عشق:كعدت مرعوبة فتحت عيوني شفت خالتي...
ام آلاي:اسم الله..صباح الخير
عشق:بخوف..صباح النور....فزيت وحاطه ايدي علي كلبي دكاته سريعه
ام آلاي:اسفه فززتج بس اني متعوده هيج اكعد البنات
عشق:براحه...عادي مصار شي
ام آلاي:حبيبتي..يلا كومي بسرعه غيري ملابسج جبتلج بنطرون وقميص من آلا وبشت من عندي كومي سبحي ولبسيهم وتعاي للصاله
عشق:بستغراب..ليش
ام آلاي:بعدين تعرفين يلا بسرعه كومي
عشق:اوك..
كمت توجهت للحمام سبحت ولبست بنطرون جينز وقيص ابيض قصير ضيجات كولش عليه ..مشطت شعري وسويته ضفيره ولبست شال اسود وبشت طويل بس خفيف يمكن هاذ بشت خالتي لان آلا سافره...
المهم طلعت وجان هاي اول مرا اركز بلبيت يجنن عبارا عن لون ابيض وذهبي كعدت منتظرا خالتي تنزل...بعد ربع ساعه نزلت خالتي كاشخه ومرتبه وعطرها سابقها
ام آلاي:يلا نمشي
عشق:اوك
هي لبست كعب..واني بقيت اباوع..
ام آلاي:هاذ حذاء آلا البسي..شكد مقاس رجلج
عشق:36
ام آلاي:ههههههه رجل سيندرلا فديتج...هاذ الحذاء 37 البسي بسرعه وتعاي وراي
عشق:لبست حذاء جان رياضي لونه ابيض وركضت وراها..جان شخص اول مرا اشوفا بس من شكله ولبسه جان مبين سايق..المهم صعدنا ورا وحركت السيارا...واني مادري وين رايحين بقيت ساكته واباوع للشوراع
وصلنا مكان شكله مثل المستشفى بس صغير يمكن أسمه عيادة نزلنا ومسكت ايد خالتي وارجف خجلانه...دخلنا وخالتي راحت حجت وي السكرتيره وبسرعه صاحو بأسمها دخلنا..جان اكو بنت مبين عليها بل عشرينات وجانت كولش حلوه...
الدكتوره:هلا تفضلو كعدو شلونج ام آلاي مشتاقين..كعدنا وجان خالتي تكول
ام آلاي:شلونج حبيبه احنا الاشوق اجيتج اليوم وجبت بنتي ويايه..
الدكتوره:اي تفضلي...شتريد اسويله ولو هي معايزه ماشالله تخبل..
عشق:بتسمت بخجل
ام آلاي:لا اريد اول تشيلين خياط الحادث وتسوينه ليزر لايبقي اثر..والباقي بعدين اكلج
الدكتوره:تمام دللي
صدك كامت لبست الجفوف ونادت الممرضه..وكالتي
الدكتوره:يحلوه نامي عل سديه لاتتاذين..
اني هم جنت مثل الشخص المخدر شمايكلولي اسوي نمت علي سديه تقربت مني وبيدهه مقص شالت الخياط واني وي كل خيط دموعي يوكعن وخالتي تصبر بيه بعدين عقمته وخلتلي جل وجابت جهاز اليز وخلته علي مكان الجرح جان يموت وجع اني طبيعتي من اتوجع ما اصرخ بس دموع..
بعد نص ساعه كالت كملنه كومي شوفي روحج..صدك كمت توجهت للمرايه ماكو اثر للجرح
ام آلاي:هسه اريد من ايدج الحلوه تسويله رتوش وعناية اريد اليوم الوجه كون يلمع ولو وجه بدون اي شي يلمع وخشمه اريدج ترفعينه الها شوي
الدكتورة:تدلل رابانزل...جانو يقررون عني واني اصلا مامفتهمه شي اجيتي الدكتوره وكالت..
الدكتوره:حبيبتي نامي علي هاذ الكرسي..
مثل الطفل الحباب نمت علي الكرسي وبلشت تضربني ابر يمكن تخدير وماخلت مكان بوجهي ماضربته ابره كل ماتخلي الابره اغمض عيوني بقوه صح ماكو وجع او بلاصح ماحس بالوجع بس اخاف كولش وبعدين ضلت تجيب اجهزه وتخلي لوجهي بعد تقريبا ساعتين كملنه وكالت تكدرين تشوفين روحج...رحت ركض للمرايه نصدمت من شفت روحي يمااي اجنن خوب انفي يخبل صاير عبالك مسويته عمليه بقيت مكابله المرايه صافنه علي نفسي..صوت خالتي فززني
ام آلاي:صلوات ع نبي..لاتحسدين روحج يوم..
اجت خالتي وبقت تقره المعوذتين علي راسي..وكالت
ام آلاي:بعدج ماشايفه شي ورانه صالون يلا هسه لبسي حجابج والكمامه وانتظريني احاسب واجي
لبست حجابي والكمامه وبقيت انتظر خالتي تحاسب....
من الدكتوره كالت المبلغ بدون وعي شهكت ...شدعوه هالكد حيل جاي اكلف علي الناس
اجت خالتي ومشينه للسياره وجان احجي
عشق:شدعوه انطيتي هل مبلغ ترا والله ميستاهل كدرنه بس نفتح الخياط ونرجع
ام آلاي:لاتخليني ازعل منج حالج حال بناتي جان كلبي جمر انتظر آلا تكبر واسويله هالسوالف وهسه عندي بنيه تجنن اتونس وياها واعتني بيهه
عشق:عيوني دمعت من حنيته..شلون اجازيج
ام آلاي:عيب هاذ الحجي انتي اطلبي واني انفذ
عشق:الله يحفظج الي
حضنتني ووصلنا مكان كولش حلو يمكن هاذ جان صالون..نزلنا ودخلنا جان اكو مجموعه بنات راحت خالتي تكوللهن شتريد واني بقيت واكفه انتظرها اجت خالتي....وكالت نزعي ملابسج ودخلي لهاي الغرفه..بقيت مصدوعه انزع كامل؟؟
ام آلاي:اي حبيبه هاذ حمام مغربي ومساج وعنايه للجسم لازم تنزعين وبعدين محد يشوفج بس هاي البنت ومتعوده تشوف اشكال نسوان دروحي بسرعه...
هزيت راسي بالموافقه و رحت للغرفه نزعت ملابسي بقيت بالدخليات ودخلني حمام مغربي يجنن كالتلي نزعي الداخليات غمضت عيوني ونزعت واني مستحيه....
وبعدين كالت دخلي بالبانيو دخلت وبقت تخلي انوع الغسولات واشياء اول مرا اشوفهم وبعد مرور ساعه تقريبًا كملت وكالت نامي علي هاذ السرير نمت وبقت تسويلي مساج وتخليلي انواع الدهون والعطور شعور يجنن بعد مرور ساعه هم...
كملنه كالت غسلي جسمج وارجعي غسلت جسمي ورجعت تمددت بقت تخليلي ماسكات واشياء اول مرا اشوفها تخص العنايه حتي اجهزه بعد اقل الساعتين خلصنه..
كالتلي لبسي ملابسج..لبست ملابسي وطلعت شفت خالتي كاعده تنتظرني حبيبتي...كتله ماما كملت..كالت
ام آلاي:لا وين بعدج هسه صار دور وجهج..
بعدني توا اريد احجي وبنت نادتني كعدتني علي كرسي وبقت تسويلي عنايه كملنه....وجابت خيط واجت رادت تحفلي حواجبي ماقبلت كتله بس نظفيهم صدك حفتهم بشكل بناتي صاروو يجنون تغير شكلي 180 درجه بعدين كالت كومي كعدي علي ذاك الكرسي...
كمت مثل الشطوره كعدت واجت وحده ثانيه سوتلي عنايه بشعري وخلتله مادري شنو كولش يحرك وبقيت تسويله سشوار هيه كولش تعبت من طوله واني هم تعبت من الصبح واحنه نفتر...كمت غسلت شعري ورجعت كوتلي وسوتلي سشوار صار شعري ناعمم وسرحح وبي لمعه يجنن قصتلي الاطراف صار كولش حلو بعدين اجت خالتي وبقت تصلي ع نبي كالت
ام آلاي:كومي بنتي كعدي هناك خلي يسوولج اظافرج
عشق:بتعب...ماما والله تعبت وكولش جاي اكلف عليج
ام آلاي: اسكتي...يلا حبيبه هاي اخر فقره وراح نطلع
عشق:كمت كعدت علي كرسي وخلو رجلي وايدي بالمي وبقت تسويلهم عنايه وبعدين نظفتهم و تخليهم ماعرف شنو صارو يلمعون ويجننون كولش حلوات...
شفت خالتي تحجي تليفون وضايجه..اجت باتجاهي..
خير ماما صاير شي ليش ضجتي
ام آلاي:لا بس هاذ آلاي جاي وملاكينه وهسه اجه ورانه ياخذنه للسوك كومي بسرعه لبسي حجابج نمشي خلصنه كولشي بعد
عشق:بهدوء..اوك
عشق:لبست حجابي ولبشت وطلعنه صدك جان واكف يم السياره يدخن ومبين التعب بوجهه...سلمنه واحتاريت وين اصعد شافني محتاره فتحلي باب الكدام وصعدت ورا طبعا دخلت من الباب الكدام صرت وره
أنت تقرأ
أَنـت عِشـقَي
Romansaفتاة يتيمه جميلة جدًا سيجمعها القدر بلاعب منتخب عراقي مغرور وزير النساء بالهجه العراقيه جريئة جدًا🔞
