همام
ألا يتعبك كل هذا الجمال ...؟ كيف لك أن تكون بريئِ ومحتال بنفس الوقت كيييييف...؟
عجزت عن معرفتك وفهمك...وأنا الذي رتبت قطع لغزك بيدي .. كيف للقدر أني يبعثرك هكذااا ..؟
ويرمي بي في أعمق هاوية للضياع كيف..؟
__________________
شذر : دكتور حضرتك ويانه بالقسم..؟
دكتور : أي نعم ..
شذر : بس مشايفتك أبداً..
دكتور : أذا عندج أستفسار بخصوص شيء أسمعج..؟
شذر : نص أو كل ألطلاب يعرفونك حاستك خافي شخصيتك بس علية..؟
الدكتور : لا يتهيألج..
شذر : أترخص تصبحون على خير ..
رد الكل ب أنتي من أهلة داومت ثاني يوم عادي بعدها غبت يومين لأن تمرضت وباجر أن شاء الله أداوم..
دوامت وصلني سند ودخلت للقاعة... صباح الخير...
رد الكل ب صباح النور ..
شذر : شلونج سارة.
سارة : الحمدالله وأنتِ شخبارج شلون صرتي..؟
شذر : الحمدالله أحسن شكو ماكو شصار مصار بغيابي..؟
سارة : والله بخير صايرة كتل على أبو الحلاوة..
شذر : ما فهمت..؟
سارة : أحسن.
شذر : هسة غير تحجي ..؟
سارة : البنات يحجن على هذا الرجل المغرور ههههههههه بس هو ما معبر أي وحدة بالجامعة..
شذر : على شنو تضحكين داده عبالي موضوع مهم..
سارة :ما يهمها عشتوو صوجي أحجيلج..
شذر : خلصت المحاضرة ورحنة الكافيتريا..
سارة : شنو تشربين شاي لو قهوة..
شذر : قهوة بالحليب..
سارة : تمام ... أكلج شذر..
شذر : عيني كولي..؟
سارة : تدرين ألمغرور هو نفسه الدكتور ألي بالكروب..؟
شذر: لااا عفية لا تكوليها متأكدة هو ..؟
سارة : أي والله ليش شكو..؟
شذر : لا ماكو شي..
سارة : أممممم..
شذر : عزاا بعينج شذر هو ألي شافني ذاك اليوم وسوه نفسة ما مهتم ونفسة الي راد يوصلني وألي حذرني يبووو
هذا ولا جنه هو أيييع شكد مستفز يووو هسة أني شعلية بي..
سارة : وين صافنة وأيدج على الخد..؟
شذر : هاا لا هيج شردت..
سارة : يلا كومي شنو اليوم ناوية تباتين بالجامعة..
شذر : أي والله نسيت أمشي يلاا.....رجعت للبيت بعد تفكير عميق يلا كدرت أغفى حتى أكل ما شتهيت أكل كعدت الدنيا طالعة من
عيني شايفين نومة الضهر اكرهها بس من التعب أنجبر أنام خو ألأحلام يووو خلوها سكتة هههههههههه درست وبعدها صبيت وأكلت فتحت موبايلي ولكيت ألكروب مكلوب كلاااب ألكل تحمدولي بالسلامة ..
دكتور : ألحمدالله على سلامتج معافايه يارب..
شذر : ألله يسلمك دكتور..
دكتور: تكدرين تناديني بأسمي همام مادامج عرفتيني..
شذر : ليش وياهم جاف بتعاملك أو وياي لا ..؟
مريم : لا شذر تتشاقة دكتور..
همام : هااا ... خير أن شاء الله..
شذر : نمت وثاني يوم داومت خلصت محاضراتي ودنتمشى أني وسارة..
سارة : تعالي هنا نكعد ألخضار يجننن..
شذر : أي.
سارة : كلامج قليل بين كل دقيقة والثانية ألج رأي شكل تضوجين وبنفس الوقت ألكاج تضحكين ألتناقض بكلامج مو طبيعي أسلوبج
أبرد من ألثلج بس بكلبج نارتحرك تحرك كل العالم أحياناً تتصرفين تصرفات تخليني أخاف منج بس أحسج طيبة هواي مدافهمج أبداً
لأول مره بحياتي أصادف هيج شخصية أنتِ تحيرين ..
شذر : هااي أني هيج..؟
سارة : أي ..
شذر : أذا مأذيتج بشي أو مضوجتج أبتعدي عني ما مجبورة تبقين وياي..!
سارة : هاي شبيج شنو هل حجي شنو أبتعد شووو دسكتي..
شذر : زين ألمهم كتلج بعد..
سارة : شنو ألوصلج لهل حال..؟
شذر : ضروف..
سارة : ألضروف هيج غيرتج لعد شكد حساسة أنتِ ..
شذر : عادي أكو أشخاص ينجنون..
سارة : حبيبتي ليش منو كلج أنتي أصلاً مو مجنونة هههههههههه..
شذر : ههههههههه عابتلج أي وألله..
سارة : ولج عزااا هذا الدكتور جان ورانه داير وجهة بس لا سمعنة..
شذر: لا ما أعتقد..
سارة : لا والله جنه مركز ويانة حتى عاقج وجهة وقريب علينة..
شذر : أوووف هسة أني ناقصتة... شسويلة قابل شحجينة وأذا مسمع..
سارة : شهل تناقض لخاطر الحمزة هههههه..
شذر : ههههههههه..
سارة : دمشي نرجع..
شذر : يلا .... وصلت للبيت تغديت وصعدت أنام نمت وكعدت ألعصر صليت وأهتميت بنفسي عناية ع أخر حبة ماسكات لشعري
ولبشرتي خلصت وكعدت أدرس بعدها فتحت موبايلي لكيت ألطلاب ينتضروني همة والدكتور حتى يتصلون مكالمة جماعية سولفنة
ع مواضيع تخص الشخصيات وبالأخص الشخصية النرجسية..
أنت تقرأ
المستبدة
Mystery / Thrillerقصة _ عراقية _ حقيقية بقلمي _ ديار _ علي تلك التي أسقيتها بكؤوس حبي وعطائي بعد أن أستهلكتني وأمتصت طاقتي.. عادت أقوى مما سبق ف أنتزعت قناعها ونظرت لي بكل أنتصار.. صفقت وأنحنيت لها أجلالاً وتكريماً لتمثيلها وفنها في التلاعب.. فأنا منذ أن أحببت تل...
