عرين الضُباث

البارت السادس(الضُباث)

#عَرين الضُباث
البارت السادس
بقلمي أنا أُميمة الجنابي
تصويتاتكم وتعليقاتكم +مُتابعة قناة التلي
فضلًا منكم عَيني وعَيني♥️
•••••••••••••••••••€

نهينا المُكالمة وسرعان ما أنفتحت الباب عليَ وأنرگعت
تقدمت بأتجاهي ولزمتني من شعري

_أسينات؛-أحچي زهرا شضامة عليييييية.!

راسي وجعني وهيَ لآفة شعري على أيدها حچيت بـ ونين؛-اخخ يُما والله مضامة عليچ شي

جرتني بقوة عليها وحرارة أخترقت وجهي ،تسودنت وهمست برجيفف؛-عَ عليمننننننننن تضربينيييييي؟

أبتعدت عني وگفت متصنمة بمكانها وبصدمة گالت..
_أسينات؛- على كيفچ زهرا شبيچ

_كافي كافيييي تشكين بية الى متى أبقى هيچ....!!!!

أحتلنا الهدوء ورجعت همسَت
_أسينات؛-شنو حچيتن أنتِ وفاطمة؟

_محچينة شي كُلشي مسولفنة شحچينة مثلًا

أباوع عليها تتلفت وكأنها تدور على شي شافت قوطية الحليب مال أخوية شالتها وشمرتها علية،تهسترت وسرت رعشة بكُل جسمي صرخت بصوت عالي حسيت طلع من وسط گـلبي

أباوع عليهة أخماسا بمكانها؛-لهناااا وكافي صار وكت أطلع كُلشي محبوس داخلي

حچيت وآنه صوتي بكُل كلمة يعلى وأفرفح..

_هااي گدامچ صاررر عُمري (ثمانية عَشر ) وأنه ساكتة عِن ،عِنننن الموضوع بس خلص آنه بعد ما أتحمل أعرف أنتو مو أهلي أدري بكُلشي بس آنه ساكتة

فتحت عيونها على وسعهن وتحچي وصوتها برجف
_أسينات؛-شـ شلون شمعرفچچ

_لتگوليلي شلون وچ يُمة آنه أعرف وآنه بعدني صغيرة وسكتت صـ

نزلت دموعي وآنه أحچي أختنگت بعبرتي

همست بخَيبة؛- ''صـرت مثل الطفل أمشي وأتعثر بشَتات الماضي''

النفس صار عندي گوا ينجَر اتلفت أريد مكان أطلع بي من هَل كهف ،عفتها بصدمتها متبسمرة

طلعت أركض بدون حتى شال حالي وآنه بهَل ثوانِ يصعب على المُجرم
أخذتني رجلية لـ بيت عمو شريف ..

أول ما دخلت بيتهم تلگتني مرت عمو زبيدة من الباب
_زبيدة؛-شكو وچ زَهرة شصايرررر؟!!!

أباوع عليها طلعت مصدومة وآنه مو گادرة أشرحلها شي  

على صوتها أجة عمو شريف ،بدون أي مُقدمات وگعت بحضنه وآنه مهدود حَيلي..

أوف يا يابة شأتمنى وآنه بهل لحضة يمك وتلمني آنه وخيباتي  بحضنك وتمسد على گـلبي بحنيتك

تمنيت أگعد وأحچي وأشكيلك من وجع گـلبي ،تمنيتك أنت التسندني أنتَ التشبكني من أضوج
وآنه غاطة بأحلامي وبكـلمة يـــاريـــت أسمع همس فوگ راسي ..
_شريف؛-زَهرة ابوي تسمعيني،زبيدة جيبولي سويچي فوگ الثلاجة بساااااع