ضحايا

الحلقة 🔥2

#ضحايا 💔2
《اليتا Aletta 》
_________________________________
دكتوره :سجى احكيلي شن جابك هنا شن اللي صار معاك
سجى:ابتسمت و قمعزت على كرسي بطريقه غريبه و قالت باستهزاء ليش يعني شن ح تستفيدي لو عرفتي و تشن في خشمها
دكتوره:انتي تاخدي في حاجه ؟
سجى:مش شورك
دكتوره:تمام صح مش شوري معناها الشرطه اللي برا لو سالوني نقوللهم مش شوري
سجى:قعدت تهز في كرعيها
دكتوره:ملاحظه على توترها.....من شنو متوتره
سجى:و عليش نتوتر مفيش حاجه
دكتوره: تهزي في كرعيك و عيونك يتحركن يمين و يسار واضح التوتر عليك
سجى:صبت من مكانها شن اللي تبيه مني
دكتوره:تحكلي شن اللي صار معاك و كيف جيتي هنا
سجى:علت صوتها شن اللي تبي تعرفيه دمار حياتي يعني ؟!!
دكتوره:ركزت معاها
سجى:بابا كان يضرب فيا انا خواتي و حتى خويا كان مرات يسكر الباب علينا اسابيع بدون وكال و شرب و مره خويا جا سكران خش علينا و خذا خواتي للدار اللي جنبنا و اصوات عياطهم في وذاني قعدت تذكر في اللي صار معاها
__________
فلاش باك
.
سجى:قاعدة تحت السرير و تمسع في عياط خواتها و قعدت تغطي في وذانها و تغني بيش ما تسمعش بس اصوات خواتها كانن عاليات وقتها بحتت في الروشن كانت مجازفة بس وقتها ما كانش في راسها غير تهرب من الخوف
وقتها قررت تهرب قعدت تمشي في الشارع و كانت صقعانه و كانت صغيرة
__________
الحاضر
.
سجى :سكتت و غمضت عيونها
دكتوره:صبتلها ميه تقدري توقفي كان معش تقدري تحكي
سجى:مازالت مغمضه عيونها
ممرضه :خشت دكتوره في واحد من الشرطه برا
سجى:فتحت عيونها طول
دكتوره:صبت و طلعتله.... تفضل نقدر انساعدك في حاجه
شرطي:فيه بنت جبناها و درنالها تحاليل نبي نعرف شن نتيجتهن
دكتوره:بحتت في الممرضه بيش تعدي التحاليل نظيفه ما فيهن شي
شرطي:كيف هكي مستحيل الشي هضا
دكتوره:كان مش مصدقني تعال شوفهن بروحك
سجى:تبي تسلمني لهم صح
ممرضه:مستحيل الدكتوره اميره تدير هك هيا حتساعدك لو انتي محتاجه حد يساعدك
دكتوره اميره:خشت عليهم تمام انتي حتقعدي عندنا بيش تبدي في علاجك
سجى: انا مش محتاجه علاج
دكتوره اميره:واضح من منظرك الصراحه .. المهم من هنا مفيش طلعه و كان طلعتي توا يمسكوك الشرطه
سجى:انتي تبي تحبسيني هنا
دكتوره اميره:قولي حاجه زي هك بحتت في ممرضه جهزولها الغرفه

♡روايات اليتا𝑨𝒍𝒆𝒕𝒕𝒂♡
♡ اليتا𝑨𝒍𝒆𝒕𝒕𝒂♡

سجى:قعدت تبحت في الدار كيف واسعه و نظيفه و تشن و تضحك ليا وين ما شفت مكان نظيف و عزقت روحها على السرير بكندرتها
دكتوره اميره :خشت عليها و قمعزت على كرسي انا نسمع فيكي
سجى:شن اللي تبي تسمعيه
دكتوره اميره:باقي الكلام اللي ماوكملنش بسبت الشرطي
سجى:انسي الملام و خلاص قاتلها وخدت تفاحه تقرمش فيها
دكتوره اميره:سجى كان تبي حقك أحكي و انا انساعدك
سجى:ضحكت مفيش حد يساعد من دون مقابل
دكتوره اميره :من قال ؟!! فيه ناس تساعد من دون مقابل
سجى:ما تحاوليش معايا مش حتستفيدي حاجه
دكتوره ركزت على العلامات اللي في يدها كأنها كانت مربوطه
واضح عليك انك كنتي في مكان تعذيب
سجى:سرحت و قعدت تذكر في اللي صار
________
فلاش باك
.
سجى:مربوطه كانت و تعيط و الدموع على عينها و ما كانش في حد يساعدها
______
الحاضر
.
دكتوره اميره:سجى
سجى:كأنك اتحبي تسالي واجد
دكتوره اميره:ما تبيش تجاوبي
سجى:شكلك مش حتخاطي وجي لين نحكيلك
دكتوره اميره:قلتيها وحدك نسمع فيك
سجى: غمضت عيونها بعدما هربت من الحوش في شايب كبير كان مع مراته لقوني في الشارع ساعدوني و قعدو يجيبولي في وكال و الشايب قعد كل يوم يجيني في الدار بحجة انه يطمن عليا وان انا زي بنته الصغيره بس في يوم لقيته قدامي بنته حشيش وقعد يقولي في كلام
_________
فلاش باك
.
سجى:تعيط اطلقني حول حرام عليك انا زي بنتك وتبكي وتعيط
و الشايب ولا معدل ربطها في السرير و سكرلها فمها واغتصبها و طلع و لا كانه فيه حاجه
في الصبح الشايب خش عليها و قال كلها ليله مش حديرلك حاجه انتي مكبره الموضوع
سجى:كانت منقرفه من روحها كان في مرايه مكسوره بحتت فيها كان شعرها نازل على وجها و على جسمها علامات و دم نازل منها
______
الحاضر
.
دكتوره اميره:تمسع فيها و معش قدرت تستوعب حاجه كل يوم تمسع قصه اسوأ من اللي قبلها
سجى :طلعت و هربت من الحوش و صلت للشرطه و قالولي ان اهلي بلغو عليا و انا انعيط و انقول اغتصبني و قعدت نعيط و محد سمعني و جا واحد من اللي قاعدين قالي لو انتي ما عرضتيش روحك ولو انتي ما تبيش ما كانش لمسك اتصلت بماما و ضحكت اللي عمري ما حسيت بحبها ولما اتصلت و عرفو اللي صار حكمو عليا ان أنا عاااار و لازم انموت عشان يرد شرف العيله
____________
فلاش باك
.
امها:انتي عار علينا كيف تديري هكي وقعدت تضرب فيها على وجها توا خواتك من يبي يتزوجهم من وراكي يا حقيره شرفنا راح
سجى:اسمعيني بس و الله مش كيف اللي تقولي فيه
امها:قعدت تضرب فيها
سجى:تجدى فيها و تبكي
بعدها جا خوها كرها من شعرها و كان يبي يقتلها
سجى:كانت تبي تبرر و تحكي بس محد سمعها
__________
الحاضر
.
سجى:بعد اللي صار في آخر لحظه تغير حكم العيله و زوجوني لواحد يبيع في حشيش و مخدرات و عنده اولاد كان كل يوم يعذب فيا و يعنف فيا كان يخلي فيا ناخد مخدارت بلغصب لعند ما ادمنتهن و في يوم من الأيام لقيته راقد جنبي كنت منقرفه منه و مني وقتها خديت مخده وخنفته و مات قربت منه ما كنتش نحس بنفس يطلع منه قربت منه أكثر و حطيت يدي على خشمه فعلا ما كانش فيه نفس
دكتوره:مصدومه
سجى:مش كنتي تبي تعرفي شن اللي صار أهو عرفتي انا حياتي تدمرت و معش قعد لها اي اهميه تبي تساعديني قلتي ترا كيف تبي تساعديني
دكتوره:خذت نفس و شن صار فيكي بعد ما قتلتيه
سجى: اهله شالوه للمستشفى و قالو و هوا راقد صارله ضيق في التنفس و ان موتته طبعيه ثاني يوم جوني في الحوش كانو يبو ياخدو كل شي أوراق ملكيه فلوس و اجبروني أنتنازل على كل شي
___________
دكتوره اميره:طلعت و خشت مكتبها و قعدت تتنفس بسرعه و تدور على ادويتها في الادراج و تعيط من خدا ادويتي و هيا تدور طيحت الاوراق كلهن
خش عليها صاحب المستشفى اللي هوا باتها.....اميره طلع ادويه من جيبه وعطاهن لها
دكتوره اميره: ليش الحياه ظالمه هك ليش مفيش عدل نحنا مش عار نحنا عندنا ارواح ربي خلقنا كلنا زي بعضنا ليش و تبكي
باتها:هذينا افكار تربو عليهم و علموهم للاجيال صعب تغيير مجتمع كامل يابنتي بس حاجه وحده عارفك حتقدري عليها انك تقدري تساعدي البنات هذينا ولو حتى شويه
دكتوره اميره:بحتت في باتها و مسحت دموعها و صقمت روحها و ردت عند سجى

♡روايات اليتا𝑨𝒍𝒆𝒕𝒕𝒂♡
♡ اليتا𝑨𝒍𝒆𝒕𝒕𝒂♡

دكتوره اميره: اسفه عشان قاطعتك كان تبي تكملي عادي و كان ما تبيش على راحتك
سجى:خدت نفس و صبت و مشت في اتجاه الروشن بابا بعد ما عرف بالقصة خدا سلاحه و ضرب عليا و جت في يدي و ورتها مكان الرصاصه
دكتوره:غمضت عيونها
سجى: الناس قعدو يسألو شن اللي صار قالولهم كنت نلعب بالسلاح .. قعدو يضربو فيا و يقولولي ان أنا ما عنديش شرف حتى المحكمه ما خلونيش نحضرها لكن القاضيه كانت تبي تساعدني و اجبرتهم يخلوني نحضر الدعوه و مع الوقت طاحت للاسف .. محد يقدر يساعدك و ينقدك حتى قانون !
دكتوره:عليش طاحت الدعوه
سجى:عشان ببساطه اهلي كان عندهم معارف قدرو يوقفو كل شي
دكتوره اميره: باهي ما حاولتيش مع امك اخرى
سجى:ماما و قعدت تضحك ماما قعدت تقولي ضيعتي شرفنا وشرف خواتك من يبي يتزوج خواتك بعد اللي درتيه .. قعدت تحمل فيا المسؤولية هيا كانت تخاف من الناس كسرتني زيهم جرحتني زيهم كانت تذلني كل يوم
دكتوره اميره:مسكت يد سجى انا حنساعدك المره هذي مش حتضيعي حقك و حتتعالجي من المخدرات صدقيني حنساعدك بدون مقابل
سجى:معش تفرق كان خديت حقي او لا حياتي تدمرت
دكتوره اميره:غلط الكلام اللي تقولي فيه ...
اللي غلط فيك لازم يتعاقب انتي مالكش ذنب في اللي صار صح ما كانش مفروض تهربي بس اهلك هما المسؤولين اساسا صبت توا تريحي و بكره نبدو في العلاج و لازم الكل يدير حساب للي يبو بديروه و يخافو من النتائج
سجى:غمضت عيونها تمام و انا معاك في اللي تبي تديريه مش عارف عليش تريحتلك
_______________
انا سجى ثاني ضحيه و نبي حقي و حق كل بنت انا ما متتش بس في بنات ماتن
انا كنت نتمنى اهلي اللي هما عائلتي يكونو جنبي وقتها ما كانش حيصير معايا اي حاجه من هضا كله
بس من اللي صار تعلمت منها الضربة اللي ما تقتلك تعلمك
ولو انتو تربو عيالكم و الاجيال الجايه على مبدأ المساواة و ان غلط اللي يصير و ما تفرقوش بين البنت و الشب مش كل شي للشب عادي و البنت لا عشان من هنا تبدا تكبر الفكرة في روسهم و ان من حقه يبحت و يلمس البنت حاولو انكم تعلموهم ان الشي هضا غلط و حرام وله عقاب في دنيا قبل الآخره
نحنا في مجتمع محتاج يغير فكرته و لازم يوقف الظلم اللي قاعد يصير
.
انتظرونا الحلقه جايه مع قصه جديده و ضحيه جديده
❤🔥انحبكم❤
كاتبه( اليتا𝑨𝒍𝒆𝒕𝒕𝒂 )