في يوم جميل وممطر كانو ابطالي مُتواجدين
خلونا نروح عند نواف وسياف
سياف :ياولد انا بخير والاجواء تهبل وامطار طلعني من المستشفى
نواف :ما لك اسبوع بالمستشفى تبي تطلع صاحي انت؟
سياف :طلبتك قول لهم يطلعوني
نواف :طيب
نواف راح لدكتور يساله اذا عادي يطلع او لا
الدكتور كتب لهم اذن خروج بس لازم ينتبهون على سياف ولازم ياكل علاجه كل يوم
نواف بتمثيل الحزن:للاسف بتجلس هُنا لمدة اسبوع
سياف :كل تبن ما فيني شي بس يدي مكسوره وشويه
خدوش طلعني لو نهرب ماعندي مشكله بس ابي اطلع
نواف :امزح معك تقدر تطلع الان ،،بس انت اندفعت بسرعه
سياف :طفشت من المستشفى وريحته
نواف :يلا بضف اغراضك ونطلع
سياف :قدااام
...............................................................
عند فارس
قام من النوم وهو مروق طلع من غرفته وشاف الاجواء مطر راح عند الشباك ويشوف المطر ولف نظره على بيت سياف وشاف وحده بشعرها الطويل ترقص تحت المطر قعد يتاملها وكيف تلعب مثل الاطفال وكيف هي حلوه ارسل لها بحساب مجهول "ياجمالش ويا المطر "
هي كانت ترقص تحت المطر ولا انتبهت للجوال
وهو كان يتاملها بعدين تذكر انها مو ملكه وحرام يشوفها وصد على طول ((بطلنا عنده استيعاب بطىء))
...............................................................
عند نواف راح هو وسياف للسطبل
نواف شاف تنوف تشرب قهوة وتتامل الخيول
راح لها وقال (مساش الله بالخير )
تنوف:مساء الله بالرضاء
نواف :اخبارش
تنوف:بخير ،كيفك انت؟
نواف :الحمد لله بخير
تنوف :دوم ي رب ،،شفيك امس ما جيت خفت عليك
نواف :والله كنت مرافق مع خويي بالمستشفى وقبل شوي طلع
تنوف فزت قالت وينه معك الحين ؟
نواف بغيره:ايه معي بس وش تبين فيه؟
تنوف :بتطمن عليه
وراحت عند سياف
تنوف:السلام عليكم
سياف :وعليكم السلام
تنوف :كيفك؟
سياف :بخير
تنوف :الحمد لله على السلامه
سياف :يسلمك
نواف كان يناظرهم من بعيد بقهر
...............................................................
عند نوال
راحت هي وفارس يختارون فستان لها
فارس:نوال متاكده من اختيارك؟
نوال :ب وش ؟
فارس :موافقه على العريس ؟
نوال ببتسامه:ايه
فارس :اجل الله يوفقش
...............................................................
عند المطار الدولي وصل افضل انسان
وصل سعد (اخو نواف و محسن الصغير)
✨فلاش باك✨
في المطار الدولي
محسن:الله معك وانتبه لنفسك وذاكر زين
سعد :لاتوصي حريص بكمل دراستي واجي على السريع
محسن :الله معك طمني اذا وصلت
سعد :على خشمي
نواف:بشتاق لك ياكلب
سعد :تعال بضمك
نواف: انتبه لنفسك
سعد :ابشر
انتهى الفلاش باك✨
وصل سعد للمملكه العربيه السعوديه وهو مرههه مشتاق لااهله دق على طلال وقال له :يا ولد تراني وصلت
طلال :هلابك يلا يلا جاي
سعد :بانتضارك يالحُب
طلال بضحك:باي
وقفل الخط سعد اشترى قهوة وجلس ينتظره
...............................................................
نسوي لكم تعريف بشخصياتهم وطبيعه حياتهم لاننا بنتعمق بالقصه
سعد :انسان هادي ومؤدب وذكي بس مع الشله الي هم
طلال ونواف و و مشعل و فارس و سياف يتغابى
ويحارشهم ويجيب لهم المشاكل والمصايب لانه يفرح اذا شافهم متنرفزين او معصبين عمره(٢٠)
طلال :انسان يحب الرقص بكل مكان يرقص (عمره(٢١)
فارس :انسان عاقل وهادى ومعروف برجولته وكلمته مسموعه عند الكل عمره(٢٠)
مشعل :انسان حق مصايب ما يعرف يشتغل بس يعرف يفحط ويجيب العيد عمره(٢٨)
نواف:انسان قلبه ابيض ويدخل القلب +هو وسعد ومشعل حقين مصايب عمره(٣٠)
ننهي هُنا ....✨
