بعد مرور سنه
في مصر
كان يجلس مالك مع والده يتحدثون:عارف يا مالك انا لحد دلوقتي مش مصدق انك رجعت انا كنت فاكر اني مش هشوفك تاني
مالك بحزن:وانا كنت عايش وفاكر ابويا شخص تاني اصلا يلا اهو كله عده والحمدلله
لؤلؤه والتي أصبحت زوجه مالك:انتو الاتنين تموتوا في النكد
عمر: اه والله يا اختي مش عارف احنا مستحميلنهم ازاي دول
معاذ:بقى كده طب انا زعلان منك
عمر:بهزر معاك هو أنا أقدر على زعلك بردوا ده انت حبيبي
نظر له مالك بضحك ونظر للجميع فقط تغيرت حياته تماما فقد تزوج لؤلؤه وايضا مايك وجولي تزوجا وهم الآن يعيشون معهم في مصر لم يأخذ أمر إقناع والدت جولي وقتا طويلا فقد وافقت بسهوله أما مازن وحور تزوجا ايضا وتعلم مازن اللغه العربيه من جديد لكن ليس بإتقان
مايك:ايه يا مالك سرحان في ايه
مالك: فرحان أن أخيرا حياتنا اتغيرت انا كان عندي صاحب واحد ومات وربنا عوضني بدل الصاحب اربعه
مازن:انا بردوا احيانا بستغرب انا كنت فاكر اني هفضل عايش حياتي بدور عليكم لكن بفضل الله احنا دلوقتي كلنا قاعدين مع بعض بسعاده ومفيش حاجه ممكن تقف في وشنا طالما احنا مع بعض
جولي:وانا كمان الي كان عندي ام مش مهتميه بيا خالص ربنا عوضني بعيله كامله طيبه زيكم كده
مايك:وانا الي كنت عايش لوحدي من غير عيله وكنت منبوذ من الناس دلوقتي بقى عندي عيله كبيرة وأصحاب وحياه تانيه خالص
لؤلؤه:انا الي كنت فاكرة اني هعيش حياتي في الشارع لكن بابا معاذ جاه وانقذني وبقى عندي حياه احلى وعيله كبيرة وسعيده
معاذ:انا بجد سعيد لأننا كلنا متجمعين مع بعض تاني بعض كل السنين دي وكمان عيلتنا كبرت وبكرة تكون عندكم اولاد والعيله تكبر اكتر
حور:انا كمان سعيده جدا بوجودي معاكم انتم احسن ناس فعلا واحلى صحاب واخوات وعيله
عمر: جماعه كفايه الدمعه هتفر من عيني
ضحك الجميع بسعاده دون أن يشعر اي منهم بحزن فالان أصبح لديهم عائله وكان عوض الله كبير جدا
تمت بحمد الله
19/5/2023
احب اشكر كل الناس الي شجعتني اني اكمل الروايه دي ومنها صاحبتي الي كانت دائما واقفه جمبي وبتشجعني واحب اشكر زمايلي الي في المدرسه لأنهم شجعوني واحب اشكر كل الناس الي قرتها
