#ضحايا 💔 5 الآخيره
《اليتا Aletta 》
_______________________________
دكتوره اميره: وينها البنت
الممرضه:قاعده تحت الشجرة ترسم
دكتوره اميره: ترسم؟!
الممرضه:البنت من اول ما جتنا و هيا وحدها ساكته و ترسم كأنه فيه حاجه في عقلها
دكتوره اميره: تمام انا توا انشوفها
__________
البنت: كانت تحت الشجرة و كان باين ان عمرها صغير و كانت ترسم و تدندن في اغنيه
دكتوره اميره: اول مره تقابل بنت هاديه هك بس ابتسمت و قمعزت جنبها .... عادي نقعد جنبك
البنت : بحتت فيها و هزت راسها و قعدت تكمل في رسمتها
دكتوره اميره: شن ترسمي ؟
البنت: بحتت في الرسمه اخ ماسك يد اخته
دكتوره اميره: حلوه عندك موهبه حلوه
البنت:مره فيه بنت صغيره سألت خوها الكبير قالتله شنو الحب
دكتوره اميره: قعدت تبحت فيها و تسمع فيها
البنت: قاللها الحب هوا أن كل يوم تسرقي شكلاطه من جيبي و أنرد أنحطه لك في نفس المكان كل يوم
دكتوره اميره: و البنت الصغيره هذي انتي و هضا خوك صح
البنت:بحتت فيها و صبت من مكانها و عدت سيبتها
دكتوره اميره: استغربت من تصرفها و خاصة انها كانت عادية معاها لين سألت علي خوها
________
فلاش باك
.
فاطمه:فرح بحتي الحلو اللي قدامنه وغمزتله 😉
فرح: فاطمه شن اللي أديري فيه عيب هكي
فاطمه: لا عيب لا شي فكينه من الدراما و الفلسفه بتاعك
فرح: بحتت فيها هيا باهي خلينا نروحو
فاطمة خدت شنطتها و طلعن من المدرسه و قعدو يمشو فاطمه كانت تضحك و تسهوك واللي يجي تنابشه و تضحكله
فرح: مش عاجبها اللي قاعد يصير
_________
الحاضر
.
فرح:كانت مقمعزه على السرير و تمشط في شعرها وتدندن في اغنيه
دكتوره اميره: خدت منها المشط و قعدت تمشطلها حلوه الاغنية اللي تدندني فيها
فرح:سكتت و حولت يد الدكتوره بالشويه...شكرا ممكن تخليني وحدي نبي نرقد
دكتوره:طلعت و سيبتها بروحها
فرح:كان مغمضة عيونها و الدمعة نزلت منها
♡روايات اليتا𝑨𝒍𝒆𝒕𝒕𝒂♡
♡ اليتا𝑨𝒍𝒆𝒕𝒕𝒂♡
فلاش باك
.
فرح:خشت لحوشها لقت خوها قدامها و كشرت وجهها و ركبت لدارها
خوها: تنهد و ركبلها و دق على الباب
فرح:خش
خوها:خش و قمعز على الكرسي اللي مقابلها و طلع شكلاطه من جيبه
فرح:تبحت في الشكلاطه تحساب هكي تبي تراضيني يعني ما نبي شي منك 🙂
خوها:يا خساره خلاص معناها انا ناكلها و حلها قدامها
فرح: تبحت فيها زيين و مشت كرتها منه ما دام جايبها علي خاطري خلاص سامحتك
خوها:قعد يضحك
_______
الحاضر
.
فرح:راقده و صوت خوها و ضحكته تسمع فيهن حطت المخده على وذانها بيش معش تسمعهن بس الصوت مازال قاعد فتحت باب الغرفه و قعدت تنزل من على الدروج و قمعزت عليهن و قعدت تبكي
دكتوره اميره:كانت تحكي مع الممرض نبي تقرير بسرعه و المريضه اللي في غرفه 31 راقبوها كويس و لقت فرح مقمعزه على الدروج جت قمعزت جنبها
فرح:مسحت دموعها
دكتوره اميره: ابتسمت فرح فيش اديري هنا
فرح:بحتت فيها و ما ردتش
دكتوره اميره: تمام ما تحكيش بس عندي اقتراح شن رايك نلعبو لعبه و اللي يخصر يحكي للثاني شن اللي مضايقه
فرح:انا خنت خويا الوحيد اللي قعدلي في هالدنيا بعد ما توفى بابا
دكتوره اميره: بحتت فيها
فرح:بس والله ما كان ذنبي ، غلطي الوحيد اني ما سمعتش كلامه 💔
____________
فلاش باك
.
الشاب:اسمعي انا نبيها
فاطمه:و انا من وين انجيبها لك
شاب:دبري راسك
فاطمه:اوووف تمام توا انشوف شن اندير مش عارف شن عجبك فيها😒
شاب:سكر في وجهها
فاطمه:تي شنو هضا .....حطت على رقم فرح
فرح:الووو
فاطمه:هلا حبيبتي كيف حالك و تتفرج على يدها
فرح:كويسه الحمدلله
فاطمه:اسمعي لنقانه كساد شن رايك تجي عندي و تقلب في عيونها😒
فرح:مش عارفة توا أنشوف هيثم قبل
فاطمه:عليش تبي تشوفي خوك مش اول مره إيجيبك عندنا غير هيا بلا طروح
فرح:تمام توا أنجي....و سكرت و عدت لهيثم و صبت قدامه
هيثم:ماسك تلفونه و يلعب في ببجي شن تبي
فرح:عادي تشيلني عند فاطمه
هيثم:كم مره قتلك صاحبتك هذي مش عاجبتني معش تحكي معاها و بعدي عليها
فرح:ليش تحكي عليها هكي البنت ما دارت شي ما تحكمش عليها و انت ما تعرفهاش
هيثم:أنا نبهتك وكر خدودها راه حيطلع من وراها مصيبه
♡روايات اليتا𝑨𝒍𝒆𝒕𝒕𝒂♡
♡ اليتا𝑨𝒍𝒆𝒕𝒕𝒂♡
فرح دقت الباب فاطمه فتحتلها
فرح:غريبه الحوش فاضي
فاطمه علقة جاكتها كلهم طلعو من الصبح
فرح:خشت
فاطمه:تعالي خليني نحكيلك في حاجه حتفرحك
فرح:شنو شوقتيني
فاطمه قمعزت على الصالون و ربعت يا حنه في حد يبي يتعرف عليك
فرح: و شن اللي يفرح في الموضوع
فاطمه:راجل سمح و شخصيه و اهم حاجه عنده فلوس و حطت طرف مقروض في فمها 🙂
فرح:سمح ربي يحفظه عند فلوس ان شاء الله ربي يزيد عليه بس انتي عارفه أن انا ما عنديش عليه الجو هضا كويس
فاطمه:انتي عارفه كم بنت تتمنى تحكي معاه
فرح:خلاص يشوف وحده منهن ما حبكتش عليا يعني
فاطمه:مش عارفه ليش ترفسي في النعمه انتي ليش😒 وخذت تلفونها غير بحتي في صورته بلكي يعجبك
فرح: جاها فضول خدت نضره و قعدت شويه بعد روحت فكرت في الموضوع و شكلها شبه اقتنعت بكلام صحبتها
و خدت فرح رقم ااشاب و قعدت تكلم فيه و فيه يوم و هيا مروحه مع فاطمه
فاطمه:طلعت حفاظه فيها حلويات شغل حوش فرح خودي و عطيني رايك في شغل يدياتي 🙂
فرح:خدت منها تهبل طعمتها ما شاء الله بعدين عطيني الطريقة
فاطمه: ابتسمت حاضر
فرح:حست راسها ثقل و على الطريق فيه سياره وقفت عليهن
فاطمه:اهي خودها و فكني منها درهت كبدي و انا نمثل في دور الصحبه الكويسه
شاب:ضحك و حط فرح في سيارته
___________
الحاضر
.
فرح:دمعه نزلت منها بعد ما خذاني الحقير معاه غمضت عيونها تعدى عليا 💔 و انا ما كانش فيه حاجه بيدي حتى مقاومه ما قدرتش كنت متخدره و معش قدرت اندير اي ردت فعل
دكتوره اميره: طلعت منديل من جيبها امسحي دموعك
فرح:انا وقتها طولت على الحوش و هيثم انشغل عليا قعد يرن عليا مره و اثنين لين الحقير رد عليه
______
فلاش باك
.
هيثم:فرح وينك
شاب:اختك معايا و بحت فيها متريحه
فرح:فاشله بكل و دموعها تنزل
هيثم:انصدم من انت و قعد يعلي في صوته اختي وين
شاب:تعال خودها انا كملت شغلي معاها اصلا و دزله صورتها وتحتها وصف المكان
هيثم:تجمد في مكانه 💔
__________
الحاضر
.
دكتوره اميره:خوك طبست راسها جاه اكبر كف في حياته
فرح:لو انا سمعت كلامه راه ما صارش معايا هضا كله انا اللي وصلت نفسي للحاله هذي و خسرت ثقة خويا 💔
صبت من مكانها و بحتت فيها انا نستاهل كل حاجه تصيرلي نستاهل نقعد بروحي تصبحي على خير
دكتوره اميره : تبحت فيها وهيا راكبه الدروج
فرح:خشت لغرفتها و أتجهت للكميدينو و خدت دفتر الرسم و قعدت تكمل في عقاب ملامح خوها💔
___________
في الصباح
كان في حد مصبي ورا فرح و هيا راقده بحت في الرسمه اللي جنبها دمعه نزلت من عينه و طبس عليها و همس في وذنها
فرح:حست انه صوت خوها فتحت عيونها بسرعه و لقت خوها مصبي قدامها و معش قدرت تمسك دموعها انا نحلم صح زي كل يوم هيثم و يدها ترعش لمست يدها وتاكدت انه خوها💔
هيثم:نزل مستوها و مسح دموعها سامحيني عشان سيبتك وحدك انتي خيتي اللي ربيتها على يدي سامحيني و باس يدها❤
فاطمه:اعترفت بكل حاجه دارتها
فرح:تبكي و بس💔
_____________
فرح:هذي كانت قصتي و سمعتوها و اللي نبي نوصله ان مش اي وحده تقولي عليها صاحبتي و لما خوك يقولك هذي مش كويسه لك معناها هوا يبي مصلحتك و لما تلقي حد تفكيره و تربيته بعيده عنك كلياً بعدي عنه عشان غلطه وحده ممكن دمرنا حتى لو بدون قصد
______
❤اليتا Aletta ❤
: سلسلة ضحايا هدفها توصل رساله بس باكثر من طريقة ياريت الكل يدعمني و يساعدني اني نقدر نوصل رسايلي عن طريق رواياتي و اللي تقدر تساعدني او تبي توصل رساله معينه عن طريقي تقدر تتوصل معايا
انحبكم واجد ❤
انتظروني في روايه جديده برساله جديده او ممكن تكون للمتعه و رسم ضحكه 😊❤
أنت تقرأ
ضحايا
Ficción Generalكاتبه اليتا Aletta 💕 روايه ليبيه مختلفه عن جميع رواياتي من حيت تسرد والأحداث من خيانه وتفكير المجتمع الذكوري وظلم الهل تحت مسمى كلام ناس وغيرها وانشالله نقدر انوصل رسالة اللي نبيها
