🌙أنــــــــاوجـــــــارتـــــــي🌙
البارت الثامن🌙💫
🌙🌙
Sofie Âs 🌙🌙🌙
رمضان كريم🌙🌙🌙
غزلان مشات للمراح وكلسات فوق سداري كتشوف وتخنزر حتى دخلات عليها شامة
شامة:مال زين مقلق
غزلان:(كطلعها وتهبطها)سميتك اسية ياك
شامة:لاءح اسية بنت حليمة انا شامة
غزلان:اجي اجي كلسي حدايا نجمعو شي شوية
مشات شامة كتجري للعند غزلان وهي تجلس حداها وكتحاول تقلد الجلسة لي دايرة غزلان وتهز رجل على رجل و وااالو لي مولف بتربيعة مولف بيها..ربعات رجليها وهي دير ديك تفرنيسة الوااااسعة...
شامة: اوا عاودي ليا كيدارة المدينة
غزلان:اووو لاڤيل ڤغيمون فنة نااري منعاودش ليك عليها توحشتها بزااف
شامة:فين ساكنة نتي بضبط فالمدينة
غزلان:فكازا
شامة:سعداااااااااتك مسخيتش نمشي ليها ونتهنى من هاد الدوار
يالله بغات دوي غزلان وهي تسمع وردية كتعيط للشامة
وردية:واااا شامة وفيقي خوك فيقيه ينوض الحمار..ناضت شامة مشات للبيت عند خوها تنوضو وهي تمش ريحة البول عااااااطية
شامة:معااااذ نووووووض نوضضضضض خنزتي البيت بريحة البول يالبوال ونتا كد جمل
معاذ:(بغوات)وبعدي مني ماما قالت ليا نعس مقاريش اليووم
معاذ:(بالغوات)وزمررر
شامة:وانوووووض
معاذ:ولا لا يالله صافي لا تفووووووو عليييك(رد الكاشة على وجهو)
هزات شامة رجليها تااال سما وهي تنزل عليه بركلة
معاذ:وماماا مامااا
وردية جايا كتجري وتبعاتها غزلان للبيت وهي على فمها
وردية:الله ياربي على ولاد الله..اش كاين اش واقع
شامة:مي هذا مابغاش ينوض
وردية:سيري جيبي ليا شطابة سيري...
غزلان:ااااوووو ريحة هنا مجهدة اووف عليك امعاذ لپيبي ديالك خانز اففف
جايا شامة وهازا فيديها الشطابة بحال الزعيم لي جاي للعند الجيش ديالو
شامة:هاكي امي هاكي..مدات ليها شطابة وهي تشدها
ورديه:واش مغاتنوضش ولا اش قاليك راسك أأأأ
غزلان:نووو وردية حشومة عيب ضربي البيبي صغير بالعود نتاع شطابة نووو
وردية:نتي غاتسكتي ولا ونزل عليك بيها
أنت تقرأ
أنا وجارتي🌙مكتملة🌙
Romance💎مكتملة💎 ❌حصرية على الواتباد❌ ✨✨✨القصة شبه كوميدية وقصيرة✨✨✨ ✨🌙أَنَــــــــــــــــــــاوجَــــــــــــــــارْتِـــــــــــــــي🌙✨ 🌙🌙قصة عبارة عن التقاليد العائلة الضحك الاجواء الرمضانية 🌙🌙 ✨🌙بقلمي :sofie Âs 🌙✨ ...
