أنا وجارتي🌙مكتملة🌙

🌙الجزء 6🌙

🌙أنــــــــاوجـــــــارتـــــــي🌙

البارت السادس🌙💫

Sofie Âs 🌙🌙🌙

رمضان كريم🌙🌙🌙

دارت غزلان زيف على شعرها غير رماتو وخرجو وهادشي تحت انظار حليمة لي تقرسات..

حليمة:وشوووف ليك السيدة خارجة ماتحشم ماترمش ياااربي وشهاد المنكر لي ولينا كنشوفو...غاديين وناس كايتمتمو ويبرككو ماخلاو مقالو اما غزلان غادا وهازا راس للفوق منفخة وعاجبها الحال على الهضرة لي كيقولو ناس أما وردية غادية ومخبية فوجهها وكتقول ياربي سلامة وكيف كايقولو ناس زمان

(معامن شتك معامن شبهتك)...

الرجال حالين فامهم حاضيين غزلان والعيالات مغززين كايوقولو اعوذ بالله من الشيطان الرجيم..
وصلات وردية عند مول دجاج وفينما تشير ليه على شي دجاجة ويهزها وكاتقوليه يردها وهي تقوليه غزلان..

غزلان:(بعياقة)واااا مول دجاج أنا بغيت دجاجة تكون منفوخة وكبيرة ومن بعيد تبان لبنة..غير شافها مول دجاج مشا نيشان للجهة واحد دجاجة غليظة وهزها وجابها ليها..وردية هزات حاجب ونزلات حاجب...

وردية:اييييه هادي هي الخدمة نقية حنايا ملي قلنا ليه جبد دجاجة غليظة مجبدهاش وشي ناس قالو تالمواصافات وجبدها مخيرة..

غزلان:(بعياقة)الله يهديك الله يهديك هزي دجاجاتك ويالله..

وردية يالله بغات تجبد الفلوس من صاكها وهي تجبد غزلان واحد ربعالاف من جيبها مكمشة وعطاتها للمول دجاج وناس كايشوفو تحت لسانهم..(سعداات وردية جاب ليها المقدم لي يطهلى فيها)...

غزلان رجعات الصرف للجيبها وشدات فكتف وردية وغاديين

كايمشيو من عند للخضار للخضار يتمعنو ويختارو وكلشي على حساب غزلان غير كاتبغي وردية تجبد كتسبقها المدينية..

وردية وغزلان سالاو تقديا ديالهم وراجعيين للخيمة والعايالات خارجين يطلو ويتغامزو وآخر وحدة طل هي حليمة لي طلات وشداتها الفقصة حتى بدات تقول ليها جارتها لي حداها من شرجم
الجارة:واااا حليمة سمعتي لي جرا اليوم

حليمة:بالعمى علاش شنو جرا..

الجارة:وردية وسعداااااتها بغزلان

حليمة: وكيفاش عرفتيها سميتها غزلان

الجارة:اويلي وانا ماسمعتش كلشي عارف المقدم اش جاب

حليمة:وعااارفة شنو جااب ولكن الخبار لوخرى معرفتهاش

الجارة:اوا راه جاب (مدات ايديها حكات صباعها بمعنى للفلووس)قبيلة من مشيت للسوق شفت وردية كاتمعن وتختار وتهز لي بغات ولي معاها تجبد من جيبها وتخلص (حطات الجارة يديها على حنكها)سعداااااااتها..

حليمة:(جاتها الفقصة)اوا الله يجيب ليك لي يخلص عليك الحمد لله حنا ماطماعين باش يجي الضيف ويخلص علينا (حليمة علات صوتها) اوا ضييييف خاصنااا نكرموووه ونرحبوووو بييييييييييه وحنا لي نخصرو عليه...

وردية حلات الشرجم لي مقابل مع ديال حليمة وهي طل وهي تجمع التنخيمة وهي دفلها وقالت ليها اوا حنا مابقينا نتيقو فضيف دايرة بحال تنخيمة كترحبي بيها وتجلسيها وتوكليها ودور دورة وترجع للبلاصتها ونحمد الله أنا لي نخمتها قبل ماتنخمني

رمضان كريم 🌙🌙