بعدما دخلت مشاعل لعزاء ام مشعل(فهده) مشعل : عظم الله اجرك ,واحسن الله عزاك
فهده تبكي ومو قادره ترد
مشاعل : تعالي ي روحي انتي تعالي
مشاعل اخذت ام مشعل لجواء الغرفه وقعدت تطبطب عليها وتهديها وتقول لها ان هذا قضاء وقدر
<تسريع للاحداث>
بعد وقت تعرفت ام مشعل على مشاعل الي صارت زي اختها وماكانهم زوجات محسن بالعكس كانهم خوات من ام واب واحد وطبعًا مشاعل كانت محتويه فهده وكانت طيبه بالحيل معها وكانت فعلا زي اختها
والحمد لله بعد مرور الوقت قدرت فهده تسيطر على نفسها وتقوى وتتصدق عن فارس كل ما اشتاقت له وكان هذا أوامر مشاعل
وطبعًا مشعل منهار وصار معه اكتئاب حاد لدرجه انه فكر ينتحر اكثر من مره بس الحمد لله كان سعد ونواف ينقذونه
اما سعد يحاول يصير قوي عشان الكل ولكن بالحقيقة هو اخر الليل ينهار لوحده وكان طلال العون والسند له ويحاول يخفف عنه
نواف الي انهياره كل يوم يزود و مايلقى احد يطبطب عليه الا تنوف واخوها
طلال يحاول يهدي الكل وهو منهار من كل الجهات وخص ان امه تعبانة
نوال الي منهارة وجداً على اخوها والي كان اقرب لها من روحها الي كان بالنسبه لها كل شي الي تعبت من لما مات
الجد فهد كان يحس ان يومه قرب وقرر يجمع العائلة كلها بعد ما اجتمعو عنده بالغرفه وكلهم يكسوهم السواد وكان العزاء ما انتهى
الجد فهد : ما جمعتكم اليوم الا وانا عندي شي لازم أقوله لكم اولاً ما ابيكم تكثرون حزن ولا ابيكم تزعلون واجد وترا هالدرب كلنا ماشين فيه لا تصيرون جاهلين وتقضون حياتكم بدموعكم وانا حاس ان يومي قريب وصيتي لكم هي ان زواج تنوف ونواف يتم وبنفس اليوم يتزوج مشعل من تهاني صديقة نوال والزواج يكون بدايه الشهر الجاي يعني بداية رمضان ولا اسمع جدال بهالموضوع حنا الحين على نهايه الشهر يعني تقريباً بعد كم أسبوع زواجكم روحو جهزو له والمهم ما يتم الزواج الا من 6 يوم دفن لي
طبعاً فيه معاراضات كبيره من جهة نواف ومشعل كيف يتم الزواج وقبر فارس ماجف ترابه ؟
بس بعد ماتفرقو وطلعو من الغرفه وكلهم يتحلطمون على هالقواعد والاوامر الي جتهم ومهم قادرين يقولون شي
نطق الجد فهد الشهاده وتوفاه الله
****بعد مرور نصف ساعه *****
فهده : نوال ودي الغداء لجدك بسرعه
نوال : طيب
توجهت نوال للجد فهد وليتها ماتوجهت له
نوال بصراخ : يمه يبه ي مشعل ي فارس الحقو الحقو جدي جدي
جو كلهم ركض يوم سمعو صوتها ومستغربين من منظر نوال الي تبكي وترتجف بالزاويه والاكل مكبوب بالأرض والدنيا فوضى
سعد : يبه يبه لا لاتموت لا تكفى
نواف : محسننننن مات ي محسن ماتت لحق فارس راح راح
<تسريع للاحداث>| بعد ماتم الصلاه على الجد فهد وبدو يطبقون وصيته لا بعد 3 أيام زواجهم وهم صدق ماودهم يتزوجون ولكن هذي وصيه ولازم الكل يمشي عليها
بعد ماتم التجهيز بشكل بسيط وتم خطبت وملكه تهاني ومشعل وقررو ان الزواج يكون عائلي ومختصر
*********************************************************************************
في جهة أخرى بعد تحقيق الشرطه بموضوع موت فارس عرفو ان الحادث مدبر من خالد لان اخر مكالمه كانت منه وبصمات يده على السياره يعني خالد عليه اكثر من قضيه والحين هو مجبور يطلق نوره لان نوره طلبت الطلاق وهي الحين في مجرى التحقيق عشان يتاكدون ان مالها يد في مشاكل خالد وسياف جالس معها وهو صدق تعبان من موت اخوه وصديقه من 2 ابتدئي والي تربو سوى على يد محسن والجد فهد
**********************************************************************
بينزل بارت يوم الخميس ويمكن يكون النهاية
