على ضفتي دجلة

القلق

مرت الايام.. والحب يكبر وسعادة كل منهما بالأخرى لا توصف.. لاتفترقان ابداً حتى في النوم تنام احدهما على صوت وانفاس الأخرى.. اثناء العمل عند الطعام وفي السيارة.. ان لم يكونوا على اتصال ف المسجات لا تنقطع ابدا..
تجرأت اور اخيرا في احدى المرات ان تسأل نيسابا بعد تفكير طويل وتردد ايضا :
- اي كليلي شنو وضع علاقتج بذيج البنت حالياً؟
- ماكو وضع كتلج احنا بعلاقة مفتوحة..
- عذريني مافهمت شلون يعني؟ محد اله دخل بالثاني؟ تحجون تتواصلون لو شنو؟
- وصلنا لأتفاق ان ناخذ بريك من بعض..
- واو واني هذا البريك؟ يعني هاي تعتبر خيانة! لو عادي؟ واني شنو موقعي بهل وضع؟
- لا مو هيج بس ان احنا انتهينا وثنينا نعرف هل شي وعلاقتنا منتهية تقريباً
- نيسابا هذا مو حجي يعني شنو علاقة مفتوحة شنو منتهية تقريباً؟ يعني انتو محاطين نهاية لعلاقتكم وهسه اني بالنص بلا اي ضمانات لوجودي او مشاعري!
- كتلج منتهين
- كلبي ممنتهين دام انتو مكايلين هل حجي لبعض.. مموضحين موقفكم لبعض.. اني ماقبل ع نفسي اكون بهيج موقف ولا اكدر اتحمل هيج وضع اساساً...
الكلام كان مستفز جدا ل أور مما اثار غضبها وعاطفتها في انٍ واحد واكملت بعد ان حاولت ان تهدء للحضات..وقالت بكل غباء
- تمام.. تمام.. اني اول شي مااسمح لنفسي اكلج اختاري وهل كلام.. رح احجي وياج كصديقة وانصحج وانت فكري بيها واخذي قرار...
شوفي انت راحتج وين.. الحب والاهتمام والسكينة وين.. انت لتريدي شنو؟ و ع هل اساس قرري وكليلي..
قالت كلامها هذا ببكاء هادئ وبقلب كاد ان يمسي فحماً..
صمتت نيسابا و أور لم تحتمل اكثر وقررت ان تنهي المكالمة.. وبعد دقائق اتصلت نيسابا..
- اور اني اسفة
- ع شنو بالضبط
- كلامج كله صح واني غلطت من مامنتهية من شي وادخل شخص جديد لحياتي
- زين!؟
- اني احبج واريدج وانت كلشي اتمناه
- اي؟!
- بس انطيني وقت انهي كلشي وياها
- بابا وقتيش واني اضل بهل اعصاب؟ اضل معلكة؟ انت صدك تحجين؟ ليش محاسة بيه!
- حبيبي حاسة بيج والله بس انطيني مجال اعوف الدنيا لعيونج بس صبر
- تمام اني رح اثق بيج وبكلامج وإنهي هل موضوع بأسرع وقت
- اوك حبيبي بس اهدي
- لتطلبين مني اهدء لان الموضوع مو هين ابد
- تمام ياكلبي خلاص اعتبري انتهى
- تمام نشوف
مضت عدة ايام بنفس الروتين الجميل الحب المتزايد مكالمات تطول لساعات وان اضطرت أحداهما لاغلاق الخط فالمسجات لن تتوقف..
لكن هذا الظاهر فقط.. أور كان الحب يغمرها والفراشات ترفرف حولها لكن روحها كانت تحترق من الانتظار.

اختفيت وعفتكم... حابين نكمل؟؟؟
بارت رجوع صغيرون سريع😜