بسم الله الرحمن الرحيم اللهم صلي وسلم على نبينا محمد
_____________________________
بالسجن كان هذا اخر يوم لي طارق والعيال
شرطي: طارق بعد نص ساعة الخروج جهز اغراضك
طارق : طيب
عند بيت ابو طارق
ابو طارق: يله انا بروح لي طارق قم ي هايف روح معي
هايف : يبه خذ فيصل
ابو طارق: قم لابارك الله فيك قدمي وكلمتي وحده
هايف : ابشر وقام يروح مع ابوه
وصلوا ولقو ابو سامي وابو خالد موجودين
ابو طارق: سلام عليكم
رد السلام عليه
وبعد شوي جاء طارق ومعه العيال وكل وحد سلم ع ابوه
ابو طارق: يله تمسون على خير يله ورنا شغل بكره
ابو سامي: صدقت
دخل خالد للبيت وسلم ع امه واخواتها وجاء عند وليد
وسلام عليه
وليد : لا تحسبني غبي
خالد : وش تقصد
وليد : تعرف وش اقصد وطلع برا يدور ريم
وليد : يله ريم قبل لا تقفل بقاله
ريم : يله مشينا وطلعوا
عند بيت ابو طارق
بعد ماسلم طارق عليهم جالسوا يتقهوون
ابو طارق: طارق ترا بعد بكره تخطب رسمي وانت وعبدالعزيز
غلا : يبه ليه مستعجل خله الاسبوع الجاي
ابو طارق: العرس الخميس ولزم نسويه الملكه السبت
ام طارق: يله كله اسبوع ونخلص ولا تساعدنا خلصنا
رهف : متى بنروح الرياض
ابو طارق: بكره الصبح
طارق : كل هذا تخطيط وانا مدري يالله دريت اني بتزوج
ابو طارق تجاهل وقال : يله كل وحد ينام واذا سمعت صوت
بس لا بعقل
بعد م رحوا كلهم
غلا : هايف تكفى روح لي بقاله
هايف : وليه وش تبغين
غلا : جوعانه
هايف: اطبخي
غلا : هايف تكفى
هايف : طيب شوفي رهف اذا تبي ولا
غلا : كفوو ورحت تشوف رهف
غلا : رهف هايف بيروح بقاله ويقولك تبين شي
رهف : اي خليه
غلا راحت تقول له
هايف : نفس طلبتكم صح
غلا : ايي
طلع هايف وكان يمشي والشارع فاضي قرب للبقالة
وشاف وليد ومعه وحده
وليد : هلا والله بهايف
هايف : هلا فيك
وليد : وش تسوي هنا
هايف : ارقص يعني وش اسوي بروح اشتري لي من بقاله
وانتبه لي ريم وجت عينه بعيون ريم وصد عطول
وليد بضحك : الله يقلع ابليسك المهم شايب بيروحون صباح
هايف: اي والله
وليد : والله بنروح فيه طول الاسبوع
هايف : اي وعاد نرده لك بعرسك
وليد : ليه مو عرسك
هايف نظر ريم وقال : انشاءالله يله تبون شي
وليد : سلامتك
بعد مارح هايف
ريم : مشاءالله تغير هايف مرهه
وليد : الوحد لما يكبر يتغير
ريم : صح عليك
عند هايف كان كل شوي يذكر شكلها بنقاب
هايف : شفيني انا بسم الله انشاءالله ماطيح بالحب
وطلع ورجع البيت واعطى اخواته ورح ينام
دخل المجلس وشاف عبدالعزيز جالس يقرأ القران وجلس عنده
بعد ماخلص عبدالعزيز
هايف : عبدالعزيز ماتعبت وانت تصد عني
عبدالعزيز: كل الي سويته يوم صديت عنك كم يوم تقول ماتعبت
هايف : يخي شيطان داخل بينًا تكفى سامحني حتى نوم ماصار يجيني
عبدالعزيز: لو انت بمكاني وش بتسوي شفت لو انه يوم
وحد كان عادي بس اسبوع وكل ماشوفك اقولك تكفى تصد
هايف مارد وسكت
عبدالعزيز: روح نام بكره ورنا شغل ورح عبدالعزيز ينسدح
وكل هذا تحت مسمع
كانت ام طارق تبي تسأل هايف وسمعت كلشي ماتوقعت
ان عبدالعزيز يكون زعلان ع هايف وهي لاحظت آن عبدالعزيز
تغير ع هايف بس كانت تقول انشغل وهي اكثر وحده تعرف
علاقت عبدالعزيز وهايف كيف
رجعت تروح تنام
عند غدي
مقدرت تنام ابد كل ماتنام تقوم ع وجع رجالها وطلعت تدور حبوب بندول عشان يخفف صدع دورت ومالقت شي بكت من الوجع ورجالها وراحت تدور جوال ابوها وشافته بصاله وكانت تدور بالارقام رقم عبدالعزيز ولقت رقمه ماتدري ليه دقت عليه اصلان
عبدالعزيز سمع صوت جواله وقام يرد بدون ماينتبه لرقم اول
مافتح الخط سمع صوته وهي تبكي
غدي: عبدالعزيز تكفى وماقدرت تكمل وجالست تبكي
عبدالعزيز: وش فيك وش صار
غدي : مدري بس توجعني
عبدالعزيز: جايك لا تقومين
كانت غدي بغرفتها عشان ابوها ماسمعها
عبدالعزيز قام بسرعه ورح لي بيت عمه نط لان الباب مقفل
دخل وسمع صوتها بالغرفه داخل وسكر الباب
عبدالعزيز: وش فيك ليه تبكين
غدي : مدري طحت ع رجولي وصارت توجعني حتى مكان العقرب يوجعني حيل
عبدالعزيز: حطيتي من علاجات
غدي : نسيتهم وانهارات من الوجع قام عبدالعزيز يحضنها
عبدالعزيز: هدي خلاص خذي بندول واعطها مويه
عبدالعزيز: حرارتك مرتفعه بجيب لك كمادات وانتي ارتاحي
عبدالعزيز رجع وكان معه كمادات وحطهم ع جبتها غدي رفعت يدها تبي تشيلها بس عبدالعزيز سحب يدها
عبدالعزيز: خليه عشان بكره تقدرين تسوين اشغالك
غدي بخمول : مابيه ابي انام
عبدالعزيز: نامي انا موجود
بعد مده نامت غدي وكأن عبدالعزيز كل شوي يغير لها الكمادات
غدي مكانت بوعيها ومسكت يد عبدالعزيز
عبدالعزيز بهمس: وبكره قولي عني متحرش
بعد ماتاكد ان نزلت حرارتها طلع ورح للبيت داخل وكانت ساعه ٣ الفجر دخل المجلس لقى هايف صاحي
هايف : وين كنت
عبدالعزيز تجاهل وانسدح
هايف: عبدالعزيز اكلمك انا
عبدالعزيز تجاهل
من بكره بعد الصلاة
ابو طارق : يله افطروا عشان نمشي ودقوا ع فارس
فيصل: ابشر
ابو طارق: انا بروح اقول لاهل الديرة ان ملكه بالرياض ارجع القى الاغراض جاهزة وطلع
رهف : مدري ليه ابوي مستعجل
ام : كلو عشان نحط الاغراض بسياره
ابو غدي شاف اخوه طلع ورح له
ابو غدي: سلام عليكم
ابو طارق: وعليكم السلام شلونك
آبو غدي : بخير اقولك سيارتي مدري وش فيها مو راضيه تشتغل
ابو طارق: نروح بسياره وحده ويله امش معي نروح نقول لاهل الديرة ان ملكه بالرياض
ابو غدي: توكلنا ع الله
كان غدي تجهز الاغراض وكانت متوتره مو عارفه وش تاخذ اخذت جوال البيت ودقت ع عمتها ام طارق
غدي : عمه عادي تخلين البنات يجون يساعدوني شوي
ام طارق: اي عادي الحين اقول لهم
قفلت وراحت تقول لهم
ام طارق: روحوا ساعدو غدي واضح عليه انه متوتره
غلا : الحين نروح
لبسوا عبايتهم وطلعوا دقوا الباب وفتحت لهم غدي
رهف : وش جهزتي
غدي : م جهزت شي
غلا : تستهبلي صح
غدي : بنات تكفون متوتره ساعدوني
رهف : قومي بسرعه خلينا نشوف وش تاخذين معك وترا ملكه تكون بالرياض
غدي: فستان الملكة بشتري
غلا : يلهه
قاموا يشوفون وش ياخذون ملابس وبعد ماخلصوا كلشي غدي وهي تحضنهم : مرهه شكرا
رهف : شدعوة ترا انتي زي أختنا
غلا: ورهف صادقه
وبعد ماطلعوا البنات جاء ابوغدي وقال
: لبسي عبايتك بنروح مع عمك
غدي : طيب
وراحت تلبس
عند بشرى كانت تجهز الأغراض حقتها
ام سامي: يله يبنت البسي بنمشي الحين
بشرى : يلهه خلصت وراحت تلبس عبايتها
عند بيت ابو خالد
عبير: ريم اخذ فستان من هنا ولا اشتري
ريم : لا اشتري وبعدين الكل بيجي لزم تكشخين
ام خالد: يله يبنات بنمشي البسوا بسرعه
ريم : يله
لبسوا وطلعوا يركبون سياره
ببيت ابو طارق
ابو طارق: اسمعوا سلمان بيروح معنا
وبعد شوي داخل ابوغدي وغدي
كانو بالحوش جالسين وكان ينتظرون فارس
آبو طارق: هلا بغدي شلونك يابنتي
غدي : الحمدالله بخير
غلا : تعالي خدي شاهي
جات وجلست عندهم
غلا مدت لها شاهي وقبل لا تاخذ غدي
غلا : تحبيني ولا تحبين شاهي
غدي ناظرته بدون ماتقول شي
غلا : يمه خلاص امسكي لا نتاظرني كذا
فيصل: خفتي منها وهي نتفه
غدي: وش نتفه انت
فيصل: ارضي بالأمر الواقع
غدي : الصبر
ابو طارق: خلاص ويله مشينًا فارس بيجي بسيارته
بسياره ابو طارق
كانو جالسين قدم آبو طارق وابو غدي وطارق والعيال ورى والبنات بعدهم ومعهم ام طارق
عبدالعزيز: رهوف اكتبي وش تبون من محطة
رهف : من عيوني
بسياره ابو خالد
ريم : يبه بنزل المحطة
وليد : لا خيررر انشاءالله
ابو خالد: خله تنزل
خالد : مسوي رجال الغيور
وليد: كل تبن انت
ابو خالد: تضربوا احسن
سكتوا
عند فارس
فارس : مزون وش تبين من المحطة
مزون: عادي انزل
فارس: ابشري الحين لا وصلنا تنزلين
وصلوا عند المحطة وكان الشايب يخططون والعيال بالمحطه
ريم كانت عند قسم العصير وكان في عامل يناظر ريم
ريم خافت وراحت تدور وليد بس ماشفته وانتبهت لي هايف
وراحت عنده
ريم : هايف شفت وليد
هايف : وش تسوين انتي ومكمل كلامه الي وعامل مسك يد ريم
فزت ريم وعطول سحبت يدها وراحت ورى هايف وكانت مسكه طرف ثوبه
هايف : خيررر ماتشوف انت وجاء بيضربه بس ريم مسكت يده
ريم : هايف خلاص ماستاهل انك تعصب عشانه
هايف : امشي قدمي وغطى عيونك
ريم : ليه
هايف: غطي وانتي ساكته
ريم : مارح اغطي وريني وش بتسوي
قرب هايف منها وغطى عيونها
هايف شاف وليد وقال : روحي شوفي وليد اهناك
راحت ريم عنده واعطتها اغراضها
وبعد ماطلعوا من المحطة
بسياره ابو طارق
غلا : يبه كم باقي للرياض
أبو طارق: مطولين
كان هايف في عالم ثاني وللحين يحس بشعور حلو لما ريم مسكت يده وهو مو عارف ايش هذا شعور كل ماتجي ريم باله يبتسم وقرار يسال عبدالعزيز حتى لو انه مايبي يكلمه لكن يعرف عبدالعزيز انه بيقول له
أنت تقرأ
تهزمني عيونك من شوفتك
Poetryظالمني اعز ناس لي انا ليه حياتي كذا . الكاتبة : سوسن حسابي : Saw.1n
