اللهم صل وسلم وبارك على سيدنا محمد وعلى آله وصحبه أجمعين ♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️
-----------------------------------------------------------
'' حسيت بنار قايدة في قلبي ..''
= خالد : ماحاولتش تكلمها أو تعترفلها بحُبك ؟
- مروان : لأ طبعاً
= خالد : ليه
- مروان : عشان حرام ، مش عايز ألوّث حبي ليها بفعل ممكن يدمرنا
'' وهنا تدخّل زياد وقال ..''
- زياد : يعني أي واحد بيحب واحدة وبيكلمها كدة يبقي بيلوّث حبهم ؟
= مروان : طبعاً
- زياد : إزاي ؟
= مروان : ربنا سبحانه وتعالي قالك لما تحب واحدة إدخل من البيت علي طول قدام الناس ، حددلك تمشي إزاي لما تكون بتحب حد فالما تبقي بتخالف الشروط دي يبقي حرام ..العلاقات اللي بتبقي بدون رباط شرعي بتبقي مُهلكة وإستنزاف للمشاعر علي الفاضي ، وأنا مش عارف ليه ممكن ناس تعمل في نفسها كدة ، ثم مين قالك إنك هتتجوزها في الآخر ؟ مايمكن أهلها مايوافقوش ، أو أهلك إنت ..يمكن بعد ماوعدتها وهي وعدتك تخلوا ببعض ، طب وكان ليه من الأول ، مش يمكن لو كنت خبيت مشاعرك من الاول وماكلمتهاش كنت تحس بعدها بفترة إن المشاعر دي مش حقيقية وتنساها ، أو وجعها يبقي قليل لما تروح مثلاً لأهلها ويرفضوك ، علي الأقل ماتبقاش شوفت منها الحلو اللي يخليك متعلق بيها ، ولا هي كمان تكون خدت منك وعد معيشها علي أمل اللُقا
= خالد : طب مافيه علاقات كتير بتنجح بالطريقة دي
- مروان : حكمت عليها إزاي بالنجاح ؟
= خالد : إنهم بيتجوزا ، فيه علاقات كتير زي دي بتكمل للجواز
- مروان : مش كل الجوازات ناجحة حتي لو مكملة ، أنا من رأيي إنها علاقات ربنا مش مبارك فيها وطبيعي مش هيبقي مبارك في البيت ، معني إني أعمل ذنب وأكلم واحدة مش من حقي وآتي البيوت من ظهورها وأقعد أكلمها وأحب فيها بكلام مش مُحلل لينا في الوقت دا وغيره وغيره ..يبقي إيه الحاجة الصح في الموضوع عشان يبقي ربنا مبارك فيها ، إنت ماتعرفش شكل بيتهم من جوا بيبقي عامل إزاي ، ماتنخدعش دايماً بالصورة الظاهرية ..وزي مافيه علاقات قليلة بتنجح لحد ماتوصل للجواز علي رأيك ، فيه علاقات أكتر بتفشل ، وبعدين أبقي إزاي بحبها وماحافظش عليها حتي من نفسي ؟
'' دخل هو وزياد مع بعض في دوامة أسئلة ، حسيت إن زياد إتشد ليه وإقتنع بكلامه ، وبعدها قام زياد وسابنا ومسك تليفونه وكان بيكلم حد ، إتأخر علينا ، عشان كدة روحت أناديه ، سمعته وهو بيتكلم ، كان بيكلم إسراء ..''
- زياد : إنتِ عارفة إني بحبك من وأنا عيّل وماشوفتش غيرك طول عمري ، عشان كدة يوم ماكتشفت إن اللي إحنا بنعمله دا غلط قررت أكلمك فيه ونبطله سوا ، أنا عايز أحافظ عليكي من نفسي ..وأحاول أبعد عشان في الآخر ألاقيكي وأتمني تساعديني في دا ، وإوعي أبداً تفتكري إني بتخلي عنك ..أنا عمري ماهسيبك ، وهاجي إن شاء الله وهتقدملك ..معرفش إمتي بالظبط بس اللي عارفه إني هاجي ، إنتِ بس إستنيني
أنت تقرأ
رساله الى" صاحب عمري! "♥️
Teen Fictionالصاحب هوه من أهم الاختيارات في حياتنا ،نحن البشر لا نقدر على العيش بمفردنا نشعر بل ملل في جميع الأوقات إن لم يكن لدينا صاحب أو صديق أو زميل ، وهناك حكمه ورثتها عن جدتي وهي : (اختار الصديق قبل الطريق ). استنتجت وقتها أنه لمن المهم تواجده فهوه لنا ش...
