تهزمني عيونك من شوفتك

الجزء الاول

لا تحسب اللي جرالي في الهوى كسره
‏الغصن عايش ولو طارت عصافيره
________________________________
في بيوت نجد

بيت ابو طارق
ابو طارق : ياولد قم قامت عليك عفريت استغفرالله قوم الصلاة
هايف : يبه الحين بقوم والله
ابو طارق : قدمي ع المسجد وبعدين وين اخوانك
هايف : يبه اكيد تلقيهم بالمسجد
ابو طارق : طيب
مشو ابو طارق وهايف وطبعا زي ماقل هايف ان اخوانه بالمسجد ماعاد طارق

عند بطلتنا
طبعًا قامت بعد ضرب امس والاهانة الي كرهت نفسها وكرهت كلشي بحياتها
ابو غدي : انقلعي سوي الفطور اذا جيت ومالقيت كل شي جاهز يولك ، سمعتي ؟.
غدي : ابشر يبه
طلع ابو غدي للصلاة وقبل اخوه ابو طارق بعد الصلاة
ابو غدي: سلام عليكم
ابو طارق : وعليكم السلام ورحمة الله
ابو غدي : اخباركم
ابو طارق : الحمدالله بخير ، عبدالعزيز تعال
عبدالعزيز: لبيه يبه ، هلا عمي اخبارك
ابو غدي : بخير ياولدي ، قبل لا انسى غداكم عندي
ابو طارق : ليه الكلافة
ابو غدي : مافي كلافة ولا شي وغداكم عندي
ابو طارق : ابشر وقال عبدالعزيز خذ المفتاح وافتح المحل ورجع بدري عشان غداء عمكم
عبدالعزيز: ع ذا الخشم
وطلع عبدالعزيز وتوجه للبيت

ببيت ابو طارق
رهف : ياغلا بسرعه سوي القهوه قبل لا يذبحنا ابوي
غلا : لاوالله وليش مو انتي تسوين
رهف : حبيبتي انا سويت الفطور
غلا : وانا ساعدتك بالفطور
وجات ام طارق : شفيكم انتوا يالله صباح خير
ودخل عبدالعزيز و هايف
عبدالعزيز: سلام عليكم
هايف : صباح الخير ياهل الخير
رهف : وعليكم سلام ، صباح نور
غلا : ابوي وينه و فيصل
هايف : طالعوا لي عمي ابو خالد بيجون بعد شوي
ام طارق : رهف قومي سوي القهوه قبل لا يجي ابوك
رهف : يمه ليهه مو غلا انا سويت الفطور
غلا : اقول قومي بس قال مسويه فطور ترا ساعدتك
عبدالعزيز : خلاص انا اسوي بس جيبي الدالة
رهف : طيب

عند بطلتنا
جهزت كلشي غدي
دخل ابو غدي : يابنت
غدي : هلا يبه
ابوي غدي : جيبي الفطور بسرعه
جابت غدي الفطور وبعد الفطور
ابو غدي : اليوم بيجي عمك وابو خالد ع الغداء
جهزيه سمعه
غدي : بشر يبه في كم شي ناقص بالمطبخ
ابوي غدي : وانتي توه ينطق السانك تقولين ناقص
قومي البسي اوديك

طبعًا المحلات جنب بعض 👍🏻

عند بطلنا طلع وتجه لي المحل وقبل بطريق عمر
عمر : هاي عزوز
عبدالعزيز: عمر كم مره قلت لك لا تقول عزوز
عمر : امزح يخوي وش فيك انت
عبدالعزيز تجاهل عمر وفتح المحل وجالس يتاكد
عند بطلتنا وصلوا المحل
أبو غدي: سلام عليكم ياولدي
عبدالعزيز: وعليكم السلام
ابو غدي: يله يغدي خذي الي تبيه بسرعه
رحت غدي تجيب الاغراض وابوها طلع يكلم ابو خالد
خلصت وحطت الاغراض ع طوله وعبدالعزيز شاف يدها كيف فيها كميت جروح وانتبهت غدي لي نظرته لي يدها وسحبت يدها بسرعه وقال عبدالعزيز: ليه يدك كذا
غدي : مالك دخل ممكن وما كملت الا ابو غدي قام يصرخ عليها

عند مكان مارحنا له

في بيت ابو خالد

أبو خالد : يابنات يا ام خالد تعالو
ريم : هلا يبه ، فيك شي
ابو خالد: لا مافيني شي بس اقولكم بنروح نتغدى عند سلمان
ام خالد : طيب بنروح بدري ونساعد البنت
البنات قاموا بسرعه يتجهزوا

عند طارق وخالد
طارق : يجي شعور اني ظالم عبدالعزيز
خالد : لا تفكر بشعور هذا ولا انت نسيت وش
سوى
طارق : لا مانسيت المهم عمي عنده غداء
اشوفك اهناك
خالد : معسلامه

في بيت فارس
فارس : ياسمين اليوم بنتغدى عند عمي
ياسمين: طيب ، مزون يله قومي عشان
بنمشي
مزون : طيب
________________________________
وخلصنا الجزء الاول
اتمنى انه اعجبكم 💗💗