أَنـت عِشـقَي

بارت:8(اَنتِ روحي ودمي اَنتِ ابوي وامي)

عشق:حضرنا الغده وجاي ننقل بلاكل وخالتي كالت..
ام آلاي:يمه عشق فرشي السفره
عشق:حاضر
رحت اخذت السفره وجاي ادنك افرشها وماحس غير ضربه علي ظهري..درت وجهي اشوف منو لكيته آلاي وعيونه براسه من العصبيه..
اباوع علي بنظره استغراب..
آلاي:مو حظرتج لادنكين
عشق:بسس...
آلاي:اشششش صوتج ماسمعه عقابج بعدين جيبي السفره من ايدج
جر السفره من ايدي واني رحت للمطبخ..انقل الاكل
شافني جايبه الاكل خزرني واجه اخذ الاكل مني وخلا بالسفره وبقي هو واكف يم المطبخ واحنا ننطي الاكل يخلي بالسفره
الكل كعدو علي السفره..اني جاي اروح للغرفه وكالت خالتي..
ام آلاي:وين يمه تعاي كعدي يمي
عشق:لا ماما اني مجوعانه اروح انام عن اذنكم
ام آلاي:هاي شنو تعاي كعدي يلا من البارحه وانتي علي وكفه وحده وبلاخير ماتتغدين تعاي يلا
عشق:بخجل..حاضر ماما بس اصلي واجي
رحت للحمام توضيت وصليت بالغرفه خلصت صلاه واستحي اطلع..
يبووو ياعشق هسه شلون طلعين..قويت نفسي وطلعت جانو ياكلون
خالتي شافتني..
ام آلاي:تعاي يمه هاذ مكانج يمي
رحت بخجل كعدت بين خالتي وآلا..اخجل اكل جبرت نفسي وكعدت اكل
ابو راكان:ايدج العافيه ام آلاي الاكل ماينشبع منه
سيف:اي صح عمه الاكل يجنن وتعرفيني انه شكد احب بطني بعد منا وجاي حسبي حسابي علي الغده وياكم
ام آلاي:ههههه بالعافيه بس مو انه الطابخه هاي بنيتي عشوقه
الجده سمره:ماصدك هاي الحوريه طابخه اليشوفها يكول جاي ماتعرف تخدر
عشق:بتسمت بخجل واني اسمع حديثهم
ام سيف:فدوه شلون بنيه هم خلقا وهم اخلاق وام بيت شكد محظوظة بيج التصيرين جنته
عشق:من كالت هيج حسيت الخجل صعد الراسي..مشكورا خاله
شمس:عفيه عشق اريد تكتبيلي الوصفات والمقادير
عشق:بتسمت..من عيوني
شمس:بادلته الابتسامه..سالمه عيونج
عشق:اباوع عليهم شلون ياكلون ويمدحون باكلي كولش فرحت..ماعرف شلون نظراتي خانني وبقيت اباوع الي آلاي بدون ميحس..جان ياكل وملتزم السكوت بس واضح مضايق..نزلت عيوني واني فرحانه كاعده بوسط عائله واجواهم ولمتهم تجنن ومبينه الطيبه والمحبه بعيونهم..
خلصنا اكل كمنا انه وخالتي نشيل الاكل وطبعا اني الي غسلتهم خالتي كولش لحت عليه هي تغسل بس ماقبلت واني جاي اغسل دخلت عليه زوجه عمهم ام سيف..
عشق:محتاجه شي خاله
ام سيف:لا حبيبتي بس اريد اسئلج كم سؤال اذا ماعندج مانع
عشق:بخوف...لا خاله اسئلي
ام سيف:شكد عمرج ويا صف
عشق:بتسمت..عمري 18 صف سادس
ام سيف:بابتسامه..عندج اخوات اخوان
عشق:لا خاله اني وحيده اهلي
ام سيف:اذا شخص تقدملج اهلج ينطوج
عشق:بخجل..م م ماعرف
ام سيف:جا خوش يمه انه اعوفج تخلصين شغل
عشق:راحت واني جريت نفس..
كملت غسل وشفتهم رايحين والبيت هدوء كمت بقيت ارتب وانظف البيت..خلصت كولشي سبحت لبست تراك وردي ونمت..

آلاي:بعد الي صار بالمطبخ رجعت كعدت بالمضيف مرت ساعات وطلبت منهم يحضرون الغداء طبعًا طلبت يفرشون سفره علي الارض لأن بيبيتي ماتحب كعدت الكراسي وسفره وحده لإن ماكو احد غريب..
كمت من المضيف جاي اكلهم نقلو الاكل..
وشفت عشق مدنكه تمد السفره عيوني صارو براسي مو حضرته وكتله مفاتنج بارزه لادنكين..
رحت بسرعه واني عصبي ضربه علي ظهرها..ولو هيه لازم تنضرب بغير مكان..شالت راسها تباوعلي بستغراب..
وانه عصبي كتلها عقابج بعدين رادت تحجي سكتتها وخذيت السفره من ايدها فرشتها..العجبني بيها ماتعاند شفتها مغيره ملابسها صح هم ضيكات والحزام ظاهر مفاتن جسمها بس احسن من القبلهم..
بعدها شفتها جايه من المطبخ والاكل بيدها..
لا والله مو توني كتلها لادنكين بعد..اخذت الاكل من ايدها وخليته بالسفره..ورحت وكفت يم باب المطبخ اخذ منها الاكل ادري بيها مستحيل تكعد بدون لاتشتغل..
اتجمعو عمامي وكعدنا كلنا علي السفره شفت عشق جاي تروح لغرفته قبل ماحجي حجت امي..شي كلش حلو بيها ماتفوت صلاته ابد
كعدنا ناكل وكالعاده طعم الاكل نارر ماينوصف متاكد عشق الطابخه ..طلعت من الغرفه اجت تمشي باتجاهنا عرفته مستحيه تكعد امي طلبت منها تكعد يمها..وصدك كعدت تاكل بكل هدوء اريد عيب واحد بيها ماكو...
شوي وبقو يحمدون باكلها طبعا كلش ضجت ماعرف ليش بس احس صاير مثل الطفل وهيه لعبتي ومستعز بيها ماريد غيري يشوفها..
كملنا اكل وشفتها لمت السفره ودخلت للمطبخ مرت ساعتين وهيه ماطلعت عرفتها جاي تنظف..شكد نادره الخاطر الله
طلعو عمامي ودعتهم لحيت عليهم يبقون ماقبلو بيت عمي لؤي رجعو للعمارة وبيبي وياهم المهم ودعتهم ورجعت دخلت شفت امي تصلي والبنات يمكن بغرفتهم..صعدت فوك شفت الشقة تلمع عرفتها عشق ماكو غيرها..اوففف بس نزعت ملابسي نمت علي ريحه عطرها التارس الغرفه نمت بدون سبح كلش تعبان..
كعدت المغرب..اريد افتح عيوني ماكو كمت دخلت للحمام حتي اصحصح طلعت من الحمام وانه لاف المنشفه علي خصري فتحت باب الحمام واشوف البلوه كبالي..
واكفه جنها ملاك صغير وفاتحة الجراره مدري شتسوي ستغربت هاي شكاعد تسوي كتلها..
شتسووينن
شالت راسها بصدمه..فتحت عيونها علي كبرهن وبسرعه حطت ايديها علي عيونها..
خذت عكلي بحركته الطفوليه..بس مستغرب ليش غطت عيونها..
انه اتقرب منها وهيه مخليه ايديها علي عيونها وتحس بخطواتي وترجع..حصرتها بيني وبين الحايط
صار مايفصلنا شي اباوع عليها توصل لنص صدري..بدون وعي كتلها
شكد ترفه انتي يالفاره..
وخرت ايديها وبعدهي فاتحه عيونها وشفايفها بصدمه..
عشق:يااا اني فاره
غمضت عيوني بقوه هاي اذا بقت يمي دقيقا اجرم بيها فدوه للفاهيه..
بعصبيه..شعندج صاعده
عشق:بخجل وشبه مغمضه..ااااا..عفيه البس شي
من كالت هيج باوعت علي نفسي بس بالمنشفه ابتسمت بخبث..
لا مالبس وانتي ماطلعين كولي شجنتي تسوين..
عشق:بعيون مدمعه..والله والله ماسوي شي خالتي راسه يوجعها كالت صعدي جيبيلي دواء من غرفه آلاي والله دكيت الباب هواي ماسمعت رد وجنت ادور دواء والله
اباوع علي حركاته الطفوليه وشفايفه شلون تتحرك ظلمت عيوني..بس سيطرت علي نفسي وكتلها
روحي تلكينه بلجراره الي بصف الجربايه..
بقيت مغمض عيوني لاني متاكد ماسيطر علي روحي من اشوفها واني ضاملها عقاب من اليوم الظهر بس اتجاهلتها..
شفتها طلعت..تنفست بقوه تمددت علي الجربايه اتذكر حركاته معقوله اني نفسي آلاي؟؟شلون كدرت تأثر عليه مرا؟؟ماصارله غير شهر يمنا جننتني شلون اذا بقت سنه؟؟ماعرف شلون غفيت مرأ ثانية من التعب....كعدت بعد ساعتين من النوم..لبست ملابسي ونزلت
شفت امي كاعده وبحظنها لارا تمشطلها..
وآلا وعشق كاعدات يسولفون..
سلام...
ام آلاي:هله يمه
اجيت تمددت يمها وخليت راسي بحظنها وبست ايديها..
سمعت راسج يوجعج خو مابيج شي
ام آلاي:لا يمه بس شوي من الهوسه تعبت
بست ايدها وكتلها..
لاتعبين روحج حبيبتي
ام آلاي: وهيه تلعب بشعر آلاي..تأمر
لارا:مامي اليد الوح العب بلحديكه
ام آلاي:آلا اخذي اختج لعبيها بالحديقة
آلا:اووو شلون يعني ماكو غيري
آلاي:اخذي اختج وكومي بسرعه اسمعي كلام امي لاتعبيها
اجت آلا اخذت لارا من ايدها وطلعو للحديقة وعشق كاعده مقابيلي وانه احاول ماباوع عليها
شوي وحجت امي..
ام آلاي:اكول يوم
آلاي:كولي حبيبتي
ام آلاي:شفت ايناس
آلاي:يا ايناس
ام آلاي:لك ايناس بت عمك لؤي
آلاي:اي شفتها شبيها
ام آلاي:مابيها شي كبرانا وصايره حليوا وهاي اخر سنه الها شرايك اخطبها الك
آلاي:اوووو يوم مو كتلج سدي سيره الزواج
ام آلاي:مايصير ابني انتم ثنينكم كبرتم واحنا من قبل جنا نكول ايناس الك والبنت كبرت وكملت كليه حتي لو بس نخطبها الك ميصير هيج
آلاي:يمه الف مرا كتلج اني حاسبها اختي وبس وبعدين اني مو مال زواج توني دخلت بال25 من اصير ثلاثيني جاد اتزوج
ام آلاي:عوف هاي الكلاوات مال ثلاثيني جاد اذا ماتريدها وبالك وحده كولي من الصبح اروح اخطبها الك
آلاي:والله يوم وروح ابوي لا ايناس ولا غيرها مابالي وحده تاكدي اذا يوم شفت وحده ودخلت بالي وعد اكلج تخطبيها الي بس هسه عفيه عوفي هاي السيرة
ام آلاي:جا اني شريد غير اشوفك مرتاح ومستقر
آلاي:بوست ايديها...واني اسرق نظرات علي عشق الي مركزه بكلامنه ومنزله راسها