#ضحايا 💔1
《اليتا Aletta 》
_______________________________
نحنا اللي ممنوع علينا نحكو شن صار لانه عار على مجتمعنا
نحنا ضحايا ظلم و استبداد و تحرش و اغتصاب
نحنا اللي كل وحده فينا تعرضت لابشع حاجه ممكن تصير
____________
.
《 الضحيه الاولى 》
الحاضر
اسمي فداء كنت صغيره لما ماما كانت نتضرب من بابا كل يوم و في مرة من الضرب طاحت على طاوله وجت في راسها و صارلها مشكله في الدماغ و قعدت مش متوازنه و في يوم هربت من الحوش و سيبتني مع شخص اللي دمرني ودمر حياتي اللي هوا مفروض نقوله بابا اللي مفروض يكون سندي و يحمني بس هوا اللي دمرني
قصتي بدت لما كان عمري 6 سنين
وقتها كان بابا يروح كل يوم سكران وكان يضرب فيا كان جسمي كله يقعد يوجع فيا من الضرب كان مرات يضربني بحديد و مرات بعصا و مرات بسير سوأ انواع الضرب تعرضتلها 💔
.
لما عمري قعد 16 سنه بابا قعد يجيب في اصحابه يسكرو معاه انا كنت نخاف منهم كنت نرقد و انا مسكره على روحي الباب وكان تحت سريري حاطه حاجه نحمي روحي بيها لو حد خش عليا تخيلو وقتها كنت نتمنى الموت كنت ندعي ربي يطلعني من القرف اللي فيه مسحت دموعها تعرفو شعور ترقدو وانتو خايفين و في يوم ... و قعدت تذكر
__________
فلاش باك
.
جبريل:انتي و قعد يعيط
فداء:خشت عليهم وهيا خايفه...نع نعم نعم
جبريل: أمشي ديري حاجه تتاكل جعانين
صاحب باتها يبحت فيها من فوق للوطا وابتسم
فداء:فطنتله حاضر و عدت تجري لمطبخ وقعدت تدير و تبكي وجرحت يدها سيبت الموس و نزلت على الأرض و تبكي
صاحب باتها خش عليها و هيا على الأرض وتبكي
فداء:خافت من نضراته لها شن تبي قعدت تحاول تصبي و ترد توازنها و قعدت ترعش
صاحب باتها مسكها من يدها
فداء:مسكت الموس تقرب مني نقتلك و قعدت تعيط
صاحب باتها اهدي اهدي سيبي اللي في يدك
فداء:اطلع اطلع و تعيط وتبكي
صاحب باتها خاف و طلع
فداء:قعدت تبكي والموس طاح منها يارب ياربي طلعني من القرف هضا انا تعبت تعبت
______
الحاضر
.
انا من يومها خوفي زاد واللي خفت منه صار للاسف و قعدت تبكي في ليلة انا خشيت رقدت و سكرت عليا الباب بالمفتاح و خشيت سريري غمظت عيوني مش عارف شن صار و لا كيف 💔
فتحت عيوني لقيته قدامي هوا نفسه وكان شكله و الوضعيه اللي فيها مش قادره نحكي مش قادره و تبكي
.
دكتوره فداء اهدي اهدي
فداء:تبكي و تعيط
دكتوره:فداء حبيبتي اهدي انتي معايا محد يقدر يجي شورك هنا
الممرضه عطتها ابرة مخدر بيش تهدى
فداء:هدت بس تمت تحكي بصوت واطي بعدو من عليا بعدو
دكتوره:ردو بالكم تخلوها وحدها را تدير حاجه في روحها
ممرضه:حاضر و قعدت اديرلها في سيرون
دكتوره:طلعت .. يارب قويني وساعدني بيش نقدر نساعد البنات هذينا
دكتور:ربي يعطيك الصحه
دكتوره:سلمك و خدت منه قهوه مازل كم بنت
دكتور:والله مش عارف بس عددهن يزيد
دكتوره: تنهدت تمام وعدت لمكتبها خدت مسكينات و قمعزت على كرسي و قعدت تتذكر في حالت فداء
♡روايات اليتا𝑨𝒍𝒆𝒕𝒕𝒂♡
♡ اليتا𝑨𝒍𝒆𝒕𝒕𝒂♡
أنت تقرأ
ضحايا
General Fictionكاتبه اليتا Aletta 💕 روايه ليبيه مختلفه عن جميع رواياتي من حيت تسرد والأحداث من خيانه وتفكير المجتمع الذكوري وظلم الهل تحت مسمى كلام ناس وغيرها وانشالله نقدر انوصل رسالة اللي نبيها
