لُعبة القدر

" الفصل الخامس "(شيء هام)

_" الوجع ليس بسبب الخيبات ولكن لتوقعك بأنهم الافضل "

_دوستويفسكي

كانت هذه المقولة تمثل شعور نادين فهي منذ اسبوع مرّ على صدمتها في "عمر" والتي ادت الى جلوسها في غرفتها بمفردها مثلها كامثل الانسان الآلي بختلاف انها تأكل القليل من الطعام لاسكات معدتها ثم تخلد الى النوم هروباً من الواقع، قطع خلوتها طرق بسيط على باب غرفتها نظرت الى الباب نظرات زائغة بعينين يملأهما الدموع، خرج من حنجرتها صوت متحشرج ضعيف يسمح للطارق بالدخول، دلفت "ملك" الغرفة وهي تنظر نحو شقيقتها بتوتر وحزن عليها قائلة:

_مالك يا نادين قاعدة بقالك اسبوع في الاوضة مش بتخرجي غير قليل اوي من ساعت ما كانت فريدة هنا، ده حتى فريدة مشيت مع جوزها وانتي مخرجتيش وشغلك مش بتروحيه.. ودي مش طبيعتك ! انتِ مش كويسة صح؟.

كانت اجابة اكثر من كونها سؤال طرحته "ملك"، نظرت اليها شقيقتها بحزن ثم نهضت من مكانها و كتفت زراعيها امام صدرها قائلة بنبرة صوت هادئة حملت بين طياتها الوجع:

_وهو من امتى اصلاً بيفرق معاكم إذا كنت مختفية ولا لأ زعلانة ولا لأ بــ..موت حتى.. انتِ بالذات انا مش عيزاكي تسألي عني.

نظرت اليها "ملك" بصدمة من حديثها في حين اكملت "نادين" بدموع تنهمر على وجنتيها مثلها كامثل الشلال الساخن:

_ ما انا طول عمري لوحدي بالاسم احنا خمس بنات بس عمري ما احتاجت لواحدة فيكم.. ولاقيتها جنبي هو انتوا فين او بتعملوا ايه، هو ايه اساساً يخلينا مشغولين عن بعض كدة.. انا تعبانة وبدل ما اروح احكي لاختي لا إذاي اقعد في الاوضة زعلانة عشان مينفعش اروح احكي لواحدة فيهم ايه مزعلني، هو احنا ليه مش قريبين من بعض او مع بعض، هقولك انا ليه عشان احنا اتربينا غلط، عارفة.... انا بغير منك اوي بغيير اوي عارفة ليه؟ .

نظرت اليها "ملك" نظرات مندهشة سرعان ما تحولت للاستفهام، تحدثت "نادين" بسخرية محملة بوجع روحها الذي احترقت من شدة الألم:

_هقولك ليه عشان كل الناس بتحبك كلهم بيقولوا عليكي انتِ المحترمة المتربية البنت البارة بأهلها.. وانا، انا وحشة اوي مش قريبة منكم وبكلمك بطريقة وحشة ومعنديش صحاب عدلة وكل حاجة في حياتي فاشلة... حتى الوحيد اللي حبيته طلع خاين حتى في دي كمان طلع عندك حق قولتيلي انه خاين وهيوجعني وطلع عندك حق هو.. هو انتِ في ايه بتقوليه غلط انتِ ديماً صح يا ملك وده اللي مدايقني.. عارفة انا نفسي اعرف طعم حضن الاخوات ده ايه انا عمري ما جربته، بشوف ديماً صحابي بيتصوروا ويخرجوا مع اخواتهم.. بس بجد انا معرفش يعني ايه اخوات.

كانت تتحدث بقهرٍ من معانتها تلك، انهت حديثها وهي تقوم بإزالة دموعها بقوة، ثم اكملت.