قبل كل شي حابه اقول اني بطول البارتات واصير انزل واحد او اثنين باليوم بدال ما انزل ثلاثه ويلا ما اطول عليكم
...............................................................
سياف فك نوره :يلا انقلعي طفشت منك
نوره :ابشر ي روحي
نوره بينها وبين نفسها مستانسه لانها بتشوف فارس وهي طالعه شافت فارس عطته نضره غريبة بالنسبة
لفارس ،،فارس لما شافها طلعت قال:وانا احبك وعلى مجدك وقعت ،،شاف سيارتها تتحرك ودخل جوا عند سياف ،سياف:اهلاً اشتقت لك
فارس :ههههههههه مو لله بعدين شعندك الضحكة شاقه وجهك
سياف :ايه اوخيتي جايه ماتبيني افرح!
فارس:علينا اقول قول وش السبب؟
سياف:الصدق خلاص اختي انخطبت
"هو قال كذا لان فارس يكون اخو نوال ولا يقدر يقول له "
فارس :صدق!لالا مو من جدك
وطلع برا الغرفه وهو شويات ويبكي من القهر كيف كذا بعد ماحبها تنخطب طلع برا المستشفى وهو معصب ودق على نواف يجي عند سياف بالمستشفى
راح فارس للمزرعه وهو متضايق راح عند خيله
الي اسمه(غيم) وقال له :ياغيم انا مجروح من الزمان
قبل الضروف كيف بيطيب جرحي وحبي مو عندي؟"
ثم جلس يفكر بنوره وتصرفاتها الي تجذبه
(نروح لبيت الجد فهد ) :
ابو فارس (محسن):ترا اعطيت الرجال خبر ان البنت موافقه والملكه بعد ٣ايام وبلا تكلف راح يوقعون وخلاص
نوال:بس يبه ثلاث ايام ماتكفي اشتري فستان واحتفل مع صاحباتي وش ذا مافيه وقت ابداً
ابو فارس(محسن):وش احتفاله وش بطيخ الفستان بكرة تشترينه وينتهي الموضوع الاحتفال خلوه قبل الزواج بفترة
نوال بقهر:طيب،بس فيه شوفه؟
ابو فارس (محسن):اجل!كيف تبينه يلبسك الخاتم بلتوث يعني؟
نوال:يعني فيه!؟
ابو فارس (محسن):يا رب صبرك على غباء هالبنت
ايه فيه فهمتي ولا اعيد؟
نوال:فهمت فهمت، يلا عن اذنكم
ابو فارس(محسن):اذنك معك
مشعل :اذنك ولا عينيك 😂
ابو فارس(محسن):قم قم الحقها انت ووجهك لخمسه ان ما انقلعت عن وجهي بكسر العصى على ظهرك
مشعل تخبى وراء ظهر الجد فهد وقال:انا بوجهك ياجد
الجد فهد بضحك:ابشربي
مشعل قعد يرقص ورا جده ويقهر ابوه
ابو فارس (محسن):طيب ي مشعل انا اوريك
...............................................................
نروح عند نواف وسياف بالمستشفى
سياف :اخخخخخ نوافي اشتقت لك
نواف:احس ان وراك كارثه قول شعندك بسرعه
سياف :تخيللل نوره بدبر لي موعد غرامي
نواف :وش ؟ومع من؟يعني انت ماتحب نوال!!ياكلب وانا شايل همك طلعت كذاب !!
سياف (ومزاجه عااالي ):اوب اوب اهدى يابيبي هدوء
ريلاكس خذ نفس عميق
نواف:انطق خلصني
سياف :احبها واموت فيهااا ونوره بدبر لي موعد معها
نواف بصدمة: من جدك انت واختك مو صاحين!!بصلي عليكم واعلمكم من الله حق
سياف :لا تكفى بشوفها وهي متغطيه ونوره بتكون معنا
نواف:ياويلك لو تتهور او تروح يمين او يسار ونوره تكون معكم مفهوم؟
سياف:حاضر .....احبك نوافي
نواف :الحمد لله والشكر مريض
سياف :ايه والله مريض بحبك
نواف:استغفر الله صدق مريض
...............................................................
