KI KULA NI!!! (MALLAKIN ZUCIYAH)💞PAID NOVEL..

FREE PAGE 2

   *_K I   K U L A  N I_*
_(MALLAKIN ZUCIYA)💕_

_N A N A  H A F S A T_
       _MSS XOXO_

   

_F R E E - P A G E :002_
______

*A* darare ta kashe dan kyandirin da ke ci ahankali ya kusa cinyewa. Ta dubi yaran nata su biyu maza. Sun zuba mata idanu.

Ta yafito daya da hannu yana matsowa kusa da ita ta goye shi a baya. Ya yinda ta dauki dayan a hannu.

"Kuyi shiru. Kar wanda yayi magana.. "

Sikif ta fice daga cikin dakin zuwa bandaki bayan tayi adduar shiga. Dan ruwan da ke cikin bokitin da ta sakaye shi a bakin kyauren ta dakko. Ta saka hannun ta aciki da dan dumi kadan.

Nan da nan ta sabule musu kayan jikin su duka. Cikin rawar jiki ta shiga yi musu wanka tanayi tana juyawa tana duban kofar wajen bandakin. Kasancewar dare ne. Ga fargaba da ke cunkushe a kirjin ta. A 'darare take cudasu tana dauraye wa da ruwa.

Tana kammala wa ta dauki dayan da dazu daukar sa tayi ta goye shi. Yayin da ta dauki dayan data goya dazu ta rike shi a hannu.

Da sauri ta fito da su daga cikin bandakin ta shige dasu cikin daki. Nan da nan ta rufe kofar dakin da dan kyallen da take rufe wa.

"Bacci yazo ko Hammadu?" Ta tambaye su tana goga musu basilin.

"Haidar kai ma bacci ko? Kunga Hadiyyah sai baccin ta ta ke. "

Suka juya a tare suna kallon Hadiyyah da ke bacci tana sakin munshari.

"To zo nan ka kwanta kai ma. Kai Hammadu dawo ta nan... Yauwa yaran albarka. " Ta kwantar da su duka akan wata yaloluwar yar katifa bayan ta tofe su da addu'oi.

Ta janyo muhuci ta shiga yi musu fifita tana mai kade musu sauro. A haka har sukayi baccin su ma.

Tsayawa tayi tana bin su da kallo. .. su ukun duk sunyi bacci. Ta sauke ajiyar zuciya tana kokarin mayar da hawayen da ke shirin gangaro ma ta kan kumatu.

Sai da dare ya kara ja tukun sannan ta tukwikwiye yar jakar data ke matashin kai (pillow) da ita ta kwanta daga gefen su bayan tayi addu'oin kariya. Ba dadewa kuwa bacci ya dauke ta..

××WASHE-GARI××

Da asubah tana tashi bayan tayi sallah ta shiga gyara dan tsukakken dakin da yake a matsayin nata dana yaranta su uku.

Ta tattare shara ta zubar. Kana ta zauna tana jan carbi har lokacin da gari ya waye rana ta fito.

Soyeyyen dankalin hausa da kwai ne ke tashi daga dakin Ladiyo. Ta sake sakaye kofar dakin don kada kamshin ya shigo su Hammadu su shaka. Tunda haramiya ce domin ba ci zasuyi ba. Kar su zo suna mata kuka. Batada inda zata samu dankali bare kwai.

Don haka da sauri ta mike ta gyara zaman hijabin jikin ta. Ta fita daga cikin dakin.

Tana fita sukayi kicibus da malam mai gidan su. Ya shigo da ledar kosai a hannun sa.

"Barka da safiya malam.."
Ta tsugunna har kasa ta gaishe shi.

Ya dube ta a yatsine yana mai cigaba da sakatar hakoran sa da wani tsinke.

"Ke Murjanjan ungo kai wa babar ku." Ya mikawa wata yarinya ledar da ke handama dankali da kwai cikin bakin ta. Yayinda gefe daya ruwan shayi ne a kofi tana korawa da shi...

Ta bi ledar da bayar da kallo. Tarasa wano irin rashin imani ne da shi. Da sam baisan hakkin iyalin sa ba akan sa. Iyalin ma su kadai kawai.

Ta goge hawayen da ya gangaro mata da kasan hijabin ta da sauri ta mike ta fice daga gidan.