..
يا حبيبي طاب الهوى ما علينا
لو حملنا الأيام في راحتينا
صدفة أهدت الوجود إلينا، إلينا
وأتاحت لقاءنا، لقاءنا فالتقينا
في بحار تئن فيها الرياح
ضاع فيها المجداف والملاح
في بحار يئن فيها الرياح
ضاع فيها المجداف والملاح
كم أذل الفراق منا لقاء
كل ليل إذا إلتقينا، إذا إلتقينا صباح..
.. ـــــــــــــــــــــــــــــــــ
تقدمت حاملة الكوب به المشروب الساخن التى اعدته.. بعد ان انتهت من اعداد تلك الكعكة ووضعتها بالفرن.. لتقول " الشاى بالنعناع.. "
اعتدل وهو يخفض الحاسوب من على قدمه ليقول " تسلم ايدك يا فندم.. "
ابتسمت بخفوت ثم تسائلت " بتعمل اية؟ "
أجاب " موقع التسجيل بتاع التكليف فتح.. فابشوف اية الدنيا كدة "
مطت شفتيها بضيق " ربنا يستر والله مش عارفة انا اية وجع البطن ده "
ابتسم بخفوت " مش عارف اقولك ما تقلقيش، أنا نفسى قلقان بس خير ان شاءلله.. "
زفرت متخبطة " ان شاءلله، مقولتش اية رأيك.. هتسافر ولا فاكس.. "
ارتشف من كوبه ليقول " انا قولتلك اللى يريحك انا معاكِ.. لو هترتاحى لما تروحى ماشى هتروحى وتضربى بوز زى المرة اللى فاتت بلاش.. "
ضحكت عاليا لتقول " انت قلبك اسود اوى "
استنكر " انا.. انا قلبى ابيض من البافتة.. "
" ماشى يا عم، سمعنا بقى حاجة من منوعات الست.. "
عقد حاجبيه ليقول " لحظة.. انتِ مكنتيش بتحبيها يا بيلا "
حمحمت وهى تتحدث بفلسفة " بص انت بتحب ام كلثوم.. وانا بحبك بجمع طرفى المعادلة يبقى انا حبيت ام كلثوم وعيون ام كلثوم..
انهت جملتها لتجده مبتسما محتضنا عيناها بنظراته ليقول " لا فعلا مع احترامي لل Amphetamine وال ephedrine
مفيش حاجه عملتلي addiction غير عيونك"
تذمرت " تانى.. انا مش فاهمة غير عيونها.. "
ليقول ضاحكا " مش ذنبى.. هو بيتقال كدة مش هشرحه.. "
ألحت قائلة " بجد اشرح.. انا عايزة اعرف المعنى "
اغلق الحاسوب مردفا " بصى يا فندم ، ال Amphetamine وال ephedrine دول مواد منشطة زى المخدرات كدة.. و addiction يعنى ادمان..، جمعـى بقى وكونى جملة كاملة "
ابتسمت وهى تقول " قصدك ان عينى بتعمل ادمان اكتر من ادوية المخدرات دى "
ابتسم مؤكدا " بالظبط يا فندم، مع العلم ان دول مواد منشطة قوية جدا جدا، بس في عُيونك ضعت مابين التأمل والكلام.. "
شعرت بخفقة قلبها لتدير وجهها سريعا تدارى تلك الحمرة التى اكتست وجهها تجده يردد ضاحكا بعبث " ألاه، مانتِ بتتكسفى و قمر اهو اومال اية بقى.. "
حمحمت سريعا وهى تقول " خلاص يا مؤمن بقى.. "
ضحك بخفوت ثم اردف وهو يحثها ان تقترب جواره " حاضر .. تعالى جنبى احكيلك خطوة جديدة فى سلسلة تغير دكتور احمد سمير..
أنت تقرأ
البحث عن كتكوتٍ
Romantikربما في القاع ، جميعنا متشابهون وثمة شيء مشترك بيننا "نحن نعشق الحب ونكره الحبيب ،ربما لأن الحب حرية والحبيب قيد ، الحب رحيل لا متناه ، والحبيب إقامة إجبارية .. الحب هو الطيران ، والحبيب طائر الأقفاص المقيم الحب رفة المستحيل ، والحبيب عناق الجناح ال...
