اللهم صل وسلم وبارك على سيدنا ونبينا محمد وعلى آله وصحبه أجمعين ♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️
_______________________________
- زياد : ياخالد إحنا بنخاف نتقفش وإحنا بنشرب سجاير ، تقوم توصل لحشيش ؟
= خالد بضيق : بقولكوا إيه أنا مش عايز صداع أنا هشرب ، عايزين عايزين ، مش عايزين إنتوا أحرار ماتوجعوش دماغي
'' وطلعت سيجارة حشيش وولعتها وشربتها قدامهم ، وهما قعدوا يبصوا لبعض ويبصولي ، لحد ماقال عمرو ..''
- عمرو : خلاص هات سيجارة
- زياد : وأنا كمان
= خالد بإبتسامة : أيوة كدة
'' ووديت لكل واحد منهم سيجارة وبعد كدة بصيت لكريم وقولتله ..''
= خالد : وإنت يانُغة هتاخد ولا لأ ؟
- كريم بتأفف : هات ياعم
'' وخد سيجارة ، وقعدنا نشرب كلنا وكنا مُستمتعين ..''
= خالد : هو أحمد ماجاش ليه ؟
- عمرو : كلمته قبل مانت توصل علي طول ..قالي هيروح يجيب مروان ويجي
= خالد بضيق : ويجيب مروان ليه ؟
- عمرو : عادي يعني ياخالد إيه المشكلة
= خالد : أنا مش فاهم إمتي مروان دا بقا صاحِبنا عشان كل مانخرج يلزقلنا
- زياد : إنت اللي واخد منه جمب ماحدش فاهم ليه
- كريم : أو يمكن بتغير منه
= خالد : ماتظبط ياض لاظبطك ، مين دا اللي أغير منه وأغير منه علي إيه إن شاء الله
- كريم : حد فاهملك بقا
'' أنا فعلاً كنت بغير منه وبتضايق منه جداً ومن وجوده معانا ، عشان دايماً كنت حاسس إنه أحسن مننا ، واللي كان بيضايقني أكتر وجود أحمد معاه ، أحمد دا صاحبي أنا ! ..''
- السلام عليكم
'' كان صوت مروان ومعاه أحمد ..''
= وعليكم السلام
= خالد : إيه يابني إتأخرتوا كدة ليه
- أحمد : البيه علي ماصحيته وجينا ، مع إني قايله إننا خارجين بالليل
= خالد بضيق : ...
- مروان : إيه اللي إنتوا بتشربوه دا
= خالد : حشيش ..تاخد ؟
- مروان بصدمة : نعم ! ، حشيش ؟
= خالد بسخرية : ااه حشيش
- كريم بإرتباك : حشيش إيه بس يامروان دا خالد بيهزر ، دي ..دي سجاير عادي يعني
- مروان : وليه ياجماعة حرام صحتكوا
= خالد بتأفف : ...
- أحمد : عادي يعني يامروان أهو بنجرب برده وبعدين مافيهاش مشكلة مالناس كلها بتشرب
- مروان : لا طبعاً مشكلة ومشكلة كبيرة جداً ، مافيش حد بيشربها وهو راضي ، لكن للاسف وصلوا لمرحلة الإدمان ومش عارفين يبطلوها ..ماهي ياما موّتت ناس ، وياما ناس عندها مشاكل صحية بسبب السجاير دي
= خالد بضيق : بقولك إيه ماتوجعش دماغنا ، مادام مش حرام ولا عيب ماتعملش فيها شيخ زمانك وتقعد توعظنا
- مروان : أنا مش شيخ ، ومش بوعظكوا ..وبعدين مادامك واثق أوي إنها مش حرام ومش عيب بتشربها في مكان متداري ليه ؟ ماتروح تشربها قدام الناس
'' ماعرفتش أرد عليه ، ودا ضايقني أكتر لما حسيت إنه إنتصر عليا ..''
- أحمد : خلاص يامروان ، خلاص ياخالد ..كُل واحد حر يعمل اللي عايزه
'' طلعت سيجارة ووديتها لأحمد وقولته ..''
= خالد : خُد
- أحمد : لا مش عايز مش هشرب ، وإن شاء الله من اللحظة دي مش هشرب تاني
'' بصله مروان بإبتسامة علي وشه ، وأنا كنت بابص لمروان بغل ، كنت حاسس في اللحظة دي إنه بيحاول يسرق صاحب عمري مني ، بس أنا عمري ماهديله فرصة ..''
'' رجعت لأرض الواقع ، بصيت لأحمد من تاني وقولتله ..''
= خالد : كنت متضايق منه وغيران بس عشانك إنت ، عشان كنت حاسس إنه عايز ياخدك مني ، وإنت كنت مديله الفرصة ..كنت بتمشي وراه من غير ماتنطق أو تعترض
- أحمد بغضب : عشان كان دايماً هو الصح ، وبعدين إمتي أنا بعدت عنك فهمني ، قولتلي الكلام دا قبل كدة وأنا لحد دلوقتي أنا مش فاهمه ، أنا كنت كل مكان بتروحه أنا معاك فيه ، قولي مرة كنتوا خارجين أنا ماخرجتش ؟ ، مرة كنتوا متجمعين في بيت حد ماجيتش ؟
= خالد : إنت ااه كنت بتبقي موجود بس تركيزك كله كان بيبقي مع مروان اللي كنت دايما بتبقي مُصر إنه يبقي موجود معانا مع إننا ماكناش حابين ، كلامك مع مروان ..مشيَك مع مروان ، إنت ماكنتش بتتكلم معايا خالص ، كنت حاسس إنه بيسحبك مني ، كنت بحس كتير إن أنا مابقتش غالي عندك وإنك بتبعد واحدة واحدة
- عمرو : إنت اللي ماكنتش حابب وجود مروان ياخالد مش إحنا ! ، ماحدش قال في مرة إنه مش حابب مروان أو وجوده ، إنت دايماً اللي كنت بتبقي متضايق
'' إبتسم أحمد بسخرية ، وأنا بصيت لعمرو بصدمة ..كنت مصدوم إنه بيقول كدة وعمرو بالذات اللي يقول كدة ، بصيتله وقولتله ..''
= خالد : مش لازم تتقال باللسان ياعمرو ، وإنت فاهمني كويس !
-----------------------------------------
#يتبع...
أنت تقرأ
رساله الى" صاحب عمري! "♥️
Novela Juvenilالصاحب هوه من أهم الاختيارات في حياتنا ،نحن البشر لا نقدر على العيش بمفردنا نشعر بل ملل في جميع الأوقات إن لم يكن لدينا صاحب أو صديق أو زميل ، وهناك حكمه ورثتها عن جدتي وهي : (اختار الصديق قبل الطريق ). استنتجت وقتها أنه لمن المهم تواجده فهوه لنا ش...
