تكفين يا جبال حايل انتبهي عليه 🖇

في الصباح عند رسيل.....
لبست وكشخت وحطت ميكب ناعم وقفت عند التسريحه باطلالتها وابتسمت بنشاط وكتبت صباح المداومين الكيوتين وحددت ستريك لغدي وشافت تحت اسم غدي ( عبدالمجيد. ) ضحكت وحددته مع غدي وارسلت سيتريك لهم وسكرت جوالها وخذت شنطتها وجاكيتها ونزلت
ابو رسيل. هاااه بابا خلصنا ؟
رسيل. بنشاط. ايوووه بابا خلصت
ابو رسيل. يالله يمه بسم الله طلعنا
رسيل. باست راس امها. اشوفك ماما
الام. انتبهوا لطريقكم
ابو رسيل. حاضررررر وطلعوا وتوجهو للجامعه

عند عبدالمجيد ..........
لبس ثوبه الابيض وشماغه الاحمر وجاكيت بلون البني ولبس ساعته كان الجوا في حايل معتدل
وطلع لدوامه
وقف عند الاشاره وصور السيارات وكتب ( صباح اللطف وأنا أعنيها جداً ثم أنوي لكم صباح مختلف ويوم مختلف كونوا بخير)
شاف رسيل. مرسله ستريك ابتسم
ااشوفها في مكتبي احسن وسكر جواله وتوجه لدوامه
رسيل. واول مادخلت الجامعه نزلت عبايتها وتناضر فسناب شافت سنابات مجيد. وسكتت
غدي من بعيد. هااااااااي
رسيل. غدوووووووو وضمو بعض
غدو. يممه ريحه عطرك تهبل
رسيل. زيك ياروحي تهبلين يا احلى صباح
غدي. يالله يالله باقي نص ساعه ع المحاضره خل نتقهوا ونسولف
رسيل. يالله
وجلسوا.
غدي. همم شسالفه الي امس مانسيته
رسيل. اوووف نسيت ياللله باقي ما نسيتي
غدي. مستحيل انسى المهم ايش
رسيل. خذت نضره ع الجميع. اسمعي بقول لك كل شي
غدي همم
رسيل. قالت لغدي كل شي وحتى سواليفها معاه وتعامله معاها
غدي. ايششش؟؟؟؟؟.
رسيل. ميلت فمها. ايوه غدو هذا الي صار
غدي. تستهبلين يابنت
رسيل. لا ابداً صدق ياغدي
غدي. رسول اسمعيني انتي موب طبيعيه تقولين انوه قلتي له مالك اخوان وانتي وحيده اهلك يامريضه ماخفتي على نفسك
رسيل. بهواش غدي شفيك قاعده تلوميني افهميني الولد موب عندنا من ايش بخاف بعدين انا ماكلمته ع طول شفت اسلوبه غدي حتى موب مهتم لوجودي غدي افميني هو مايبي مني شي انا موب غبيه انا فاهمتك يا غدي بس انا وانتي وكل بنت بالحياه شافو شباب يرمون انفسهم ع البنات غدي انا لما ارد ع سناباته ساعتين وثلاثه ياغدو مايرد واذا رد رده عادي زينا انا وانتي
غدي. ضحكت بقهر. وانتي انتي ليش ترسلين له ليش ليش يارسيل ليش
رسيل. بحدها. غدي كلامنا له حدود وانا موب من البنات ال حيالله انا بطبيعتي وهو بعد
غدي. شعرفك هاااه ؟ شعرفك بطبيعته
رسيل. حتى لو موب بطبيعته شعلي منه مع نفسه
غدي. رسيل انتبهي تتورطين
رسيل. مسكت يدها. غدي انا موب هبله موب طفله بعددين ايش ال تتورطين بايش اتورط مابيننا شي زيه زي اي شخص!
غدي. رسيل. اسفه بس خايفه عليك
رسيل ابتسمت. ادري ادري ياغدو قلبي بس تطمني عبدالمجيد غير عن الكل وانا واثقه
غدي. قربت حتى لو غير عن الكل هو بضغطت زر بيختفي من حياتك يارسيل ووايش ذنب قلبك لما يتعود ع شخص وتفقدينه فهمتي قصدي يارسيل قلبك انتبهي عليه موب المقصد الحب يارسيل المقصد التعلق زي ما تتعلقين بصديقتك بزميلتك بابوك امك برضو اذا هو طيب مهاك قلبك وروحك بتتعلق بكره يرسل لك انا بحذف حساباتي وبعتزل البرامج ساعتها ايش ذنبك
رسيل. غدي اقول لك شي ؟
غدي ناضرت ايش
رسيل. سكرت عيونها ومسكت يذ غدي
رسيل. غدي بسالك وجاوبيني بصدق
غدي. ايش
رسيل. تذكري معاي انا قد حسيت بشعور وكذب احساسي
غدي. تفكر
رسيل. بهمس تذكري ياغدي
غدي. هزت راسها ب لااا لا يارسيل ابداً
رسيل ابتسمت. غدو قلبي المثل يقول قلبك هو دليلك وقلبي دليلي خذت نفس معاي احساس كبير جواتي يقول انوه مجيد بيكون موجود بحياتي بالواقع رفعت اكتافه مدري كيف ومتى بس انا قاعده احس بهذا الشعور ياغدي واحساس موب طبيعي
غدي. بقفت عيونها. كيف رسيل هذا شي كله وهم
رسيل. ابداً ابداً موب اوهام اخخخ قاعده احس يا غدي جواتي شي ينبض بهذ الشعور مدزي ليش ومدري كيف بقنعك انو كل ما اشوف سنابه قلبي يقول لي ركزي هذا الشخص قريب لك فوق ما تتخيلين. هو صحيح ماعندي اخوان ولا اعرف الشباب كويس بس مهما كان الواقع قلبي يحس وماقد خاب احساسي
غدي. خذت نفس ما ادري ما ادزي يا رسيل بس فكري بعقلك يمكن هذا الشخص محتال ما تدزين عن طريقه تفكيره ممكن غير عن باقي الشباب بالحيل
رسيل. لا لا ماضنيت
غدي. خلي كل شي في بالك يارسيل وتوقعي كل شي
رسيل. خذت نفس. احسه قريبببببب بالحيل
غدي. اتمنى اتمنى من كل قلبي يارسيل ولا تتورطين
رسيل. لا تخافين كل شي تمام
غدي. اوكيه يالله مابقي الا دقايق ع المحاضره بطلع اعدل الميكب واجيلك
رسيل. اوكي
وقامت وراها وعدلو انفسهم وتوجهو للقاعه
عند عبد المجيد. وصل مكتبه وهو بكامل روقانه وطلب قهوه
وتكى ع الكرسي. وفتح السناب بكامل روقانه خذا نفس وفتح الستريك شاف الي ارسلت له رسيل وثبت الصوره وهو يتامل
الى ماطق الباب احد المراجعين
مجيد. فز. هلاااا وسكر جوالها
ووقع اوراق المراجعين وانشغل
بعدين رجع ورد لرسيل وكتب (. 👏🏻👏🏻بالتوفيق )
رسيل. وصلت له الرساله بنص المحاضره ووده ترد لكن ماتقدر وككملت تركيز مع الدكتورا
مجيد. صور كوب قهوه بين اوراق كثيف وكتب ( 👨‍🦯يازين البر بس والمكشات ) وارسله لرسيل ستريك
رسيل. ماقدرت تنتظر سحبت جوالها وفتحته بدون لا تنتبه الدكتورا.
ابتسمت. وردت عليه (. يمممه يادلوع اي كويس عندك دوام تنشغل به )
وصورت طرف الطاوله مع جزمتها. وكتبت ( الدكتورا مريم تشرخ يارب ما تنتبه لي ). وارسلت له سيتريك
مجيد. وفتح الرساله. ورد عليها (. ههههههههههههههههههه ماندزي مين الدلوع بصراحه)
مجيد. ( احلاااا اخسي اما عاد دكتوره مريم شخبارتس با دكتوره ماودتس بطلعه بر )
رسيل. ماتتت صحك وماسكه نفسها (. تكفى وربي بخاطري اصوره تسوف شكله بس حرام ).
مجيد. (. ليته والله تطردتس من المحاضره )
رسيل. ( حرام عليك ليش )
مجيد. احسن عشان تسولفين لي فاضي ياعرموط )
رسيل. ( ردينا للعرموط )
مجيد. (. زين اسمعي اذلفي وانتبهي لمريم بعدين ارسلي لي لخلصتي )
رسيل.( نضرات غدي شوي وتقتلني الى القاء يا م ج ي د )
مجيدضحك من قلبه. ( انتبهي لنفسك يا رسيل )
رسيل. وصل لها المسج ولا فتحته كانت نضرات غدي توتر
رسيل. ناضرت بغدي وانتبهت لدكتورا.
بعد المحاضره.
رسيل. وهي طالعه بسرعه بتفتح جوالها
غدي وراها وخطواتها تتسارع اكثر. هي هي رسيل.
رسيل. لفت. هااا
غدي. مريضه انتي مريضه
رسيل. ايش فيه ؟
غدي. لا لا احلفي قولي والله
رسيل. غدو شفيك
غدي. بنت من شوي الدكتورا وتشوفيك وانتي مهستره مع ذالمجيد افرضي شافتك ومسحت فيك الارض استهزا
رسيل. اوووه غدو خلصنا بنهايه ماشافتني
غدي. تخسرت ايوه ياروخي هي ما شافتك اليوم لكن بكرا بتشوفك
رسيل. مسكت خدود غدي. يادينوو الزعول. اوعدك اخر مره
غدي. سكتت
رسيل. يمه يمه تجنن البنوته الكيوته احبك يادبدوبه
ومسكت يدها. تعالي تعالي نشوف سناباته
غدي. اوووه وجلسوا
رسيل. شوفي.
غدي. هذا ليكون هو
رسيل. ضحك. ايوه هذا هو امس لما كنا فالمكالمه بس هو ولا حتى دري اني كبشرت صورته المهم معلينا شوفي شكله
غدي. ميلت فمها شوفي من ناحيه الجمال والكشخه احسه ضارب ماهو بزي الشباب الي هنا
رسيل. شفتي كيف طول وقته ثوب ثوب
غدي. ماله دخل بس جد حتى ملامحه بصراحه مدري كيف اشرح لك
رسيل. هممم
غدي. عيونه تدوخ وضحكت بقوه وربي قلته بعفويه
رسيل. ضحكت شوفي الصدق ملامحه عاديه لكن تحسين شخصيتوه غير غير فعلاً تحسينوه حركاته وإيماءت وجهه تدوخ لحضه باقي ماسمعتي صوته ولهجته صدق غريبه لهجته
غدي. كيف
رسيل. غدي ايش هو العرموط
غدي. بصراخ. ايش!؟؟؟؟؟
رسيل. انهارت ضحك. ياربي اخخ مدري ايش معناه وهو دايم يقوله
غدي. كنوه جدي كلامه مررره بحت
رسيل. اوفر
وكملوا سواليف باشيا ثانيه