صالح الشهري

4

(صحيت في الصالة وعلي لحاف جلست ابي استوعب شصاير وانا وين وكم الساعة، وانا في نص الاستيعاب سمعت صوت باب غرفة صالح فغطيت نفسي بسرعة وسويت نفسي نايمة)

-صالح: المفروض اسوي نفسي ما شفتك يعني؟
-انتي (من تحت اللحاف): صباح الخير
-صالح: هههه صباح النور، غريبة صاحية بدري بالعادة افطر واطلع وانتي للحين نايمة
-انتي: امممم لأني انتظرك تطلع بعدين افطر
-صالح: اها
(صمت)

-صالح: طيب بطلع افطر مع الشباب عشان تاخذين راحتك
-انتي: لاا مو قصدي والله بس اشرح لك يعني ان قبل يعني اقصد
-صالح (قاطعك): اطلع افطر ولا بتفطرين معي؟
-انتي: عطني عشر دقايق، ولا تطالعني شعري معفس
-صالح: ههه طيب

(غسلت وجهي وغيرت ملابسي ورتبت شكلي شويه، وجهي واضح عليه النوم بس وش اسوي. لما طلعت شفت صالح يسوي بيض وحاط صحون جبن وعسل وزيتون وقاعد يقطع خيار)

-انتي: متى سويت ذا كله، خليني انا اقطع عالاقل
-صالح: متعود اسوي لنفسي فطور بس زدت الكمية
-انتي: طيب وخر شوي خليني اقطع
-صالح: عشان تنجرحين مرة ثانية؟ لا خلاص اجلسي
-انتي: لا تسوي يعني اني ما اعرف امسك سكين تراك انت اللي جرحتني
-صالح: طيب طيب اجلسي
-صالح (بصوت خفيف): وش طاقة الهواش ذي من الصبح
-انتي: وش قلت؟
-صالح: ولاشي يلا ناكل

-انتي: صالح اذا عندك شي قوله لا تجلس تطالعني كل شوي يوتر
-صالح: اسف اسف اااا بتروحين عند اهلك الليل؟
-انتي: اي؟
-صالح: طيب، اختك...
-انتي: ليش تعطيني كلمات مقطعة؟ شفيها اختي؟
-صالح: طيب بقول بس لا تطيرين غرفتك وتزعلين
-انتي: ماشي قول

-صالح: اختك هي اللي شرت البلوفرات صح؟ واحد لك واحد لها
-انتي: اي اكيد لو كنت اعرف يعني ما لبـ
-صالح: دريت والله دريت عدتي الجملة ذي خمسين مرة، مو ذا قصدي. اقصد يعني اذا هي تتابعنا وكذا اذا تبغون في مباراة الليلة
-انتي: تبينا نروح الملعب؟
-صالح: بكيفك يعني اذا ما تبغين بس يعني كل اللاعبين عندهم تذاكر مجانية اذا تبغين بعطيك
-انتي: امممم طيب بسألها واشوف... شكرا
-صالح: العفو

.................................................................................
-اختك: قولي والله!! طبعااااااا بنروح
-انتي: فقعتي اذني وجع
-اختك: يلا يلا المباراة الساعة ٨ وش البس؟ وش احط ميكب؟ بيخلينا نصور مع اللاعبين؟ عادي يخلي البليهي يوقع لي؟
-انتي: حبيبتي يا المصفوقة اركدي شوي، بعدين انا مالي في الكورة احس طفش وازعاج مو متاكدة اذا ابي اروح

-اختك: تكفين تكفين عشاني ترى من تزوجتي وانا ماعندي احد اطلع معه ودايما قاعدة في البيت حتى اذا جيتي نجلس بالبيت
-انتي: صدق احس من زمان ما شفت ناس
-اختك: شفتي صدقني بتستمتعين وتقدرين تطلعين كل طاقتك وتصرخين بكيفك محد بيقولك شي
-انتي: ما تحسين الوضع غريب بيصير؟
-اختك: يا محور الكون يا الالماسة المضيئة تراه في الملعب بيلعب وانتي مع الجماهير شدخل
-انتي: طيب طيب خلاص اوكي