلة نفسك وما تبغين تعطينه فرصة.
انتي: تكفين قولي لامي انك مشتاقة لي وتبغيني انام بالبيت.
اختك: لالا مالي شغل والله تجلدني هي محرصة علي اخليكم على راحتكم وما ادق عليك اصلا.
امك: ها يا بنتي ما قمتي اخوك تحت بيوصلك الشقة.
انتي: ماما امانة اشتقت للجلسة بالبيت ببات هنا اليوم.
امك: اقول قومي يلا روحي السيارة شوفي زوجك حتى ما سألتي عنه اكل ما اكل.
انتي: حاضر حاضر.
(رجعت الشقة وواقفة عند الباب ما دخلت سامعة صوت التلفزيون من برا وعارفة انه في الصالة، دخلت وجيت على طول بروح غرفتي)
-صالح: عليكم السلام
-انتي: هه السلام عليكم، انا بروح انام تبي شي؟
-صالح: والعشا؟ منتظرك تختارين اللي تبين عشان ما تقولين احب وما احب.
-انتي: لا اطلب اللي تبغاه انا اكلت بيت اهلي.
-صالح: طيب... ايـ
(انا من سمعت كلمة طيب دخلت غرفتي على طول، مدري عنه وش كان بيقول ولا عندي اهتمام اعرف اصلا)

-صالح: (تعال قولي يا سالم افهمها واعطيها فرصة قفلت الباب بوجهي وانا جاي بقترح نشوف فلم، انا خلاص ما بحاول دامها صادة خلها تعيش الحياة اللي تبيها مع نفسها)

......................................................................
الكاتبة: شفيها ذي عندها صالح وما تعطيه وجه مو طبيعية😭
بس والله كيوت يعني قاعد يحاول مسكين❤️