تكفين يا جبال حايل انتبهي عليه 🖇

في الصباح
عند عبدالمجيد والي معاه صحوا بدري وصلوا الفجر وافطرو وتقهوو الى الساعه٨ ص بعدين شدو الرحال متجهين لبيوتهم واشغالهم
عبدالمجيد. وهو يشيلون خيامهم ويشتغلون بهن
صور عبدالله وياسر ومتعب وفيصل وهو يتساعدون ويشيلون الخيمه ويفككونه وكتب ( نقدم على رقي المصاعب مانهيب ونموت وما تاطى لنا الدنيا طرَف)
مجيد. سكر السناب. وربط ثوبه. هاااه فيصل. شبقي عليكم
فيصل. خذا تراب ورماه ع وجهه وهو معصب. انت هذي شغلتك بس تصور سنابات وكنا عندك عمال قم قمتك قم ساعدنا
مجيد. وهو يربط شماغه ع راسه. يارجال انت شفيك حارقن رزك خلاص هذاني جايك جايك يامسلم
عبدالله. ايييه جايك جايك وحنى نكرف لين نتفل العافيه ثمين انت تصور ويعنني قم اذلف بس
مجيد. صدق ان ماعندكم اخترام للي اكبر منكم
فيصل. وخر عني لاوالله اعلمك الاخترام زين
مجيد. اخسسس يالنفسيه
عبدالله. ضحككك استغفر الله تماوطو بشوش بعد
مجيد. شكله شكله ناودي ابو الفواصل
فيصل. مجيد قسم بالله من صبح الله والشمس فوق راسي وخر لاوالله انذبحك
مجيد. ضمه بسم الله على قلبك بسم الله عليك بس عسى بس ما تموت علينا يابعد قليبي يفصول ذابحنا البرد وانت تهذري علينا بالشمس
فيصل. ايييه ماصقعتك مثلي وخر بس
مجيد. خلاص رح ارتاح انا اشتغل عنك
فيصل. لا ماعليك بس ابعد خلنا نخلص ورانا دوامات باتسر
مجيد. عطاه بوسه فالهوا فديت العصبيين انا يازوينك يافيصل الله لا يحرمنا بس من فيصلنا
فيصل. لف وقام يشيل
عبدالله. فوووديتك ياشيوووخ القبايل انت ياكبير
وبداو يتعاونون ويشتغلون ووصلو بيوتهم بعد العصر
ونزلوا عفشهم
مجيد. وهو نازل من اللكزس ونزل شماغه ويطق ثوبه يالله يالله متعب
متعب. هلااا
مجيد. تعال اركض جيب لي ملابسك كلهن باخذهن معي للغسال عشان باتسر
متعب. زين يالله
مجيد. انتظر شوين جاي معك باخذ ملابسي بعد
وفيصل. نزل ومعه جوالاته والنضاره ع راسه ودخل بالمجلس
وما الاب فتجه للخيمه في حوش المجلس هو والرجال والعمال يجهزون القهوه كعادتهم
عند مجيد ومتعب.
وهو ياخذ ملابسه هو متعب.
مجيد. بس هذولي هن
متعب. ايه بس
مجيد. زين اجل. انطلق يابطل رح لبوي وانا بطلع االلحق قبل يقفلون
متعب. زين وراح متعب
مجيد. خذا نفس وفتح السناب وينتظر رسيل لكن ما ارسلت له ولا شي ومع انه شافت سناباته الصبح لكن ماردت
مجيد. ميل فمه. غررريب
سكر جواله وركب سيارته وهو بنص الطريق صور الشارع العام واالاشاره حمرا وكتب ( الرجولة : هو ذالك الجدار الذي تختبئ خلفه الإنثىٰ و هي تثق تماماً بأنه لن يسقط عليها ولن يؤذيها..)
وكمل طريقه
عند رسيل. ..............

كانت بالمول. وتكلم.
ايووووه غدي وينك
غدي. موجوده عند العربيه للعود انتي وينك
رسيل. من جدك انا عند الماجد وضحكت
غدي. طيب خليكي انا جايتك
رسيل. طيب سررريع بابا يقول معاك ساعه بس لنو هو بعد مره منشغل
غدي. اوكيه جايتك
من بعيذ وغدي نازله من الدور العلوي من المول. وتاشر لرسيل. هاااي
رسيل وهي تحت. اشرت لها
واجتمعوا
رسيل. اهلين اخبارك ياحلوه وحشتيني
غدي. فوووديت الموزه ياناسي يمه تجنننين
رسيل. وهي تبعد الشعر عن وجهها شرايك بس كيوته يمه بسم الله علي اجنن
غدي. ارتفع هرمون النرجسيه تعالي تعالي خلينا نجلس ونطلب لنا قهوه
رسيل. اوكي يالله تذكرت بكره عندنا محاضره الزفت مريم كالعاده بتتعتذر
غدي. لا لا ماضنيت تعتذر لنه مره اوفر
رسيل. ايوه غدي خلينا نصور سنابات
غدي. اوكي يالله وصور يدينهم ونزلوها سناب
رسيل. بعد مانزلت سنابها شهقت بفرحه جاتها اضافه من مجيد كان طول الوقت الي راح هي بس ضايفته لكن الحين صارو اصديقاء فسناب
غدي. شفيه ؟؟؟
رسيل. حطت يده ع فمه. هااا ولا شي
غدي. رسووول موب علي ويالله تكلمي
رسيل. غدووو والله مو وقته بكره اقول لك فالجامعه وربي بقول لك
غدي الحين تقولين لي
رسيل. مقدرررررر مقدررر بكره اقول لك
غدي اوكي بس تذكري ماراح انسى ترا
رسيل. ولا انا ماراح انسى يالله نصور
تحمست رسيل عشان مجيد يشوف سناباتها
وصورت جزماتها وكوب القهوه وكتبت( أنتِ وردة زاهيه في ارض قاحله )
غدي. رسووول ذاك ابوك صح كنه كنه هو ولا انا غلطانه
رسيل. لفت. وابتسمت الا هذا بابا واشرت له
ابورسيل. ابتسم واشر لها وجاء لين عندها. هلاااا رسوولي هلا بنتي غدي شلونك
غدي. ابتسمت. الحمدلله تمام عمي
ابو رسيل. يالله نطلع
رسيل. بابا خذيت من الماجد ولا
الاب. الا هذاه معي وين رحتي من شوي معاي وفجاءه اختفيتي
رسيل. ضحكت يبه شفت غدي وجلسنا نسولف
الاب. زين لا تتعودينها او اقل شي قولي لي طار قلبي عليك يايمه
رسيل. ياروحي. يالله نطلع
الاب. بابتسامه يالله هاه غدو طالعه معانا؟.
غدي. لا لا عمي انا بعد ماما هنا ولما شفت رسيل جيت لها
الاب. ضحك. يالله اجل انتبهي لنفسك
غدي. ان شاءالله
رسيل. يالله غدو اشوفك بكره
غدي. باااي
رسيل. باااي
رسيل. مسكت يد ابوها وكملوا طريقهم وهم يسولفون الى ماوصلوا سيارتهم
رسيل. مسكت يد ابوها وهي تصور يدينهم وهم مشغلين اغنيه طلال مداح والبارت يقول ( أحبك حب خلاني ابيع الدنياء من اجلك وبكره لو تعد ثاني اخلي الغالي يرخص لك وراح امشي معاك للاخر ) وكتبت ( لا اكون الا بك ولا اطمئن الا معك بابا 🥺🤍).
وبعد ماهزبت سنابه باست يد ابوها
الاب. ابتسم. الله يرضاء عليك يارسول ويحفظك لي يابعد هدنيا ومن فيها
رسيل. ويخليك لي ياضي عيوني
الاب. وصلنا يالله ننزل
رسيل. يالله ولبست نضارتها الشمسيه ونزلو فالبيت

عند عبدالمجيد. بعد صلاه المغرب.
وهو داخل الخيمه وفوق راسه شماغ اسود ومخطط بلون رصاصي
اخخخخ والله اني قامط من البرد
فيصل. اهلاً اهلاً. هاااه عساك خلصت شغلك ترا بكره دوام يالشيخ
عبدالمجيد. ايه ماعليك مخلص اشغالي وبنطق هنا لين باتسر وعقد حواجبه. الا الا ابوي وينه ماشوفه ؟.
فيصل. وهو يناضر بوجاله ويمسس عوارضه. نيم
مجيد. رفع حواجبه. كيف ؟. غريبه شعنده نيم بذالحزه
فيصل. رمى جواله ومددد رجوله. اخخخ والله تعبان شكله وتعشاء مطعم ونام هو ومتعب معه
مجيد. بالله
فيصل. اييه عبدالله وينه فقدته
مجيد. ناضر فوق وضحك فقدته ! خله يروح لهله تراه يحبسنا اهله وضحك طبعاً يمزح
فيصل. ياويلك من ربك طييب الولد
مجيد. يارجل حتى انا فقذته بس شفيك ماينمزح معك انت
فيصل. مدري ياشينه وهو يحسب اهله اهله ترا حنى اهله
عبدالله وهو داخل ومعه محفظه به جريش ومرقه ويغني وهو مروق
عبدالله. بصصياح. ارحبووووووووو
مجيد. اخخ يارسي هذاه جاء عبدالله
عبدالله وقف. بالله عليكم وش جايب
فيصل. وش جايب
عبدالله توقع
فيصل. هو شف من طبخات ميمتك بس وشهو مدري
مجيد. والله مدري وشو بس هاته بندغ
عبدالله. جريش وهبر لحم يافتح النفس
وحط السفره وجلسوا
مجيد. وهو يفرش السفره. ولد وينك ترا فقدناك
عبدالله. جالس مع الاهل
مجيد. ناضر بستهزا. ياشينك حنى اهلك يارخيمه
عبدالله. داري بس هيه اكلوا بسرعه قبل يبرد
فيصل. اخخخ ساخن اصبر يبرد شوين
مجيد. وهو ياخذ ملعقه. يبرد بالبطن سم بالله وسموا وجلسوا يتعشون
وبعد العشاء. اذن العشاء
عبدالله. يالله الصلاه
مجيد. هزل فروته وراح وغسل ورجعوا وصلوا فالخيمه بعد ماخلصوا
انسدح. احخخخ ياراسي والله بينفجر بطني الله يعافيك ياعبدالله
عبدالله. عافيه وهنا
فيصل. يسلم يدينك ياعبود
عبدالله يسلم قلبك ياحبيبي هاه ماودكم نلعب بالوت
مجيد. انا ماداني البالوت وقام. فيصل انت متاكد ابوي نيم
فيصل. يارجال ايه نايم له ساعه
مجيد. تهقاء يجي بعد شوينً
فيصل. ماضنيت لكن ليه
مجيد. ناضر ايه اشوا اجل لا بس وذي اشغل زيقاره واخاف اتورط
عبدالله. قم لشيارتك دخن على كيفك ولد خلنا مبسوطين لا يجي احد يشوفك
مجيد. شغل زيقارته يارجال اربك منك واخوف منك ماشفت
عبدالله. طيب نفرض جاء احد وانت تدخن هنا وش بتسوي وقتها
مجيد. وهو يدخن. بسيطه نقول الهندي كان هنا وتوه ماله دقيقه طالع
عبذالله طيب والزيقاره وين توديها
مجيد. يارجال شدخلك هلاص بوجهي المشكله
عبدالله. اصلاً انا وش دخلني ان شاءللله يجي ابوك ويشوفك بقريح
فيصل. مجيد ياولد لا تنكبنا اذلف برا
مجيد. بصمت يقهر. وانسدح وهو يدخن
فيصل. انا من يوم شفت شماغك هذا وانا عارف انك ابو المصايب اصلاً شدخلني انا احسن عساه يشوفك بعد بس اذلف
مجيد. يسمع ولا مهتم وانسدح ويتصفح جواله