ثم ذهب هاشم واتصل بجمال و وافق جمال وبعدها وصل هاشم كارما الي الكافيه الذي أرسل عنوانه ادهم الي كارما وبعدها تركهم وذهب
في الكافيه
كارما بلهفه/ايه ده مراد هو عمل في وشك كده
ادهم /متخافيش مفيش حاجه
كارما وهي تكور وجهه بيدها/انا اسفه يا ادهم كل ده بسببي
ادهم /كارما انتي مينفعش تعيشي مع الواد ده
كارما بأستغراب/ازاي بس يا ادهم وهروح فين ما هما عيلتي وبعدين متقلقش عليا أنا أعرف احمي نفسي كويس اوي منه و..
ادهم مقاطعا /تعالي عيشي عندي في البيت
كارما ضاحكه/ازاي بس
ده بصفتي ايه اعيش معاك
هما كانوا يومين قعدت معاك فيهم بس ده عشان أدبر اموري مش هينفع علي طول
ادهم/بصفتك مراتي
كارما بذهول/مراتك
ادهم/ايوه
كارما أنا بعرض عليكي الجواز واتمني توافقي
كارما /لا طبعا يا ادهم
انا عارفه انت قولت كده ليه
انا صعبت عليك وعايز تخرجني من ...
ادهم مقاطعا/كارما أنا بحبك
مكنتش اتمني اني اقولهالك بالطريقه دي كان في ترتيبات في دماغي وكنت عايز افجأك بس خلاص انا مش قادر اخبي اكتر من كده
انتي مش بتردي ليه
ولا أنا فهمت غلط وانتي مش بتحبيني ولا ايه
كارما سريعاً/لا طبعا
ادهم/لا طبعا ايه
كارما بكسوف/حبيتك يا ادهم
حبيتك من غير ما استني منك اي حاجه
حبيت النظره اللي بتبصلي بيها والطريقة اللي بتكلمني بيها
والمهم اني حبيت حنيتك يا ادهم
أدهم بأبتسامه/كنت عارف اصلا من نظرات عنيكي
يبقي خلاص نتجوز
كارما /بس انا ما عشتش مع اهلي أنا لسه عارفهم من زمان وانا بحلم اني اعيش جو العيله اللي اتحرمت منه يا ادهم
ادهم /مش فاهم يا كارما انتي موافقه ولا لا
كارما /موافقه اكيد بس نعمل خطوبه منتجوزش علي طول اكون اتقربت اكتر من عيلتي
كارما وهي تكور وجهه بيدها/انا عارفه انك اكتر حد هيفهمني
ادهم/طب ومراد
كارما سريعاً/هقول لعمي عليه وبعدين هو اصلا مبقاش بيقعد في البيت من بعد اللي حصل عشان عمو متخانق معاه ده حتي عمو الصبح شاف اللي انت عملته في وشه وقاله تسلم ايد اللي ضربك
أدهم ضاحكاً/الله يسلمه
كارما ضاحكه/بس انت بهدلت وشه وهو مش ضربك غير في عينك
ادهم /يستاهل
كارما /ابقي خلينا نعدي علي صيدليه اجبلك كريم لعينك
ادهم/ماشي
انا هاجي اعدي عليكوا بكره بقي عشان اتقدم لعمك
كارما بأبتسامة/تطلب ايدي
ادهم بأبتسامة/اطلبك كلك مش ايدك بس
كارما بأبتسامة/طيب يالا تعالي وصلني عشان ألحق اجهز لبكره
ادهم/ما احنا قاعدين يا كارما خلينا شويه
ولا اقولك تعالي نجيب الكريم ونكمل قعدتنا في بيتي
كارما ضاحكه/اووووه بيتك ايه يا استاذ اللي اروحه مش قبل كتب الكتاب
أدهم ضاحكاً/الله يرحم بخاف انام لوحدي
كارما بأبتسامة/كان ايام زمان يا استاذ
أدهم/طب نجيب الكريم وتدهني حتي
كارما /اممم ماشي صعبت عليا
بعدها اتجهوا الي اقرب صيدليه ودهنت كارما الكريم علي عين ادهم وهو ينظر إليها بشده وبعد قبل يدها ثم وصلها الي بيتها وبعدها غادر الي منزله
ودخلت كارما الي مكتب جمال
كارما/فاضي يا عمو عايزه اتكلم معاك
جمال/اه طبعا تعالي يا كوكو
كارما /عمو ادهم هيجي عندنا بكره عشان يتكلم معاك في حوار كده
جمال /حوار ايه
كارما بأبتسامة/ادهم عايز يتجوزني
عرض عليا الجواز النهارده وقالي هكلم عمك بكره
شعر جمال بالحزن الشديد فقد كان يتمني أن لا تبعد كارما عنه وإن تتزوج من احد ابنائه وخاصه مراد
جمال/وانتي شكلك موافقه طالما مبسوطه كده
كارما بأبتسامة/ايوه
بس انا قولتله اني هقعد معاكوا فتره كبيره اوي لحد اما اتجوز يعني هخلي الخطوبه فتره كبيره
جمال بأبتسامة/ربنا يوفقك يا قلب عمك خليه يجي بكره أنا مستنيه
كارما بأبتسامة/شكرا يا عمو
وبعدها اتجهت الي غرفتها لتبدل ملابسها وتنزل الي العشاء
جمال/يا ولاد باركوا لكارما بنت عمكوا ادهم جي بكره يتقدم لها
وقع الخبر كالصعقه علي مراد وآثار استغراب الباقي
هاشم بأبتسامة/ يا كوكو ده هما اللي سبتك فيهم ٣ ساعات ارجع ألاقيكي هتتخطبي عموما ألف ألف مبروك
كارما بأبتسامة/الله يبارك فيك يا هاشم عقبالك
سميه و زينه /ألف مبروك
كارما/الله يبارك فيكوا عقبالكوا
مراد /مبروك
كارما /الله يبارك فيك
وبعد الانتهاء من الطعام ذهب الجميع الي غرفهم و في الصباح التالي ذهب الجميع الي عمله وتركت كارما تجهز الي استقبال ادهم وتزين المنزل مع زينه وسميه وفجأة استأذن البواب للدخول
البواب سريعا /معلش يا ست زينه علي الازعاج بس في ولد يتيم ساكن في اول الشارع تعبان اوي وهو لوحده في البيت ممكن تقولي لدكتور هاشم يجي يشوفه
زينه / هاشم مش هنا خرج من شويه
سمعت الكلام كارما وأتت الي البواب
كارما /طب ما تطلبله الإسعاف
البواب /هو عنده نوبه سكر بتجيله علي طول ودكتور هاشم كان بيعالجه علي طول
كارما /طب استني انا هاجي معاك أنا بعرف اعالج النوبات دي
ثم خرجت وذهبت مع البواب الي فيلا في اول الشارع ورنت الجرس وفجأة رش البواب علي كارما منوم وسقطت مغمي عليها
