ادمنت جارحي وعشقته

البارت الاول

البدايه
بس الله
الكاتبه نهر الجنه
ادمنت جارحي وعشقته

البدايه القصه حقيقيه ١٠٠بل ١٠٠ منقوله من صديقتي بعد الإلحاح قبلت انشره لانو والله كلش حلوه  ومختلفه

اسمي هو بحر بابا سماني بحر  لانو هو صياد اسماك عندو قارب خشب ويصيد سمج  ويبيع وحالنه مو هل كد بس جنه عايشين براحه وبيت يلمنه  اخوي الجبير  حميد واختي الزغيره  لين  جنه مرتاحين وننتظر بابا أيمتا يرجع نكابلو ونكعد  حميد كبر وشب وستهتر لانو رفك شله سرسريه معروفين بمنطقتنه بابا دك على راسو لحتى مل يريدو ينصلح بس هو راكب راسو وبابا يكوم ويكعد ويكول آخرتي على ايد هل ولد  وما كذب بابا 

بمنطقتنه يعيش شيخ احد العشائر المعروفه قصر وحرس يجي بلعطل هو وعائلته  يقضون العطله هنا بيتنه قريب على القصر مالتهم  جنت كاعده وجلف بلماعين شفت حميد فوك البيت يصوفر 

كمت ومديت راسي من الحايط وعاينت على القصر شفت بنت الشيخ كاعده بلمرجوحه ومفرعه وتمرر بصابعه بشعره ولبسه قصير فستان حد الركبه وهي رافعته وتعاين فوك بيتنه وتتمضحك

اباوع ولن رفعة اصابعه الاثنين واشرت لحميد تعال  وراي وراحت لمشتمل يصير شويه عن القصر  وحميد حط دشداشته بحلكه وطكه ركضه طفر من الحايط وراح وراها  فكيت حلكي وعيوني

شنو هاي وين راح شماله هاذه تسودن شني يايا
عفت الحايط وكمت اطكطك باصابعي من الخوف عفت الحايط وطبيت للبيت واني ارجف بسلا يلزمون حميد ويروح بيه شنو هاي بت الشيخ شكد ساق....  والعتب بت شيخ 
فزيت على صوت امي تريد اساعده رحت لكيته كاضه بطنه  وتفتر بالمطبخ 
عوفي يمه اني اسوي غده
اي يلا يا بنتي راح الوكت وابوج وختج على جيه شعلي الجوله  تا نسوي غده  ليوم تعبانه وحاسه مخنوكه وحس نفسي راح اجيب قبل  سبيعي

ابتسمت  اي يلا عاد فضيه وجيبي تا العبو لأخوي
ونتي شدراج ولد يجوز بنت

بحر بعد احسن حته تصير عندي لعابه امشط شعره  قراله قصص
ابتسمت امي وراحت واني كعدت اسوي بلجوله

لين. يمه يمه وينج  بحره بحور وينج
بحر هاها خبصتينه شبيج
لين ابتسمت اخذت ميه بلجغرافيه

ضحكت عفيه بلسباعيه هسه يجي ابوي وخذي منه ربع اشتري حاجه روحي غيري ملابسج نتغدا  من يجي ابوي  طب حميد  وهو يدندن  كفخ لين على راسه
اني كم مره كتلج تحجبي مو صرتي بكد الهايشه ونتي بلا حجاي
لين اوي منيلي كلو عمري ١١ سنوات بعدين يخنكني الحجاب واني ما احبه

لزمه من ركبته وخنكه يخنكج مو لا تخليني اخنكج ودفنج ادبسزز تره حتى مدرسه اكعدج منه

عفيه ببني النجر عفيه بالذيب هاي اني بعدني عايش ونته محارب اخواتك من اموت شنو تسوي شيل اديك عن اختك لا اكسره ساقط تف عليك وعليه بيوم خلفت واحد ساقط مثلك

فززنه صوت بابا ولين راحت لحضن ابوي تبجي وتكح ابوي وخره وكض حميد وخنكه وطردنه
سمعت اصياح ابوي الضاهر شاف حميد من اجه من قصر الشيخ وحميد يصيح هي صاحتني  ودفع ابوي وطلع وهو يشتم ويصيح
ابوي تفل وراه روحه بلا رده

ام حميد ليش هيج ويا جان سألته بينك وبينه ليش هيج رزاق ابنه راح يضيع من ادينه
وج يا يضيع هو ضايع وسايع لا تجيبيني اسمه ومشي من وجهي صبيلي سم

بحر طلعت  رحت اصب غده صبينه وكعدنه  وساكتين كسرا هل سكوت ولين حجت
بابا اخذت ١٠٠ بجغرافيه والخميس يكلرموني وي الشطار

ابتسم بابا وسحبه باسه من راسه عفيه بنيتي الشطوره
ابتسمت لين وهي تباوع على جيب ابوي وتحرك بحواجبه ضحك ابوي من كل كلبه وطلع الف من جيبه انطاه

واني ابتسمت  انطاني هم الف فرحنه  ورحنه نركض نضمهن بلكي يجي ابو الموطه ونشتري موطه
مرت فتره وحميد استمر يروح لبنت الشيخ 
وابوي وامي يلطمون على راسهم
لحد ما مشو بيت الشيخ للمدينه من بعد ما خلصو اسبوع هنا وبليل نسمع صوت ضحكهم وريحت المشاوي ونار يشعلون احب اباووع عليهم من نصعد فوك البيت نام لانو صيف والبيت حار ننصب كله ونام  كلنه فوك البيت  مرت فتره وجت عطلت اخير السنه  ولين نجحت  وحميد كلب الدنيا يريد ييطله لين حلوه وجسم اكبر من عمره وعيونه كبار عسليه وبيضه ما تشبهني اني حنطاويه عيون كبار مدوره رصاصيات بذاك الوكت  حميد بطلني من صف الخامس هم سمع جماعته يتغزلون بيه وبطلني وهسه هم متغزلين  بلين وهو طب يرعد يريد يبطله  وابوي لزمه موته كتل وطرده من البيت وكاله لين تكمل وحط قندره على راسك أريده تصير دكتوره بت ابوه  وحميد راح

امي كامت تبجي ما ترضه على حميد عود هو عوده البجر وابنه الوحيد 

اجو بيت الشيخ يكضون العطله هنا وعساهم لا اجو
حميد ما رد للبيت مكضيه وي بت الشيخ بلمشتمل  لبصف القصر وهاي البت لا تخاف ولا تستحي  صار شهر وبيت الشيخ بعدهم وامي كاضه كلبه بيده وابوي  محتار وكاتلهم الخوف لا يلزمون حميد  وكتلونه

  وهيج مشه الشهر  فرشنه اجينه انام  ولين فوك البيت تحسب بالنجوم تتملعب اصيح بيه تا تطب الجو بارد ونزل علينه الشته امي كاضه بطنه وتفتر  وابوي يدفه على الجمريه الشاعله  واني افرش الي ولين وما نهيس لان ثارن الجيلات  كلنه طفرنه وامي تصيح حميد يمه وج بحره شوفي اختج لا تجيه جيله تايهه 

إلى هنا ينتهي البارت لأول من قصتي الثالثه  اتمنا دعمكم بالتصويت واراءكم تعليقاتكم مشاركه القصه. لا تحكمو من  الاول القصه غريبه وخلتني اصفن  من حجتلي صاحبت القصه...انتظروني بلبارت القادم
دمتم بخير 🌺🌺🌺