ضحايا

الحلقه🔥 4

#ضحايا 💔 4
《اليتا Aletta 》
_______________________________
فلاش باك
.
ليش تبو تزوجني بالغصب منبيش انا و تبكي نبي نكمل قرايتي
اختها:ما عندنش بنات يقرو البسي الفيلو و انتي ساكته و ما تحشمينش قدام ناس💔
__________
الحاضر
.
جنى: كلهم ضحو بيا اختي كانت اول وحده ضحت بيا ليش اجبروني نتزوج قريبي انا ما كنتش نبي نتزوجه كنت نبي أنكمل تعليمي كان مزالي سنه و نكمل الثانويه بس هما اجبروني قعدت انعيط حاولت نوقف الموضوع بس انحكم عليا بالزواج و تزوجت غصبن عني
كان كل اللي حواليا فرحانين و محد كان حاسس بيا
و قعدو يقولولي انتي حلوه زي باربي
_______
فلاش باك
.
سكر الباب و قعد يقرب بخطوات بطيئة و ابتسامه على وجهه
جنى:كانت خايفه و توخر
هوا مسكها من يدها بالقوه
جنى:تفك في يدها و تعيط سيبني و قعدت تقاوم
هوا قعد يضرب فيها و يسلح فيها بالغصب و وصل للي يبيه و صبا و قال معاك حق تكوني زعلانه بس انتي توا مراتي و حلالي بكل بساطه قالها
_______
الحاضر
.
دكتوره اميره: لما كان يغتصبك كنتي تحاولي تقاومي و تدافعي على نفسك
جنى:جربت بس مبش يوقف كان يشوف أن هضا حقه و لازم ينفذ غريزته كان يقولي هضا حقي انتي من بيش توقفيني
دكتوره اميره: و الجرح اللي في يدك شنو
جنى:جربت ننتحر صح حرام بس وقتها عقلي ما كانش مستوعب اللي قاعد يصير معايا كنت حاسه اني نموت
هما دارو عرس بس كان عرس لهم هما ... لكن انا كان بنسبه ليا مدفنه كنت نشوف لروحي و كيف الفيلو مقطع و معزوق و كيف حالة جسمي
دكتوره اميره:انتي كنتي مقتنعه أنك تبي تموتي و تنهي حياتك
جنى:الحياة كانت بالنسبه ليا يا انموت يا نهرب بس اني نرضى باللي يصير لا
الاغتصاب اسمه اغتصاب و لو كان زوجك قعدت ندير في كل الطرق بلكي يقرف مني بس كان يوم عن يوم يزيد .. و في يوم هوا اكتشف اني كنت ناخد في حبوب

                      ♡روايات اليتا𝑨𝒍𝒆𝒕𝒕𝒂♡
                           ♡ اليتا𝑨𝒍𝒆𝒕𝒕𝒂♡
فلاش باك
.
جني:بعد ما تأكدت انه هوا طلع مشت في اتجاه الصالون و كان الشريط مدسوس تحته بلصقه
بس هوا كان يعرف ووقعد يرجى فيها تطلعها بيش يمسكها فعلا مسكها و نزل فيها ضرب كانت ترعش و هوا قعد يضرب و يكسر و هيا من الخوف  عفست على قزازه 💔
______
الحاضر
.
دكتوره اميره :باهي مكان الجرح مازال قاعد
جنى:سلحت كندرتها و كاين جرح كبير
دكتوره اميره: انتي ما جربتيش تبلغي عليه
جنى:ضحكت انبلغ كيف انبلغ عليه و انا محبوسه في الحوش في مكان معزول و مفيش كيف نتواصل مع حد ... كان يضرب فيا و أنا استسلمت في البدايه بس بعد نضت من الغيبوبه اللي كنت فيها و حطيت في عقلي اني نسيب الحوش و نطلق
_______
فلاش باك
.
كان في مراه و راجلها على الطريق و السياره طفت بيهم كان الحوش مقابلهم قعدو يدقو على الباب بس محد فتح كانت جنى على الارض تنزف قعدت تسحف لعند الباب و قعدت تعيط ساعدوني و تبكي💔
الراجل:بعدي عن الباب
جنى:بعدت عن الباب و كانت حالتها مزريه
الراجل:كسر الباب و اول ما شاف شكلها برم ظهره
المراه:جتها تجري و قعدت تساعد فيها جابتلها حاجه تلبسها
جنى: كانت تمسك في يدها ساعدوني حيقتلني و تتالم 💔ورحمة والديكم
المراه:أهدي حبيبتي انا حنساعدك اسندي عليا
_______
الحاضر
.
جنى:تقرير الدكتور وثق الضرب و قدرت نرفع دعوه و الناس اللي ساعدوني قعدو لعند اخر لحظه يساعدو فيا
دكتوره اميره:اختك وينها و شنو صار بينكم
جنى:اختي اكثر انسانه كنت متوقعه تكون جنبي بس للأسف هيا اول وحده ضحت بيا
دكتوره اميره:امك شن دارت و ليش ما حاولت اتساعدك
جنى:الواحد لما يبحت في امه يشوف حب حنان و تقعد تقول لا بنتي .. كنت نتمنى نشوف منها هضا كله
لو انا كنت ام مستحيل نخلي بنتي يصير فيها نفس اللي صار فيا
دكتوره اميره: انتي قوتك كيف جبتيها و قدرتي تطلقي انتي امرأة قويه ❤ صعب تلقي حد يدير زيك كان عندهم القوه بيش ينهو عذابك و قعدت تبكي اسفه مفروض ما نبكيش قدامك
جنى:لا عادي انتي بكيتي عشان حسيتي بيا
دكتوره:انتي قويه بس انتي كنتي ضحية لجريمه انتي صح في عيون المجتمع و عيلتك أنك أنتي اللي غلطتي بس نحنا هنا حنساعدوكي تثبتي انك مش انتي الغلط و ان هما الغلطانين 
جنى:تلعب في صوابعها انا قعد عندي خوف ان لو جبت بنت حيصير فيها زيي
دكتوره اميره: مسكت يدها مش حصير معاها زيك لانك حتكوني امها اللي  حتحميها و تخاف عليها
 
                    ♡روايات اليتا𝑨𝒍𝒆𝒕𝒕𝒂♡
                           ♡ اليتا𝑨𝒍𝒆𝒕𝒕𝒂♡

جنى :كل اللي كنت نبيه حقوقي و احلامي حياتي اللي دمروها نبي حقي و حق البنات اللي اجبرو على الزواج
لازم نغيرو تفكير المجتمع ان الزواج من دون رغبة البنت مستحيل يصير لأن الزواج مش كل شي في الحياه ما تدمروش احلامنا و لا حياتنا عشان اللي يصير ما اسمش ستره اسمه اغتصاب تعنيف و غيرها من المسميات
نحنا مش انثى و ذكر نحنا بشر خلقنا كلنا من طين و كلنا سوى قدام ربنا
___________
انتظرونا الحلقه جايه  مع قصه جديده و ضحيه جديده
❤🔥انحبكم❤
كاتبه( اليتا𝑨𝒍𝒆𝒕𝒕𝒂 )