سُفُني في المرفئِ باكيةُ
تَتَمزقُ فَوقَ الخلجانِ
ومصيري الاصفر حطمني
حطم في صدري ايماني
نزار قباني
وهل يكفي العمر الباقي لتعويض كل خذلان الماضي؟ وهل يكفي ليشفي كل الجروح وكل الكسور؟ كيف مر العمر من الاساس بكل تلك المطاحن؟ وكيف نجت من تلك الحروب الضروس.. تفتخر احيانا بقوتها وصلابتها وكيف قاومت وقاتلت.. ودائما ما تشفق على نفسها وقلبها وكيانها لما قاسته واضطرت ان تعيشه طوال سنوات حياتها من قسوة وهجر وخذلان وصدمات وعذاب نفسي وجسدي..لكنها تدفن كل هذا بعيدا في ابعد نقطة بداخلها وتتناساه لتحاول الحياة من جديد لتستطيع ان تحلم وتأمل بأيام جميلة تعوض صبرها خيرا.
كان هذا اللقاء السريع المسروق من الحياة وتجبرها بعد 12 يوما من تعارفهم.. تصورت معها كثيرا ومع ابنتها ايضا.. صورتها وهي ترتب شعرها وهي تبتسم وتنظر لها بخجل.. تلك النظرة التي لا تستطيع مقاومتها ولو مر عمر من عمرها..
استمرت بالجلوس بحانبها.. اراحت نيسابا رأسها على كتف اور و اور تصور فيديو سألتها
- هسة انت سنو جوعانة؟
- اي والله كلش جوعانة
- ومتاكلين يعني
- مجبتيلي كنتاكي
- اي مو تدرين بيه اريد اموتج جوع
- مممم
- مممم
- دتصور الحقيرة
- ع فكرة مادزلج الفديو اذا متاكلين
- اعوفج واكوم اكل يعني
- هيلاوووو
- هيلاووو
وانهت الفيديو ويد نيسابا لم تفارق شعر اور
ضمتها لصدرها مرة اخيرة كأنها تحاول ان تخبأها بين ضلوعها داخل قلبها لتخفيها عن العالم اجمع وتهرب بها من كل القيود وتخلق لها جناحين لتطير.. قبلتها وهمست لها خلف باب غرفتها قبل انت تخرج
- احبج
- اموت عليج
ذهبت والفراشات في بطن اور والثمالة في اوصالها ومزاجها وردي.. كان تأثير نيسابا عليها كالسحر.. تُشَل امامها.. تضيع منها المفردات وتصمت وهي اللتي لا تتوقف عن الكلام.. مأخوذة بها وبعينيها وصوتها واهتماها وكل تفاصيلها.. تهتم بها كروحها بل اكثر.. لم تهتم اور بنفسها يوما.. تحاول اسعادها ولو على حساب نفسها..
في طريقها الى المنزل كتبت لها
- نيسابا مخبلة لو احد فايت
- انت كل عقلج يمي ومابوسج
- صدمتيني بتصرفج
- اروح فدوة
- بس اموت ياالله بهل شفايف
- مشبعت منهن
- ولا اني حبيبي
- اووووف
- الجاي احلى حبيبي اوعدج كلشي يكون احلى
- فدوة اروحلج يَ بيتي يخليج الي
- ويديمج الي ولا يحرمني منج نيسو
دخلت اور الى غرفتها قبل الفطور بقليل كانت مرهقة جدا من العمل من جهة ومن طول الطريق لبيت نيسابا والعودة منه.. وكأنها كانت في رحلة طويلة متعبة من الكرخ الى الرصافة والعكس و من ابعد نقطة الى ابعد نقطة في الجهتين.. رمت نفسها على السرير لتنام لعل الصداع ينتهي وترتاح قليلا..
مرت الايام المتتالية بحب يزداد بمرور الدقائق.. صباحا اور في العمل ونيسابا نائمة.. تعود اور حوالي الساعة السادسة تستيقظ نيسابا يكملون يومهم سويا بمكالمات لا تنتهي.. احد الايام وفي طريق عودتها.. كانت تغمض عينها في السيارة وتفكر بيها.. كم تحبها.. كيف احتلها في اسبوعين هكذا.. كيف استعادت الشعور بالفرح والسعادة والحب والهدوء والراحة بعد ان فقدت كل هذا لسنوات.. فتحت عيناها وكتبت لنيسابا....
(هسه جنت مغمضة
وأجاني هيج واهس كلش كبير بالكتابة
اريد اكتب احساسي
اريد ابالغ بحبي الج لدرجة اللامعقول
الشوارع بعد ما جانت ابيض واسود.. رجعت اشوفها بألوان حلوة من حبيتج
المود الكئيب العصبي القرفان ال جنت بي اكثر الوقت
تحول لهدوء وأمل وحب للدنيا لان انت بيها
الرجعة للبيت بعد ما جنت اكرهها
بديت احبها.. وانتضر بس ارجع حتى اجي بحضنج ولحبج
بعد ما جان مالي واهس ليوم جديد وماريد اكعد الصبح... صرت انتضر ساعة ساعة الصبح وكعدتج حتى ابدي يوم جديد كله حب وياج
حبيتج من اول لحضة
انبهرت بيج من اول نضرة
وبعدها عرفتج وعشقتج مو بس حبيتج
حبيت امج وياج 🥺
حبيت بنتج واحس صارت بنتي هم
مثل ما صرتي بنيتي وحبيبتي وملكة كلبي وحياتي كلها
احبج بكل خلية بجسمي
احبج بكل جنوني وعقلي
احبج طاقتي وحنيتي
احبج بكل كياني
احبج بل وعي وال لا وعي
احبج نيسابا
يا احلى اسم بالدنيا 🥺
احبج بكلشي بيج)
ردت عليها نيسابا عندما استيقظت بأغنية (اصير تراب - محمود الغياث)
تخوف فكرة غيابك
ماحب من تجي ابالي
اشوف الموت يل غالي
وكلبي يلعب بحالي
ويأذيني
يعني الموت اهونلي
ولا تفاركني لو لحضة
يل بغيرك صعب ارضى
بدونك تسكت النبضة وللك عيني
اصير تراب
ياخذني الهوى بكيفه ويوديني
وحرك اعصاب وكتي يصير
لمن ما تحاحيني
ومحد ما ينسيني
هواك اللي بشرايينيني
يل حبك مكفيني.. مكفيني
.
.
كلش يصغر العالم
وتكبر روحي وتعجز
فرحتي بدونك تنشز
وبلحضة الدموع تفز
على خدودي
ما تشتاكلي بكدي
ولا تحتاجني ماضن
عليه انتبه يل صافن
يل ماحركت ساكن
علمودي
ابوس ثياب
على اخر زمن واسولف وياها
وماكو عتاب
يغسل كلبي من ذلته المينساها
الطير الخاينه حناحه
ابد لتسأله ع الراحة
حركته مبينه بجراحه.. بجراحه
.
.
أنت تقرأ
على ضفتي دجلة
Romanceقصة حب بين فتاتين من بغداد.. عاشوا لحظات السعادة والصفاء.. لكن.. لاتجري الرياح كما تشتهي السفن.. سندرك معهم النفس البشرية وتقلباتها وانانيتها ووفائها.. قصة حب اقل ما يقال عنها ( حب وحرب)
