عند الناس اجتمعو على مكان الحادث واتصلو على الاسعاف
.........................٠٠.............٠٠..............:
عند نوال كانت جالسه على جوالها فجاة دق عليها
فارس نوال ردت وهي مستغربه ان فارس لسى مارجع للبيت وليه تو يدق؟ ردت عليه
نوال:الو
الرجل :السلام عليكم
نوال باستغراب ليه مو اخوها الي يكلمها:وعليكم السلام
الرجل:الرقم هاذا حق الرجل الي تو صاير له حادث ونقله الاسعاف لمستشفى الملك****** وهذا اخر رقم اتصل عليه ياريت لو تعرفين اهله تقولين لهم
نوال بخوف وبكي :طيب يعطيك العافيه
الرجل :يعافيك
عند نوال راحت ركض تقول لمشعل مشعل بخوف لبس ثوبه بسرعه واخذ مفاتيحه واتجه الى المستشفى وهو يدعي ان حالة فارس بسيطه
عند نوال كانت بس تبكي وتدري لفارس لان هو اقرب واحد لها وهو الي يشاركها تفاصيل يومه وهو اقرب واحد لها بالعمر
.........................٠٠.............٠٠..............:
عند مشعل وصل للمستشفى وقالو له ان فارس بالعمليات ويحتاج دم لانه فقد دم كثيررر خلال الحادث والعمليه بس للاسف فصيلة دم مشعل مو مثل فصيلة دم
فارس مشعل راح ودق على العيال وقال لهم كل شي وانهم يحتاجون دم باسرع وقت
.........................٠٠.............٠٠..............:
عند العيال جو كلهم وهم خايفين على فارس ويدعون له
طبعًا الي تبرع له سياف وسعد لانهم نفس فصيلة دم
فارس بعد مدة زمنيه طلع الدكتور وقال لهم:الحمد لله المريض تعدى مرحله الخطر والحين بندخله العناية المركزه عشان نراقب حالته دعواتكم له
كلهم بصوت واحد مع اختلاف الردود (الحمد لله_الحمد لله والشكر_الله يقومه بالسلامه)
مشعل:يادكتور متى يصحى؟
الدكتور:دعواتكم له الصدمه كانت اغلبها على راسه يمكن يدخل غيبوبه ويمكن يفقد الذاكره لاسمح الله
مشعل :الله لايقول ،تمام يعطيك العافية
الدكتور:الله يعافيك
.........................٠٠.............٠٠..............:
عند نوال كانت تدق على مشعل ولا يرد ودقت على سياف ورد
نوال ببكى:تكفى قول شخباره وكيفه؟
سياف:الحمد لله هو بخير وتو طلع من العمليات انتِ اهدي ولا تبكين ياعيني ودعواتك له
نوال ببكى زياده:متاكد انه بخير ما ابيه يروح
سياف :وربي هو بخير نامي ياعيوني واهدي وان شاء الله بيقوم وهو بصحه وعافيه
نوال:الله يسعدك خلك عنده تكفى اذا صار شي جديد قول لي
سياف:من عيوني يلا يا امي انتِ روحي ارتاحي
نوال:ابشر
سياف :تبشرين بالجنه ،تبين شي ياروحي؟
نوال :سلامتك وسلامة فارس
سياف :مع السلامه
نوال:الله معك
.........................٠٠.............٠٠..............:
عند نواف كان خايف على فارس صدق وكان بس يدعي له لان فارس بالنسبه لهم اخو هو الي كان يضحكهم ويسعدهم وينشر لهم التفاؤل وإذا صار لهم
مشاكل يقوم معهم ويساعده يعني فارس بالنسبه لهم شي كبيررر❤️🔥
.........................٠٠.............٠٠..............:
دعواتكم لفارس 🌚🌚
.........................٠٠.............٠٠..............:
عند نوره كانت تدعي ان ربي يتمم لها على خير
وكانت تشوف وتدور فساتين وكوشات حلوة عشان زواجها وكانت مرهه متحمسه وكانت تجهز افكار تسريحات لشعر وطرق مكياج حلوه عشان الشوفه الشرعيه
.........................٠٠.............٠٠..............:
عند تنوف كانت شايلة هم نواف لانها تدق عليه من نص ساعه ولا يرد وهو قايل لها مابينام الا الفجر يعني بيسهر
تنوف :معقوله نام بالغلط !
خليني اروح انام بس هالكلب سحب علي
.........................٠٠.............٠٠..............:
تعالو نوصف شعور ابطالي🔥
.........................٠٠.............٠٠..............:
عند سعد كان صدق يدعي لفارس من كل قلبه وكان معصب على العيال ليه ماقالو لفارس ان نورة بتتزوج!
وليه يبغون يكسرون قلبه !
.........................٠٠.............٠٠..............:
عند سياف كان ندمان ويحس بالذنب لانه هو ماقدر يخرب ملكة نوره وفارس سوا المستحيل عشان يخرب ملكة نوال لعيون سياف كان صدق ندمان ومايدري وش يسوي
.........................٠٠.............٠٠..............:
عند طلال كان خايف على فارس وكان ندمان انه مامنعه من السواقه وكان يدعي له من كل قلبه
.........................٠٠.............٠٠..............:
عند مشعل كان يفكر لو راح فارس وهو زعلان عليه
وش ممكن يسوي وكانت عيونه كلها دموع ما كان يقوى انه يزعل احد من اخوانه واليوم قوى يكسر قلب فارس الي كان دائم يدعمه ويعزز له حتى على اتفه الاشياء
.........................٠٠.............٠٠..............:
سياف :ياعيال روحو وانا ببقى عنده
نواف:لا انتو روحو انا ببقى عنده
سعد :على كيفك انت وياه تقلعو انا ببقى عنده مو كفاية انكم ماعلمتوه!
طلال :اهدو ياعيال خلاص انا وسعد بنبقى عنده
سعد :حتى انت روح ارتاح
طلال:مابرتاح وقطعه من قلبي بالمستشفى
مشعل :خلصتو؟انا الي ببقى عنده انا اخوه الكبير وضروري ابقى عنده
سعد باستهزاء:اخوه الكبير؟الي بغى يكسر قلبه؟عجيب امرك تسمي نفسك اخو بعد ما كسرته؟ صدق رجااااال
مشعل :ترا محترمك لانك عمي
سعد :لا لاتحترمني (بصراخ)تقلعو كلكم لا اشوف احد انا وطلال هنا وانتهى الموضوع وان صار شي عطيناكم خبر
نواف :بس
سعد بعصبيه :لا بس ولا غيره روحو لبيوتكم ارتاحو وانا وطلال عنده لاني ما اتوقع يبي يشوف وجيهكم بعد الي سويتوه
نواف :يلا يا عيال
اتجهو كلهم لبيوتهم وهم خايفين على فارس ❤️🔥
❤️🔥❤️🔥
