تهزمني عيونك من شوفتك

الجزء ٣٨

بسم الله الرحمن الرحيم
اللهم صلي وسلم على نبينا محمد
_______________________
يا مدور الهين ؟
ترا الكايّد احلى
.
اسأل مغني كايّدات الطروقي
الزين غالي ؟ لكن الازين اغلى
.
ولكل شراي بضاعة وسوقي
________________________

بعد ملكه كان الوضع تجهيزات العيد وبنفس الوقت ملكه رهف وخلف
لليله العيد بعد فطروا
العيال كانو مع ابو طارق بسوق يجبون الاغراض
ابو طارق: هايف جيب الخضره وانتي يفصل جيب المويه وشاهي وقهوه وحلويات العيد
بيت ابو طارق كان غلا ورهف حطين مسك ويرتبون الحوش
دخلوا العيال وكان بنات يبون كبين مويه عشان يغسلون
كانو رفعين شوي من ملابسهم عشان مويه
هايف: عوذ بالله
فيصل: وش مسويات انتو
غلا : خلصوا امشو حستو علينا
فيصل: يلا ياهيوفي مشينا
رهف: يععع صدق
دخل ابو طارق وشاف البنات ينظفون وعيال ينكدون
غلا : يبه شوفهم
ابو طارق: ولد بزران بدل م تساعد اخواتك تنكد قدامي نظفوا وانتوا يالبنات رحوا ساعدو امكم
هايف: افا يبه ليه مو احنا رجال
ابو طارق: مو عيب رجال يساعد اخواته العيب انه ينكد ع اخواته لو ماعندكم اخوات م حسيتوا بنعمة الي انتو فيه
فيصل : الحين انت مع مين يبه
ابو طارق: اسكت بس وانادي اخوانك ينظفون معكم
هايف: ابشر
رح هايف يدق ع باب غرفت طارق
طارق: شفيك وش صاير ليه رفع ثوبك كذا
هايف: ابوي يقول نادي اخوانك انظف الحوش
طارق: وبنات وش مقصرين
هايف : والله يحبيب ابوي شفنا نكد عليهم قال يلا انتوا نظفوا
طارق : وانا شدخلني تنكدوا وانا انظف
هايف: اقول اخلص تعال بس بنادي عزوز
رح ولقى عبدالعزيز بيطلع
هايف : عزوز
عبدالعزيز: لبيه
هايف : ابوي يقول تعال نظف معنا الحوش
عبدالعزيز : ها
ابو طارق بصوت عالي : وين رحتوا
ركضوا العيال كلهم لان لو م جاو بيروحون فيه
وكان حوش فيه مويه كلهم طاحوا عند ابو طارق
كان معه خيزرانة كل وحد اخذ له ضربه
هايف: اهخخ ليه فوق م طحت انضرب
البنات كان عند باب المطبخ يضحكون عليهم
ابو طارق: نظفوا اخلصوا ماباقي شي
فزو وكل وحده كان يظفون وشوي لعبون وكل هذا كان مصور من قبل بنات
بعد ماخلصوا جاو البنات وام طارق تجمعوا بالحوش وكان شاهي وقهوه ومكسرات
ابو طارق: غلا نادي زوجات اخوانك
غلا : ابشر
ابو طارق: ايي ذي بنتي مو زيكم طلعوا عيوني عشان تسوي شي
ام طارق: حرام عليك هذا هم طاحوا ونظفو
هايف: كفووو يام البطله وانسدح حط راسه بحضنها
رهف : اي امي مع عيال
فيصل: ابوي معكم
ابو طارق: اي معهم
جاو البنات وغلا
بشرى وغدي ضحكوا اول ماشافو اشكال العيال كان شعورهم طايره وثيابهم حاله ثانيه
جالسوا وهم مسكين ضحكه
بعد سوالف وطقطقه بعد صلاة الفجر
تجمعوا البنات بغرفه بشرى يسون مكياج و استشوار
غلا : بنات ماقالوا عند مين صباح العيد
غدي : عبدالعزيز قالي عند ابو سيلين
بشرى: ايي من زمان ماشفتها تصدقون
رهف : ايي مانشوفهم اصلاً من عيد لا عيد
غدي : مع ان ماحس يطلعون كثير
رهف: ايي صدق
بشرى: خلونا منهم الحين ايش احط مكياج
غدي : ايش لون فستانك
بشرى: احمر
رهف: حطي مكياج خفيف
غدي : ايي حطي من الاولون البني
بشرى: تم
بدو البنات يحطون مكياج
بشرى: ابي اسوي شعري ويفي شرايكم
غلا: نويه ع اخوي الليلة
رهف : ايي بيطلع يجنن عليك
خلصوا البنات وطلعوا بعد م نظفوا مع بشرى
لبست وطلعت عند البنات يتقهوون عبال مايجون الرجال من صلات العيد
بعد ماجوا راحت بشرى الغرفه دخلت وكان طارق موجود
بشرى : انت هنا عبال تنظر بسياره
طارق: لسع اخواني م رحوا
بشرى: اي
طارق : انتظري عندي لك شي
طلع ورجع وهو معه ورد احمر لفت عليه وهي مستغربة منه
قرب منه وقال : كل عام وانتي معي يحلى شي بحياتي
بشرى: يروحي وانت وكل عام اشوفك بصحة وسلامة وكل شي ضحكت وقالت : معرف اوصف شعوري
ضحك وقال ماعليه تقدم وباس مقدمة راسها وقال يلا مشينا يروح طارق
هزت راسها وحطت الورد ع طوله والبست عبايتها
مد يده مسكته طلعوا
عند غدي
غدي وهي تنظر عبدالعزيز
دخل وشافها جالسه ع سرير
عبدالعزيز: تفكرين بايش
غدي : جيت كنت انتظرك
عبدالعزيز: يحلو الي ينتظرني جاء ومسك يدها
عبدالعزيز: كل عام وانتي كل اعيادي
غدي: يحياتي جعل ايامي كله معك
عبدالعزيز طلع فلوس من جيبته ومد لها وقال : هذي عديتك
غدي: مابيهم يكفي انت
عبدالعزيز: والله غير تاخذيه
غدي: وش اسوي فيهم
عبدالعزيز: بكيفك لكن الف ريال ذي عديتك
ويله البسي
بعد م وصلوا عند ابو سيلين
كان كل وحده تسوالف مع الي جنبها
ريم : رهف موصله
رهف : ايي
ريم : يخبله بالليل الملكه حقتك
رهف : حولت بس مافي نوم
ريم: الله يعينك لو اجله
رهف : مدري ع ايش مستعجل
ريم: يلا معليه
رهف : برجع البيت مره نعست
ريم : حتى بس امي بتروح عند خوالالي وبطول عندهم
رهف: تعالي نامي عندنا ونمر بيتكم ناخذ اغراضك
ريم : طيب اشوف امي
رهف ارسلت لي هايف انه يجيها
طلعت بعد ماقال لها عند الباب
رهف: اسمع تكفى رجعني وربي نعسانه وبعد ريم زيي وشسمه يعني نمر على بيتهم لان بتنام عندنا
هايف: طيب يلا حتى انا برجع ابي انام معكم خمس دقايق اذا ماجيتوا بروح
رهف: ابشر
دخلت ولقت ريم تدور عليها
رهف : ريم يلا هايف يقول معنا خمس دقايق بسرعه
ريم : طيب
البسوا بسرعه وطلعوا
بعد م ركبوا جاء عمر لي هايف نزل هايف وكان عند سياره
عمر : بتروح
هايف : اي بنام قبل لا يجون العيال
عمر: ليه يخي عيد
هايف : عشان م عندك شي بالليل
نتجمع بالليل بعد ملكه
_________________________
استمتعوا
ادري تاخرت مره لكن الحين مالي عذر وانشاءالله رح انزل كثير هل الايام
اجازة سعيدة 💙💙