أَنـت عِشـقَي

البارت:1(يا حِلم عَاش ويَ روَحي)

بغداد 7:00 صَ
دك صوت أكثر شي اكره بلحياة المنبه انطيته غفوه ورجعت نمت رجع مره ثانيه دك اوف كايمه كايمه الله ياخذ المدرسه كمت من فراشي متوجه للكنتور اخذت ملابس المدرسه دخلت للحمام وطلعت بالمنشفه توجهت للمرايه وكفت جدامها اباع النفسي نسخه من امي الشي الوحيد المصبرني علي فقدانها اشبها واني بصفنتي زوجه بابا نادت عششششق فزيت من صفنتي وركضت لبست قميصي وصدرية كملت تبديل لبست حجابي ونزلت اتريك سمعت صوت بابا يتغزل بزوجته دخلت للمطبخ
عشق:صباح الخير 
الكل:صباح نور
كعدت اكلت كملت أكل سفره دايمه اروح اني طبعًا اني امشي للمدرسة لأنها قريبه كولش علي بيتنه
عدنان:انتظريني اني اوصلج
عشق: بابتسامة صغيره شكرًا باباتي هياتها المدرسه اريد اتمشي الجو كولش حلو
عدنان:براحتج
عشق:طلعت اتمشي للمدرسه وادندن اغنيتي الاحبها بين شفايفي

صغيره كنت وانت صغيرون .. حب عرفنا بنظرات العيون
قالوا ترى ذولا يحبون .. و من الصغر لما يكبرون
مثل نجمة والقمر .. كبر حبنا وازدهر
بعيونك حبيبي .. نبتدي دروب السفر

على الجرف قعدنا ليالي .. مر النهر والنخل عالي
تغيرنا واكبرنا ياغالي .. ظل النهر والنخل عالي
مثل نجمة والقمر .. كبر حبنا وازدهر
بعيونك حبيبي .. نبتدي دروب السفر

مثل النهر ماتغيرنا .. حبنا كبر واحنا كبرنا
محلى حب اللي جمعنا .. مثل الطيور احنا طرنا

وصلت للمدرسه وطبعًا اثناء مامشي ماخلص من كلام البنات الي اسمعه كليوم بس اغلس مغرورة ،شايفه روحها،بيها توحد،متصنعة ،قبيحه،بنت المسيحيه،وغيرها الكلام الي يموتني بس ماكدر احجي ماحب اختلط بلبنات وماحب سوالف البيست والصديقات ماعرف ليش احنه البشر من نحجي ونقلل من قيمت الشخص وننتقده مانفكر عده احساس وقلب ينكسر ويضوج وينجرح بس عادي تعودت دخلت الصفي بديت اراجع دروسي دك الجرس ودخلت المدرسه وحصه ورا حصه لحد ما خلص وماجنت اريد يخلص لأن أكو عذاب منتظرني طلعت واتمشيت وصلت للبيت
عشق :سلام
سناء:بدلي ونزلي طبخي وسوي حلويات العصر صديقاتي جايات
عشق:اتعودت هاي زوجه بابا...اوك باجي بس ابدل

رحت الغرفتي واول مدخلت بدلت ملابسي لتراكسود اسود ورحت توضيت وصليت نزلت وكفت علي الطباخ وبديت اسوي اكل طبخي كولش حلو بابا يكولي نفسج كولش حلوه بلطبخ نفس طبخ امج الله يرحمها...رجعت بذاكرتي لقبل (9)سنوات عمري جان تقريبًا(8)سنوات امي جانت مسيحية من كركوك وبيبي امها جانت كردية نخلط الكردي مع المسيحي وصارت امي آيه من الجمال جانت وحيده لإن بيبي وجدو تزوجو علي كبر بسبب سقوط النظام اجو لبغداد بعد ما الاوضاع استقرت امي دخلت جامعه بغداد طبعًا بابا جان بغدادي عائلته توفت بسبب انفجار جان عنده اخت اكبر منه متزوجة عايش عدها شاف ماما بالجامعه وحبها صار بينهم قصه حب طبعًا اهل ماما عارضو بس ضلت مصره تتزوج التي تحبه تزوجو ماما وبابا وعاشو وي بيبي وجدو وولدت اني عشق....عشق ماما لبابا
سناء: عشقققق الأكل حترك
عشق:فزيت من صفتي طفيت الأكل وحضرته واني اكلت بالمطبخ لأن زوجه بابا ماتقبل اكل وياهم وصعدت أنام...
رجعت بأفكاري لطفولتي الحلوة جانت حياتنه حلوه وعاديه لإن صار عمري (7) سنوات واني وحيده ماصار عندي اخ او اخت وجنت مدللهه والناس بلشت تحجي ليش ماصار عندكم بس هاي وقرايب بابا جانو يحجون علي امي انو هي عقيمة وماتكدر تنجب بعد يوم من الايام اجت عمتي لبيتنه....
فاطمه:اكول ميرا ليش ماحبلتي بنتج مو صغيره صارت بطولج اخوي هم ايريد ولد ايشيل اسمه
ميرا: ماعرف رحت للدكتورة وكالت مابيج مشكله وبنتي بعدهي صغيره واحنه لسه شباب
فاطمة:عيني ياشباب غير اخوي بعد اله كم سنه يدخل الأربعين
ميرا:يمكن حكمت ربي كاتبلي بس عشق احنه البدينة سوينا
فاطمة:انه اعرف خوش دكتورة جهزي روحج العصر اخذج
ميرا:بس خاف عدنان ميقبل
فاطمة:عدنان فرحته ماتوسعه من يسمع انتي حامل الزلمه ايريد ولد يشيل اسمه
صار العصر وعمتي اخذت امي وصدك بعد مرور كم شهر امي حملت وجنه طايرين فرح صار علي حمل امي خمس اشهر وعرفت البيهه ولد بس فرحتهم مادامت بيبي وجدو سوو حادث اثناء طريقهم للزيارة وتوفوا امي شبعت قهر وخلصت ايام الفاتحه لطم وصراخ يوم سابع الفاتحه.......امي صار عده نزيف قوي النسوان كامت تصرخ وصاحو البابا شالوها وخذوها للمستشفى واني جنت العب بلشارع ماعرف شنو الكاعد يصير !!
الدكتورة بعد مافحصت ماما كالتله الحمل مسبب خطر علي حياتج ولازم تنزلينه بإسراع وقت لإن اكو خطر جبير علي حياتج امي حلفت الدكتورة ماتحجي وانو هيه تتحمل رجعو للبيت وبعد مرور شهرين..
جنت اكتب دروسي اجت ماما مشطت شعري...
ميرا:عشقي ماماتي ديري بالج علي حالج صيري قويه اهتمي بروحج صيري طيبه وهادئه لاتكرهين احد حبي الكل سامحي وصيري شاطره لاتأذين ابوج وسمعي الكلام شعرج لاتكصينه اهتمي بي كل ماتشوفين شكلج بالمرايه اذكريني احبج بنتي بس العمر مو بيدنه سامحيني ياروحي بوستني حضنته ونمت كعدت من النوم علي اصوات صراخ!!؟امي بليل صاير عده نزيف وما كدرو يساعدونه وتوفت هيه والي ببطنه عم الحزن بلبيت وهوسه وصياح والناس مخبوصه جنت طفله ممستوعبه هيج وضع ولا مار عليه ولا عايشته هوسه وجادر وسواد ونحيب لزمني وجع بكلبي حسيت روحي مو طفله لا بنت جبيره بجسد طفله ليش اني امي تموت واعيش يتيمه ليش وليش ماحب تفاصيل الحزن توجعني روحي من اذكرهن الدنيا حملتني فوك طاقتي!!
رجعت لواقعي وبعد تفكير طويل نمت وكعدت علي صوت زوجه بابا تريدني اسوي حلويات سبحت ولبست تراكسود بنفسجي وبلشت اسوي حلويات كيك وكنافه وغيرها....
سناء:حضري الضيافه همايتين صديقاتي اجو
بلشت احضر وملتزمه السكوت واسمع صوت ضحك صديقاتها الواصل لباب الشارع خلصت كلشي لبست حجابي وشلت الضيافه ودخلت
عشق:سلام
الكل:عليكم السلام
خليت الضيافه بسرعه وركضت ماحبيت اسمعهم شنو يحجون عني لان ادري ما يذكروني الا باسوء واني شايله صحون الحلويات سمعت زوجه بابا تكول الصديقاته:
سناء:شفتنها البربوك ولا عبالك عمرها عمر زعطوطه شفتي جسمها.....
ياا شكد نغلات وين شفتن طي..زها شكبرا ومرفوع..
سويت روحي ماسمعهم دخلت الضيافه وصعدت الغرفتي ابجي ورجعت بذاكرتي... بعد وفاة امي بشهرين ابوي جان يهتم بيه يمشطلي ويسبحني ويكوي هدوم المدرسه لو يطلب اكل لو خالتي ام سمر تدزلنه اكل لاتستغربون؟ مو خالتي اخت امي جانت مثل اخته واكثر صديقات
بعد وفاه ماما هيه المعوضتني تدرسني وتاخذني وترجعني من المدرسه يوم من الايام اجت خالتي ام سمر تحجي وي بابا
ام سمر: ماتكدر علي بيت لازم تتزوج شنو ذنب هاي الطفله تتعذب بدون ام تزوج واستقر ماتكدر تضل علي اكل المطاعم واحنه اجه شغل له ابو سمر بالبصرة ولازم ننتقل وكلبي كله علي هاي الطفلة وميرا موصيتني بيهه وضلت تبجي وبعد حديث طويل ابوي قبل
عدنان:خوش اختي خطبيلي وحده علي عرفج كون تخاف الله بهاي اليتيمه
بعد مرور شهر بابا خطب واليوم زواجه
عدنان:عشق بابا وينج بدلتي
عشق:ها بابا بدلت
عدنان:ليش بابا ملابسه بدلتج الجديدة
عشق:ماريد هاي ملابسي حلوات
عدنان:باباتي عشقي الحياة تمشي وكلنا علي طريق والدتج
دنكت راسي والدموع تجمعت بعيني طلعنا وبابا سكت محجي لان اصلا باله مو يمي وصلنا.... العرس جان بس كرايب والعروس كرايب بابا  جانت بنت باكر عمرها 36 اكبر من بابا!
وشكلها عادي من عائله بسيطة اباوع الخاله سمر عيونها حمر ولابسه اسود وترسم علي شفتها ضحكه وجع....
بابا الضحكة شاكه حلكه عبالك شاب يعني هيج الانسان بسرعه ينسي شريكه حياته وحبها وصبرها وكلشي سوته اله؟
اوف ماما تعالي شوفي بيتج منو راح تاخذه....
جبنا العروس واجينا وحبايبها صفك وهلاهل والي يوجع اكثر بابا ابد ماتذكرني خالتي ام سمر واكفه واني لازمه طرف عبايتها الي مليانة سواد بلون الحزن الي مخيم علي كلبي!!
وصلنا للبيت ونزل بابا وزوجته وخاله كالت ترحين وياي هزيت راسي!
رحت لبيت خاله وبقيت عدهم اسبوع جان بابا ابد مايجي بس يتصل علي خاله بين يوم ويوم ها شلونه وبس؟!
جانت خاله تضحك جذب وتحجي وياي عبالها اني طفله متدري عقلي كبر قبل جسمي بعد مرور اسبوع يوم سابع بابا خاله كالت يلا امشي نروح لبيت امج دائما خاله جانت متقصده تقول هاي الكلمة بيت امج وبعدين عرفت شنو تقصد بيها....دكينا الباب فتح بابا الباب واجت لعروس لابسة مشلتح وطن مكياج وركبتها وايديها زرك اني جنت بس اباع مافهم شبيها بس اسمع خاله تدردم شنو مراهق ميستحي....
عدنان:ها ام سمر هلا بيكم شنو جبتي عشق عود كلت بليل امرلكم اعذريني
ام سمر:لا خويه ميخالف بس عشق مشتاقتلك
ام سمر:يلا من رخصتكم
مطولت خاله يمكن دقايق بس رادت تطلع جانت صاحت وراها زوجه بابا...
سناء:ام سمر بعدني مقدمتلج ضيافة العرس
ام سمر:مشكورة واصلا ضيافتج ابو عشق عشق امانه الله وامانتك بوستني خاله وعيونها دمعت واني متت بجي عليها وبابا يسكتني.... بابا طلع يشتريلي بلكي اسكت
سناء:اووووي سدي حلكج دوختيني والله يا الله ملحكت اتهنى جابته شمرته عليه صاحت دكومي سكتي.....
من ساعتها عرفت نفسي راح اعيش بعذاب اجه بابا جايب حلويات تلكته سناء جيبهم حياتي انه انطيه وكت ماتريد بدلت ملابسي ونمت كعدت الصبح علي حطتي محد ذاكرني!؟
بقيت علي هل حال شهرين ورجعت المدارس واني متحمله مسئوليتي ابوي جان وجوده وعدمه واحد مجرد جان موفر اكل للبيت تغير 180 درجه
بلش الدوام واني محتاجه ملابس للمدرسه
كتلة بابا اريد ملابس طفرت سناء اي صايره شكبرج هاي عود 9 سنين عمرج سوتها بضحكة اني هم سكتت.....مرت الايام ويوم بلايام حسيت وجع كلش ببطني وحسيت رجليه بايدات طاح عليه قطرات دم جنت ماعرف شسوي خايفه وابجي ومحد معلمني جانت سناء وياي معامله خدم طبخي نظفي جيبي هاي اخذي هاي انه ملتزمة بالسكوت وابد مااجادل مالي خلك مشاكل واشوف بابا وياها بس ابد ماتضربني بس بليل ابجي واوكف جدام المراية اشوف جمالي واذكر امي بي لإن كولش حلوه أشبه ماما وجسمي كولش حلو هاذ المجنن سناء جانت كل ماشوفني تبسمر بيه يما بنات ها الوكت كله دكسن ونفخ اباع عليها اضحك لإن تدري بيه كولش زين من الله هيج جسمي وشفايفي.....الشي الوحيد المنسيني همومي هو الرقص أحب دائما ارقص واغني رقصي كولش حلو وصوتي يخبل ادخل للغرفة أقضي اجمل ساعات حياتي بس من اطلع اتذكر كل أوجاعي!!
نجحت من الثالث وضليت انتبه علي لبسي واتحجبت وعرفت سوالف الدورة وأعراضها بس الحمدلله ماجان يطلع شعر بجسمي خاله ام سمر تكول اول مانولدت بيبي غاسلتني بمي الحالوب طبعًا خاله سمر بين يوم ويوم تتصل ببابا واحجي وياها بس ما اشكيله همومي ابد هي هم مو ناقصة....ومر السنوات ومعاملة سناء تزود ماتنقص رجعت لواقعي كمت غسلت ونمت النوم صار منقذي الوحيد...
في مكان آخر خارج العراق

آلاي : جاي اباع فلم بل غرفة ندك الباب ودخلت الخدامة بملابسها المخزية حرام تسمه ملابس أصلًا
الخدامة: بتموع اوستاذ والدتك داتتصل عليك
آلاي: أولا ماكلت اتفضل منو سمحلج ادخلين
الخدامة: بس اني دك
آلاي:ماكتلج احجي اني
الخدامة:اسفه
آلاي : ثانيا اني مو كلت ماريد احد يدخل عليه حتي اذا اجاني اتصال ضروري ثالثا هاذ لبسج يلبس بالملاهي مو هنا هاذ بيت محترم وماكو احد بي غير شاب مو نادي ليلي هالمرة حذرتج المره الثانيه اطردج بشارع مفهوووم
الخدامة:ح ح حاض رر استاذ هاي آخر مره
آلاي:حوليلي الاتصال وطلعي بره الخدامه طلعت وهي تحجي ولسوء حظها أني سمعتها
الخدامه: يالله شكد مغرور لايضحك لايسولف بس يصيح ويتامر ويخنزر حتي ملابسي ماغرته ولا اثرت بي بس مو مشكله اجيبك اجيبك دخيل ربك شكد حلو وفوك هاذ غني الله حلمي وحلم كل بنت هاذ
آلاي:رجعت نفسي عل جربايه وباوعت للساعه شكد شوكت اتصير بل 2 حتي اروح ادرب مليت من كعده البيت يله خل احاجي امي واطلع
حولتلي الاتصال الخدامة
آلاي:الو يوم شلونج
جمیله:الو حبيبي شلونك مشتاقتلك ينظر عين امك انت
آلاي:حبيبتي اني بخير اذا إنتي بخير كليلي شلونج وخواتي شلونهن
جميله :الحمدلله يمه بخير ناقصنه بس شوفتك امي انت بعد أسبوع دوره سنوية ابوك الخامسة تعرف كل سنه نروح نزور قبره ونوزع ثواب اله بعد اسبوع انت موجود بلعراق مو
آلاي:انشالله عن قريب اجي المهم انتم بخير
جميله :احنه بخير الله يوفقك يعيون امك منتظرا الفوز بعد كلبي فوز وارجع بحاجتك احنه ابني
آلاي:انتي بس اندعيلي واوعدج اجيب الكأس واجي بوسيلي خواتي افيييش مشتاق الريحتج
جميله :يروح امك دعائي دائمًا مرافقك ادري بيك بطل  هههه يالوتي يعني باجر ماتعجبك ريحة مرتك
آلاي:اهووو يوم مو وكت هاي السالفه لازم اروح للنادي انشالله اسبوع واني بحضنج احبج مع السلامة
آلاي:موفق حبيبي بعد روحي مع السلامه

جميله ام آلاي إنسانه كولش طيبه عمرها 42 سنه ربه منزل حنونه ومثقفه وفاهمه مكمله دراسة طباخة ماهرة وتحب تعتني بنفسها وبيتها تحب البساطة انسانه صايمه مصليه محافظة علي عائلتها تزوجت بعمر ال 15  من ابن عمها صار عندها آلاي اول فرحة وجابت بعده ثنين بنات آلا ولارا ابو آلاي ضابط توفي إثنا  الواجب وصارت هيه سند لولادها لآن هي يتيمه الاب والام عمرها اشهر وتوفوا عائلتها كانت عايشة عند بيت عمها وتزوجت ابنهم وشاء القدر وتوفا وبعدها آلاي قرر يسند امه وخواته تعب واجتهد وصار لاعب معروف جانت ام آلاي كلش حريصه علي مستقبل اولادها وصارت الهم ام واب بس تعاني من بعد آلاي لان دوم لازم يسافر بحكم وظيفته حالتهم المادية جيدة جدًا وعندهم خدم بس هيه معتمدة علي حالها بالطباخ والتنظيف