KI KULA NI!!! (MALLAKIN ZUCIYAH)💞PAID NOVEL..

LAST FREE PAGE 5

*_K I   K U L A  N I_*
_(MALLAKIN ZUCIYA)💕_

_N A N A  H A F S A T_
       _MSS XOXO_

   

_LAST F R E E - P A G E :005 (SHAFIN KARSHE NA KYAUTA...)_
______

Ya tsugunna agaban Yayan na su . Cikin ladabi yace,

"Ina wunin ku...?"

"Lafiya kalau Junaid ."

"Lapia..."

"Kalau muke maza."

"Kanin mu rabajau kalau mu ke ..."

Suka shiga amsar gaisuwar tasu da yayi... Aqeel ya gyara zaman kishingidawar da yayi yace,

"Akwai hamsin awajen ka?"

Junaid yayi 'dan dum... Yana mamakin irin bushewar zuciya da rashin tashi a nemi na kai na Yayan su Aqeel. Yanzu hamsin dinnan ita kadai ce a aljihun sa kuma akwai abunda ya ke so yayi da ita. Don haka yace,

"Sai dai ashirin Yaya... "

"Ban ashirin din kawai."

Littafin sa ya dakko ya bude tsakiyar shafi. Nera ashirin ya dakko yan nera biyar biyu da nera goma guda daya.

"Ga shi..."

"Yauwa... Idan ka samu ciko ka kawo mun." Aqeel ya fada hadi da cusa ashirin din a aljihun gaban rigar sa.

Junaid yayi murmushi kawai. Halin Yayan nasu sai shi. Wai idan ya samu ciko ya cika masa tamkar ajiya ya bashi. Ko kuma wani aiki yakeyi da ake biyan sa. Mikewa tsaye yayi ya karkade jikin sa.

"Kar fa ka manta idan ka samu cikato ka kawo mun."

"To..."

"Idan pi network ya fashe. Wabillahi jeep takwas zan saya ma ka Junaid. Sannan duk wata sai na kai ka Dubai. Bayan wata biyu kuma Saudi Arabia zaka je. Daga nan kayi branching a Egypt..."

Dan murmushi kawai yayi wa Yayan na su..

"To..."

"Karfa ka man ta da cikon"

"Okay" Kawai yace. Ya wuce hanyar gidah abun sa.

××LAYIN MARIGAYI SHEIKH SUFYAN ZUBAIR××

    Gidah ne babban gidah ginin daaa. Da wasu rassa na ciki da aka buge aka gyara bisa zamani. Dai dai gyaran talaka mai godewa bisaga ni'imomin da Allah yayi masa da buwayar sa da rahamar sa..

Junaid ya sauke nannauyar ajiyar zuciya alokacin da ya shigo layin gidan na su. Ya dubi signboard din da gwamnati ta tallafawa unguwanni da su.

Kowane layi an saka sunan wanda yafu dadewa a layin. Ko da bako zai zo zai gane inda akai mai kwatance da sunan jikin signboard din da ke layin da ake son zuwa.

Ya tsaya agaban Mari me soya awara. Tana jingine da signboard din layin na su. Mai sunan mahaifi agare su. Marigayi sheikh sufyan zubair.

"Ina wuni?" Mari ta gayshe shi tana dashare hakora.

Fuskar nan tata tayi jagalaf da hoda mai ruwa (foundation) Ta caba jagira hadi da goga jambaki ja.

"Lafiya kalau Mari ta mu...Aban awara." Ya fada hadi da mika mata nera talatin.

"Ka basshi., " Ta ki karba hadi da janyo farar leda ta cikata taf da awara. Ta debo yankakkun tumatir da albasa dake gefe ta zuba aciki.

"Ga shi...."

Kin amsa yayi. Wato da gaske su Fareeha su ke? Yarinyar nan kaunar sa take? Duk sanda suka gaya masa yadda take basu awara kyauta ko ta kara musu da yawa idan sunzo siya .. Sai suce saboda shi ne. Wai tana tambayar su ya yake tana mai tula musu awarar.