اللهم صل وسلم وبارك على سيدنا محمد وعلى آله وصحبه أجمعين ♥️♥️♥️♥️♥️🥰🥰🥰🥰🥰🥰♥️♥️♥️♥️♥️♥️♥️♥️♥️🥰🥰🥰
_____________________________________
= خالد بصدمة : هو شرب العصير ؟
- زياد : شِربه ، الله يخربيتك إنت قولت إنك مش هتحط غير شوية بس
'' إزاي ماخدتش بالي ؟ ..إزاي ماكبتش العصير ؟ ، إزاي سيبته في المطبخ لوحده وكوباية العصير قدامه ؟ ، حريت عليه ومسكت دماغه ..''
= خالد : مروان هتبقي كويس ، هتبقي كويس إتطمن
'' بصيتلهم وقولتلهم ..''
= خالد بغضب : حد فيكوا ينزل يشوف دكتور ولا أي حاجة ، وكلموا حد من أهله ..بسرعة !
'' نزلوا كلهم وزياد أخد تليفون مروان عشان يكلم حد من أهله ، بصيت لكوباية العصير اللي شربها ، وبصيتله وهو بيتلوي من الوجع ..حسيت بخنجر في قلبي ، مسكت إيدي وبوستها ووطيت علي راسه أبوسها وقولتله والدموع في عنيا ..''
= خالد بدموع : أنا آسف ، والله ماكنت عايز أعمل كدة ..معرفش إزاي ماكبتش العصير ، سامحني يامروان ..والله ماكنت عايز أأذيك
'' كان بيتلوي وصوت نحيبه عِلي ، خلاني أعيط بصوت وأخدته في حضني وقولتله ..''
= خالد ببكاء : هتبقي كويس صدقني ، هتبقي كويس وهتعيش ..هتعيش عشان سارة ، عشان هي ماينفعش تبقي مع حد تاني غيرك ، هتعيش عشان أحمد ..إنت لو مُت أحمد مش هيبص في وشي تاني ، إنت عنده كل حاجة وأغلي من أي حد ، هتعيش عشاني ..عشان أنا إكتشفت إن أنا كمان بحبك ، بحبك جداً يامروان والله
'' فجأة صوته وِقف ، إتخضيت جداً بعدته عني لقيته لسة بيتنفس ..بس بيتنفش ببطئ ، دا طلوع روح دا ولا إيه ..عيطت أكتر ومسكت إيده ..''
= خالد ببكاء : ماتروحش يامروان أرجوك عشان خاطري ..أرجوك ، طب إنت مسامحني ؟ ، أنا والله ماكنتش عايز دا يحصلك والله ماكنت عايز دا يحصل
'' مسامحك ..قريتها علي شفايفه من غير ماسمع صوتها ، زي ماقريت الشهادة علي شفايفه وبعد كدة غمض عنيه ومات ! ، حضنته تاني وأنا الندم بيدبحني ! ..حسيت قد إيه كنت بحبه وأنا مش عارف ، فضلت كدة لحد ماصحابي جم ومعاهم دكتور ، أول ماشافه قال إنه مات وعِرف إنه كان متعاطي حاجة ..شوية وجت مامة مروان وأول ماشافته جريت عليه وحضنته وقعدت تعيط ، كانت مفاجأة وحشة أوي إنها تيجي تلاقي إبنها اللي مالهاش غيره في الدنيا ميت ! ، شوية وجه أحمد ، أول ماشاف المنظر دا إتصدم وبصلي ، هزيت راسي له بلأ ، عايز أقوله إني ماعملتش كدة ، كلنا كنا بنعيط إلا أحمد اللي كان واقف عند الباب ومصدوم ..''
- الدكتور : إبن حضرتك مات بجرعة مخدر زيادة
= والدة مروان بصدمة : إيه ، بس أنا إبني مابيتعاطاش حاجة
'' بصلي أحمد وقتها وفي عنيه شر وكره ليا ..''
- كريم ببكاء وخوف : إحنا ماحدش فينا بيتعاطي حاجة ..وهو كمان ماشربش حاجة قدامنا
- الدكتور : معرفش يمكن تعاطاها قبل مايجيلكوا ، عموماً أنا لازم أبلغ البوليس
'' إتصدمنا كلنا حتي مامته وقالتله ..''
- والدة مروان : إيه بوليس ؟ لا أرجوك مش عايزين فضايح ..أرجوك إستر علي إبني ، أنا إبني دا مافيش زيه ومابيفوتش صلاة إلا وبيصليها في الجامع وصحابه دول يشهدوا ..وأنا واثقة إن فيه حاجة غلط وهو ماتعاطاش حاجة
- الدكتور : مادام حضرتك واثقة من كدة يبقي خلينا نبلغ البوليس عشان نعرف إيه اللي حصل
- والدة مروان ببكاء : اللي حصل إنه مش هيرجع وإنه خلاص مات ، أرجوك يادكتور بلاش تبلغ البوليس
'' قعدت تتحايل عليه لحد ماوافق ومشي ، كلمنا أهالينا إحنا كمان وجم عشان المصيبة دي ، وعرفوا إنه مات بجرعة مخدر بس ماحدش عارف هو أخدها إزاي ..
ماروحت جنازته ، كنت مكسوف جداً ..كنت حاسس إني عامل زي اللي قتل القتيل ومِشي في جنازته ، ماكنتش قادر أشوفه في النعش ..
ومن اليوم دا وأنا وأصحابي بِعدنا ، بقينا نتقابل صدفة ونسلم علي بعض ونمشي ، موقف يجمعنا ومواقف لأ ..إلا أحمد اللي تقريباً ماحدش شافه من اليوم دا ..''
'' بعد ماخلصت اللي عندي واللي قولته كنت بعيط ، بصيتلهم لقيتهم هما كمان بيعيطوا ..''
= خالد ببكاء : والله ماكنت عايز كل دا يحصل
'' بصيت لأحمد وقولتله ..''
= ببكاء : أنا لما قولتلك إني مش هديله العصير ماكنتش بكدب
'' ماكنتش عارف أقول إيه تاني يخليهم يصدقوا ، أو هما صدقوا ولا لأ ، قعدت علي أقرب كرسي وكنت بعيط ، أنا بقيت شخص كويس دلوقتي والله ، كل حاجة كنت بعملها غلط توبت عنها وندمت ، أنا مش خالد بتاع زمان ، قومت وقفت ومسحت دموعي وقولتلهم ..''
= خالد : كدة أنا قولت كل اللي عندي عايزين تصدقوا صدقوا ولو مش عايزين إنتوا حُرين ، ربنا شاهد وعارف اللي حصل ..ولو أنا شخص مش كويس فانتوا كلكوا بلا إستثناء ماتفرقوش عني حاجة ، ماحدش فيكوا ملاك ، إحنا أي حاجة كنا بنعملها زمان كنا كلنا بنعملها سوا ..كلنا وحشين ، ماحدش فينا بجناحين
'' وسيبتهم ومشيت ، ركبت عربيتي وبقيت بتمشي في الشوارع وأنا بفكر في كل اللي إتقال فوق ، وفي مروان ..
لحد مالقيت سارة بتكلمني ، قالتلي إنها في مكان ومش لاقية مواصلات وعايزاني آجي أخدها ، روحتلها وركبت جمبي أول ماشافتني إتصدمت ..''
- إنت كنت بتعيط ؟
= ...
_____________________________________
#يتبع...
أنت تقرأ
رساله الى" صاحب عمري! "♥️
Novela Juvenilالصاحب هوه من أهم الاختيارات في حياتنا ،نحن البشر لا نقدر على العيش بمفردنا نشعر بل ملل في جميع الأوقات إن لم يكن لدينا صاحب أو صديق أو زميل ، وهناك حكمه ورثتها عن جدتي وهي : (اختار الصديق قبل الطريق ). استنتجت وقتها أنه لمن المهم تواجده فهوه لنا ش...
