تهزمني عيونك من شوفتك

٤٢

بسم الله الرحمن الرحيم
اللهم صلي وسلم على نبينا محمد 💙
_______________________

كان غدي حساسه ان عبدالعزيز فيه شي كان تدق عليه بس مايرد
ام غدي : غدي
لفت وقالت : هلا
ام غدي : سمعت ان عبدالعزيز بيروح العسكرية قريب
غدي : ايي
ام غدي : طيب لا رح تعالي عندنا بيت ابوك وكمان انتي حامل لا جيتي عندي بطمن عليك
غدي : اي ان شاءالله
طلعت ام غدي وهي تضحك ع غباء بنته
رجعت غدي وشافت ان الكل روح
جلست وهي ودها اي خبر يطمنها على عبدالعزيز
بنسبه للكل عرفوا ان عبدالعزيز الي كان مع هايف
رفعت ريم راسها وقالت : غدي
غدي : لبيه
تكلمت غلا بعد ماصار صمت وقالت : الي مع هايف عبدالعزيز
غدي : ها صدقه تكفين فيه شي
قامت تاخذ جوالها
مسكتها ريم وقالت : مافيه شي وتوها دق ع رهف
رهف : ايي شوفي متى دق
شافت وجالست وهي تحس براحة شوي
دق عبدالعزيز ع رهف ردت وقالت : هلا
عبدالعزيز: اسمعي انا بجي بعد شوي وجهزي ملابس هايف لان بيجلس ثلاث ايام وانتي بعد ولا غلا وحده منكم تروح معه
رهف : انا بروح
عبدالعزيز: زين بس خلف يغار قالها وهو يضحك
كان البنات يسمعون
رهف : يكلب انطم
عبدالعزيز : اسمعي تبين اجيب لك قهوه
رهف: اي
عبدالعزيز : ابشري
رهف : تبشر بالجنة وقفلت
قامت غدي وقال: انا بروح انام
ام طارق: نوم العوافي ولا تعبين نفسك
غدي: حاضر
راحت الغرفه وغيرت ملابسها ومسحت مكياج
اخذت جوال تشوف اذا دق عليها ولا قراء الرسايل بس ولا خاب ظنها لكن اقنعت نفسها ان لاجاء ب يراضيها
عند عبدالعزيز اخذ قهوه لي رهف وله واخذ ورد لها
بعد ساعه وصل ودخل البيت لقى امه ورهف
مد لي رهف القهوة والورد
ام طارق: هلا والله طمني
عبدالعزيز: الحمدالله بخير وهايف الحمدالله مكان حاله خطيرة
ام طارق: الحمدالله اي صح ليه ماجابت لي غدي قهوه ورد
عبدالعزيز: مدري عبالي نايمه
ام طارق: شوفها لكن بعدين لا جيت وقلت انها زعلانه اقولك عبالي نايمه
قامت وهي عارفه ان غدي زعلت من عبدالعزيز لان عارفه شخصيت غدي حساسه مره
عند عبدالعزيز ورهف
عبدالعزيز: شفيها امي تقول كذا صدق زعلانه مني غدي
رهف : والله مدري بس صدق روح شوفها
عبدالعزيز: يلا بروح اشوفها تصبحين على خير
دخل الغرفة بهدوء شافها تقرأ الاذكار
لفت بعد ماحست فيه
غدي بهدوء: متى جيت
عبدالعزيز: توي
انتبهت ان مامعه شي وشافتها ياخذ ملابسه عرفت ان مارح يقول لها شي حست بكتمه ودها تبكي طلع ورح للسرير ينام
عبدالعزيز: قومني الفجر عشان اصلي ولحق هايف قبل لا اروح الدوره
ماردت عليه
غدي: عبدالعزيز انت ليه تجاهل مكالمات حقتي ورسايل
لف عليها كملت كلامها : انت حتى ماجيت وقلت ان فيني شي وانا كنت بموت من الخوف وانت ولا همك طيب اذا ماقدرت تكلمني كان رسلت وقلت انك بخير ليه مارديت عطني سبب شافت انه مرد وقالت : خلاص عرفت الاجابة مارح أجبرك تقول لكن انا وش ذنبي انا سويت لك شي عشان تزعل مني وطنش كل شي مني ترا لك فتره وانت ع ذا الحال احد قالك كلام عني لكن تدري مالومك انا عار على الكل انا حتى ابوي يكرهني امي بعد تدري ولأ كانو يقولون لي مين الي يتحمل عار عليه والحين صدقت كلهم جتني اليوم تقول تعالي عندي عشان اطمن عليك وانا ادري ان كل هذا كذب تدري يوم ابوي قالك انتبه لها فرحت اول مره اشوف ابوي كذا كان دايم يدعي لي بموت ولا مرض وامي كان تقول لي انت سبب خرب حياتي مرات احسد البنات عندهم اخوان اخوات لمًا يقولون لي مواقف عن اخوانهم احسدهم يقدرون يجلسون يسالفون ويفضفضون لي بعض بس انا حتى امي لو بجي اقول لها شي تقوم تخلي ابوي يضربني
حتى لو تقول رهف او غلا أخواتك صح اني اعتبرهم اكثر من أخواتي لكن مرات الواحد يبي يجلس مع اهله يسولف لهم بدون احد يتدخل معهم حتى بكت وهي تقول حتى بالمدرسه كان يضحون علي بحفل التخرج كان الامهات يحضرون ويجبون هدايا لي بناتهم الى انا كنت اتمنى اشوف امي مع ان عمتي ماقصرت كأن تعبرني بنتها صدق انك محظوظ فيها بس خلاص ذي حياتي صرت اقول يلا ذي حياتي عادي عادي تعودت لكن انهزم من شوف موقف اشوفه مرات اتمنى اني لا سمع ولا اشوف
قام وهو منصدم كل هذا بقلبها جلس عندها مسك يدها
وقال : يعلم الله اني متجاهل انا مجهز شي كبير لك وبعدين مين قال لك انك عار علي بالعكس لو تبين عيوني اعطيك انا ابوك انا امك انا اختك انا اخوك انا صديق لك بس لا تكتمين والله ماهو زين لك ولا لي والله يشهد ع كلامي ان احبك حب لو يعطوني الدنيا ومافيها ولا انتي بختارك انتي الله ياخذ الي يفرقنا عن بعض وحضنها
وقال ابكي لا تكتمين طلعي كل شي فيك
مسك يدها وقال امشي نروح البحر
بعد مالبست عبايتها طلعوا
ركب سياره ومد لها ورد ازرق وقال : عبالك نسيتك لا والله والحين ناخذ شاهي ولا نسوي شاهي لان ادري تفضلي شاهي
ضحكت لف عليها وقال شيلي نقاب خليني اتامل
لف وغنى مع شيله

أحبك لو انك في
ديار الخطر والخوف
لو ان الزمان الشين..
وده يخالفنااا
سطى حبك بقلبي
وحااف الجوارح حوف

وقف عند المحطة وكان في محل صغير يبيع شاهي
اخذ شاهي لها وله
وصلوا البحر كان فيه ناس قليلة موجوده
جالست وجالس جنبها
عبدالعزيز: ودي اسحب ع الوظيفة كلها
غدي : ليه
عبدالعزيز: عشانك
غدي: عبدالعزيز ترها وظيفة وبعدين انا معك بكل شي مارح اختفي من حياتك
انسدح وحط راسه بحضنها
عبدالعزيز: ادري مارح تختفي بس الشوق انا اشتق لك اذا طلعت بس الحين ثلاث شهور والله والله بكلها صح
غدي: ماعليه يمكن ماتحس بثلاث شهور ذي من سرعته
عبدالعزيز : ان شاءالله
عند ريم كان الكل نايم ودها تسال احد عن هايف جاتها فكره ان تاخذ رقمه من جوال ابوها ولا وليد
طلعت وهي نويه ع ذا شي دخلت غرفه وليد ومن حضها الجوال كان ع تسريحة
اخذتها وطلعت من الغرفة فتحت الجوال تدور رقمه
ريم : يمكن نايم الحين لكن عادي اخذ رقمه ودق عليه ماكملت الى وقرت رساله من القروب وكان من هايف
ماحست بنفسها الي وهي دقه عليه
عند هايف كان توه صاحي اخذ جواله وشاف قروب العيال مرسلين دخل وكانوا يطقطقون عليه رسال لهم وقال : خلوني اطلع بس
طلع من القروب كان بيرسل ع عبدالعزيز لكن جاه رقم غريب يدق عليه وبحكم انه طفشان قرار يرد
هايف: سلام عليكم مين معي
ريم : انا ريم
انصدم كيف جابت رقمه
هايف: هلا وش فيك دقه
ريم : بس ابي اطمن عليك
هايف : ماعليه الحمدالله بخير
ريم : الحمدالله
هايف : كيف جبتي رقمي
ريم : من جوال وليد
مارد عليها
ريم: عبدالمجيد هو الي طعنك
هايف: ايي حبيبك
وقفل لان دخل عليه دكتور
بنسبه لي ريم زعلت لان ماتوقعت يقول كان تقول خلك مو انتي الي ميته عليه هو صادق يوم يسوي فيك كذا
مسحت رقمه ورجعت جوال وليد وراحت تنام
____________________________
رجعت وكتبت لكم 1063