مالك وهو يفكر:تمام أنا موافق رغم اني مش فاهم اي حاجه بس انا واثق فيك.
مايك:بكرة تفهم كل حاجه وسعتها هتندم انك فكرت تيجي تعيش هنا اصلا .
مالك انت ليه علطول بتقول كده
كان مايك سيخبره لكن طرق الباب في هذه اللحظه قام مايك بفتح الباب فدخلت فتاه تبدو في أوائل العشرين من عمرها ترتدي بنطلون جينز و تيشيرت وترفع شعرها كعكعه وترتدي قبعه من يراها يظنها رجل وليست فتاه دخلت وجلست على الاريكه نظر لها مالك بتعجب ثم وجه كلامه لمايك:هو ده صحبك يا مايك
نظرت له الفتاه باستنكار:انت اعمى ولا ايه.
مالك بتعجب:ايه.
الفتاه:مين ده يا مايك
مايك:ده مالك صحبي الجديد معلش بس هو حكيته غريبه شويه وحكى لها حكايته بشى من الاختصار
الفتاه :ياه أما حكايه غريبه اوي.
مالك:مين دي يا مايك وهو مش انت قولتلي اني محكيش حكايتي لحد وهي ازاي بتعرف تتكلم عربي.
مايك:دي تبقى جولي صحبتي الوحيده احنا صحاب من سنين طويله وانت دلوقتي بقيت واحد مننا وهي بتتكلم عربي علشان هي اصلا مصريه كانت عايشه في مصر ولما ابوها مات امها أتجوزت واحد من هنا وجات تعيش معاه هنا ويتعامل جولي بطريقه وحشه علشان جولي رافضه تتجوز ابن عمها لان امها عاوزه تجوزها وتخلص منها وعلشان كده جولي شغاله معايا نفس الشغل وبتلبس كده علشان شغلنا بيحكم علينا بكده فهمت يا مالك.
مالك باستغراب:هي ازاي امها بتعمل فيها كده.
مايك:يا مالك انا قولتلك قبل كده ان الحياه هنا مش زي ما انت فاكر.
مالك باحراج :انا اسف يا جولي.
جولي:لا عادي ولا يهمك انت مش اول واحد يقول عليا ولد.
شعر مالك بالاحراج الشديد وايضا غضب من نفسه لأنه فعل ذلك شعر مايك بما يفكر به مالك
مايك:عادي يا مالك جولي مزعلتش هي طيبه اوي ومش بتزعل بسهوله كده وبعدين احنا خلاص بقينا احنا التلاته صحاب مع بعض.
جولي :أيوة فعلا مايك معاه حق انا طيبه اوي المهم
هناكل ايه النهارده بقى الصراحه أنا جعانه اوي.
مايك:مش فالحه غير في الاكل .
جولي :ملكش فيه يا اخويا وقوم اعمل حاجه نكلها يلا
مايك:ولما أنا أقوم اعمل الاكل انتي تعملي ايه.
مالك:فيه ايه يا جماعه انتو هتتعاركوا ولا ايه ممكن أقوم اعمل انا عادي يعني.
جولي :لا هو كل يوم لازم يتخانق على الموضوع ده
مالك :هو انتو كل يوم بتقعدوا مع بعض وبتاكلوا مع بعض.
مايك:أيوة.
مالك بتفكير:طب ليه متتجوزوش احسن وكده جولي ترتاح من امها وكمان انتو اصلا قاعدين مع بعض.
جولي :يا بني مايك ده زي اخويا
ثم تركته ورحلت الي المطبخ نظر لها مايك بحزن
مالك:انت زعلت من كلامي ولا ايه.
مايك:لا احنا زي الاخوات لكن اللي مزعلني انها عندها عقده من الجواز والحب وكل الحاجات دي.
مالك:ليه.
مايك:انا هحكيلك.
