كلها ساعه ومش هنشوف بعض تاني
ادهم/ الحمد لله
كارما/ وعلي فكره انا ممكن انامها واريحك مني
أدهم / زي ما تحبي عادي
نامت كارما طول الطريق لحد اما وصل أدهم للشيخ زايد وقد افاقها وبعدها وصفتله المكان بالظبط وقد وصل أخيرا علي منزل صديقتها
كارما/ شكرا ليك مره تانيه انت اتقذتني وصدقتني مع انك متعرفنيش حتي
أدهم / خدي رقمي ولو احتجتي حاجه ابقي كلميني
ثم اخذت كارما رقم أدهم وذهبت إلى صديقتها رهف
رهف بنعاس/ مين بيخبط
كارما / انا كارما يا رهف افتحي
ثم فتحت رهف الباب لكارما
( رهف 21 سنه عايشه لوحدها بمصر وأهلها بأمريكا وكارما اتعرفت عليها من علي السوشيال ميديا من سنه )
رهف/ ازيك يا روح قلبي
مالك ايه الهدوم دي وشكلك معيطه مالك يا كارما
كارما/ متخافيش عليا انا كويسه
ثم بدأت كارما تقص عليها ما حدث معها وبعدها ذهبت للنوم وهي مازالت ترتدي جاكت أدهم ثم بدأت تخلعه وبعدها سقط منه مفتاح
كارما في نفسها/ مفتاح ايه ده
اما افتشوا تاني ليكون فيه حاجه تانيه غير المفتاح ده
ولكن لم تجد فيه كارما غير هذا المفتاح فقط وقد شعرت بالخجل في ان تتصل بيه في هذا الوقت فكان قد حل الصباح بل شعرت بالخجل ان تكلمه مره تانيه وافتكرت انه كان عايز يخلص منها ومن مشاكلها وهو اصلا عارف بيت صاحبتها ولو كان المفتاح ده ضروري فهو هيجي وياخده منها
وقد مر يومين ولم يأتي أدهم استيقظت كارما وكانت رهف تزين منزلها لأستقبال أصدقائها عليه وبعدها أتي أصدقاء رهف وكانوا معظمهم ولاد
كارما / ايه ده يا رهف اول مره اشوف حفله كلها ولاد ومفيش غير بنتين بس
رهف بضحك/ يا روحي دول صحابي عادي يعني
كارما / اوك براحتك انا كده كده داخله الاوضه انام
رهف / ماشي
ثم دخلت كارما لغرفتها وسابت الحفله كلها وبعدها بشويه أتي أدهم ودخل علي طول من باب الشقه اللي كان مفتوح اصلا والصوت خارج منه عالي جدا وقد لفت نظر رهف منذ ان دخل وذهبت إليه مباشره
رهف بأبتسامه/ هاي انت صاحب حد هنا
أدهم /هي انسه كارما ساكنه هنا
رهف بحقد / كارما!!!!
اه قاعده جوا في الاوضه بس خبط على الباب الأول ليكون معاها حد في الاوضه وتشوف منظر مش هيعجبك خالص وانت شكلك محترم اوي
ثم ضحكت ضحكه عاليه وذهبت
أدهم في نفسه / لو كنتي جتيلي زمان كنت عيشتك المنظر ده يالا هي اصلا مفيهاش حاجه حلوه تستاهل
أدهم توجه مباشره للغرفه وفتح الباب من غير ما يستأذن حتى ليجد كارما مستلقيه على سريرها ولا يوجد أحد في الغرفه غيرها
كارما بأنفعال/ ازاي تفتح الباب عليا كده من غير استأذان
أدهم / والله استأذان
يعني قاعده في شقه مشبوها كلها وتقوليلي استأذان عامه انا مليش دعوه انا جي اخد مفتاحي وماشي على طول
كارما بأنفعال / مشبوها ايه دول صحاب رهف
أدهم ضاحكا / اطلعي شوفي المناظر اللي بره وانتي تعرفي هما صحاب فعلا ولا لا
هو انا بتكلم في ايه اصلا تلاقيكي معاها ودخلتي تريحيلك شويه او كان معاكي حد في الاوضه وزهق من رغيك وخرج
كارما بغضب/ انت انسان مش محترم اصلا مش معني انك ساعدتني انك تهني وت....
ثم قاطعها أدهم وقيد ايديها
ادهم بغضب/ انا محترم غصب عنك
انتي مين يابت انتي مجنونه فعلا زي ما جوز امك قال ولا فتاه ليل زي صحبتك اللي بره دي
كارما بغضب/ متقولش على رهف كده
وهنا قد انفجر أدهم من الغيظ وتوجه بها إلى الخارج وكان يسحبها من يدها لتري كارما مناظر لم تراها من قبل ثم أدخلها مره أخري للغرفه
كارما بعياط / ايه القرف ده
أدهم / هاتي المفتاح خليني امشي اخلصي
كارما بعياط / خدني معاك
أدهم / طب تعالي انجزي
ثم خرجوا من الغرفه ليلتقوا مع رهف
رهف بأبتسامه / راحه فين كوكي
كارما بغيظ/ انا مكنتش أعرفك انك كده
مش عايزه اشوف وشك تاني
انهت كلامها ثم خرجت مباشره من الشقه ثم توجه بعدها أدهم ولكن رهف شدته من ايده
رهف بأبتسامه / خليك انت يا قمر
أدهم ضاحكا/ للأسف انتي مش ذوقي ومتعجبنيش عشان افضل
ثم توجه مباشره الي سيارته ليجد كارما بجانبها
في العربيه
كارما / هنروح فين
أدهم / هتروحي مش هنروح
قوليلي علي مكان اوصلك ليه
كارما/ معرفش استني افكر
أدهم / وانا هستناكي لحد اما تفكري انا مش فاضي ومشغول في ألف حاجه
كارما بتعصب / انت بتزلني عشان بتساعدني يعني
أدهم بتعصب/ استغفر الله العظيم يابنتي متعصبنيش أزلك ايه هو انا أعرفك اصلا
كارما / ما انا مش عارفه هاروح فين فعلا انا يعتبر مليش حد غير ماما وهي بتحب جوزها وبتصدقه وانا مستحيل اعيش معاه دقيقه واحده
ادهم/ ليه فين عيله امك او عيله ابوكي
كارما / ماما من امريكا مش من مصر وأهلها كلهم هناك ومعرفش حاجه عن عيله بابا لأني معشتش معاه اصلا غير كام سنه وانا صغيره وماما عمرها ما اتكلمت علي عيله بابا
ادهم/ انتي لو من عيله الغيطي اللي هي حيتان السوق يعتبر دلوقتي يبقي ربنا دعيلك
كارما/ معرفش والله انا اعرف ان اسم عيلتي الغيطي
أدهم / أمري لله هاخدك دلوقتي علي فيلتي والصبح ان شاء الله هبعت ناس تشوف حوار عيله ابوكي ده
