عرين الضُباث

البارت الثاني(كذبة من جَديد)

#عَرين الضُباث
البارت الثاني

كل لحظة من هذا العمر وعت حسافة بگلبي

-مظفر النواب

بقلمي أنا أُميمة الجنابي

لتنسون التصويت +والتعليق بين الفقرات + الأشتراك بالقناة وأكيد فضلاً وليس أمرًا💜

♤♤♤♤♤♤♤♤♤♤♤♤♤♤♤♤♤♤♤♤
من بعد ما أغمى عليه كعدت وأنا بحضن أمي تدك وتلطم وهيَ تتسائل شصار

_أسينات:- ولكم شصارلها بنيتي قبل شوية عفتها مثل الوردة

رجعت غفيت وگعدت ع صوت بابا وهو يصرخ ب أُمي

_كرار:-شبيها متگليلي مو چانت  تلعب وتسولف

_والله مادري عفتها بالمطبخ يم الجهال اسئل بيهم يگلولي ماندري هيَ من وحدها صارت هيچ

زمخ بيها بصوت فززني من مكاني؛-هاااا يعني من وحدها اجاها أنهيار عصبي ؟؟

أنتبه علية گعدت نصى صوتة واجة علية مسح ع راسي وگال؛-اسم الله أبوية

رجعنة لبيتنة ورجعت حياتي طبيعية مثل قبل بس من بعد هَل حدث الي صار ألي أنصدمت بي أهلي الحقيقين ميحبوني وميردوني

لسبب ما أعرف ليش ..صرت أحن الهم وأريد أكون وياهم بس أدركت أنا منبووذة من بين الكُل مرت سنوات وكبرت بس تبقى تحز بگلبي سالفة أهلي

دا العب ويا البنات أندگ الباب
طلع علي أبن عمو شريف ديشوف منو ..وفز گـلبي من گالوا أجت

لا إراديًا ابتسمت ابتسامة عريضة بانت على وجناتي الفرحة:- وأخيرراً اشتاقيتلچ حيللللل

رحت أركض عليها وحضنتها
_زهراء:- شلونچ عمة شخبارچ

_خالدة:- يبعد هَلي بخير إنتِ شلونچ

تحچي وياي واني حاضنتها ما أحس لن أنجريت من ورا

بأرتباك ونبرة صوتها ترجف گالتلي

_شبيچ ماما زهراء ههه عيب خل تفوت عمتچ ترتاح

_خالدة؛- هسا دعوفي البت ما ناكلها وداعتچ أسيناات

_أسينات:- تفضلي تفضلي جوا

صفنت ع ماما ليش تتصرف هيچ مينحزر شنو الي بداخلها أشبهها بصندوق مُغلق ما ينعرف الي بداخلة شنو ..معقولة تخاف حتى لا ياخذوني منها لو شنو بالضبط ..هم يجي يوم وعمتي تاخذني يمها لو راح أبقى عند أهلي 

بلشت أحرص على روحي وأحذر من تصرفاتي وأنتبه كلش زين قبل لا أحچي شي من بعد هَل سنوات أنطيت وعد النفسي بعد مُستحيل أفتح موضوع أهلي

من هَل لحضة اني ولدت بالجديد وأُمي أسينات وأبوية كرار وبسسس..

بس رُغم هَل شي بديت الاحظ هواي شغلات چنت غافلة عنهم ..تذكرت موقف چنة كُلنا بيت جدو أبو ماما (أسينات) مجتمعين

صفنت بيناتهم خوالي ما أشبهم أبد ولا أنطي شبه لا لماما ولا لبابا رُغم بنات خالاتي يشبهن أهلهن..
أتبسمرت بمكاني من سمعت حديث ماما ويا خالاتي

_خالة مَيسم؛- ولچن دادة دباااعن بطني شلون مترهلة على گد ما خلفت

ردت عليها خالتي بضحكة

_خالة مريم؛- چا أنا شگول عاد أنتِ أنتِ أهون

_أسينات؛- هههههههههههههه نعلعلة يومچن صايرات كرش أبو صادق كُل وحدا حاطة بحضنها بطنها

غصن من الضحك عليها وردت عليها خالة ميسم

_دنطمي أنطمي والله أنتِ لو مخلفة چا هسا شگلچ أخس من عندنا ،عاب هل وجه هههههه

صفنت بيني وبين نفسي؛- يعني شنو لا حبالانة ولا مخلفة چا أنا منو أُمي شهل تمسلت

من كلام الناس عرفت أنا بت عمة خالدة  ألي هيَ أُمي بالحقيقة
أكتشفت حيل أشبهة وأشبه بناتها بَالصوت بالملامح وبالمسار وبكلشي تذكرت من عالم تجينة هواي چانوا يشبهوني بيها
مرت أيام وسنوات وصار عُمري 12 سنة وأنتقلنة لغير منطقة تُسمى بـ(ال****) 

من أول متحولناالبيتنا الجديد تعرفت ع بتجوارينة زينة صرنة أنا وياهة كلش صديقات

رجعت للمدرسة رُغم عُمري چان المفروض أنا هسا سادس أبتدائي بس عدت الأول
وسوولي عبور نجحت من الأول كُبل للثالث

وبعدها رابع تركت زينة الدراسة وأنا هم تركت مع العلم چان قانون عشيرتنا البنت متكمل مدرسة
بس بابا وفرلي كُلشي الى أن اني قررت هل قرار من نفسي

بيت جدو أهل بابا أجوي للعمارة من بعد مچانوا ساكنين بالبصرة أشتروا بيت بمنطقتنا الي چنة أحنة ساكنين بيهة،وأخيررررًا بعد فراق طويل راح أشوف ليليان الي من شلنا من منطقتنا بعد ما شفتها ولا سمعت عنها أي خبر هسة وما زال..

يا ترى هَل بعدها موجودا وتذكرني لو ين راح بيها الزمن؟

اني عندي خمس عمام وأربع عمات

عمامي...
محمد،جلال ، شريف ، موسى
، حُسام وأبوي خامسهم (كرار)
وعماتي خالدة(أُمي)ونور ،هُدى ،فاطمة أصغر وحدا

كُلهم متزوجين عمامي(الي بالأصل هم خوالي)

فَبيوم أجة بابا وگال؛- گومن البسن خل نروح البيت ابوية هناك ملتمين وحُسام جاي

_أسينات:- ديلا خوش هسا ماعندي شي بس ألبس عباتي

رحت ركض لبست فُستان وطلعت

_زهراء:- يلا ماما نروح
باوع علينا بابا من شافنة مكملين كُلشي گال..

_يلا أمشونة بوية

هسا دنطلع ونقفل البيت وتبسمرنا بمكانة من بابا جاوب ع نقال وگال:-حُسااااام شنو مااات!!...

       ولكُل بداية نهاية🌝♥️
       أنتضرونا بالبارت القادم🔥
        بقلمي أنا أُميمة الجنابي
        أحُبكم فاتناتي😭🍇💜

رابط قناتي تلي...

https://t.me/SOFAA_19s