ومتأكد انه مروحش ومستنيني انزل دلوقتي عشان يمشي ورايا ويعرف انا ساكن فين
حازم /خلاص امشي انت وسيبه عليا
ثم خرج أدهم وعاد إلى منزله ونظر في الصالون ولكن لم يجد كارما ثم نظر في باقي الفيلا ولكن لم يجدها ثم نادي بأعلي صوته عليها ليجدها تجري عليه وهي تبكي بشده ثم حضنته
كارما ببكاء / أدهم والنبي مترجعنيش لجوز ماما
وقد شعر أدهم بالدفء في حضنها واتمنى ان تطول هذه اللحظه إلى الأبد فا لأول مره يشعر بهذا الدفء علي الرغم من علاقاته القديمه المتعدده بالنساء
أدهم وهو حاضنها بشده / انتي كنتي فين
كارما ببكاء / كنت مستخبيه تحت السرير
سمعت صوت حد دخل الفيلا وبعدها جريت واستخبيت
وبعدها تركت كارما حضن أدهم للتحدث إليه
كارما ببكاء وهي تنظر في عين أدهم / هو انت ممكن ترجعني ليهم تاني؟
أدهم سريعا/ لا طبعا بس اهدي ومتعيطيش انا جنبك
ثم نادي علي أحد الحرس
ادهم بغضب/ هو في حد دخل الفيلا النهارده
..../ايوه يا أدهم بيه انا دخلت من شويه اشوف اذا كانت المدام محتاجه حاجه ولا لا
أدهم بعصبيه/ وايه اللي خلاك تدخل هي لو محتاجه حاجه هتقولك او هتقولي
متتكرش تاني اتفضل أخرج
ثم خرج الحرس
أدهم / انتي خوفتي ليه يا كارما
كارما/ انا مشوفتش مين دخل انا كنت فوق في الاوضه وسمعت صوت حد دخل ببطء فا خوفت جدا
أدهم بأبتسامه / متقلقيش جوز امك قدام عيني طول الوقت يعني لازم تكوني حطه في دماغك ان يوم ما هيجي هنا هبقي عارف وهتصرف قبل اما يدخل حتي ليكي
ثم كور وجهها بيده
ادهم بأبتسامه /اطمني ومتخافيش ماشي
ثم اومئت كارما رأسها بأيجابيه
أدهم / مش عامله اكل النهارده ولا ايه
كارما / لا انا قولت هتجيب معاك
أدهم ضاحكا / ليه مطبختيش النهارده زي امبارح ده كان اكل حلو اوي
كارما ضاحكه / مردتش ابهرك اكتر من كده بأكلي
أدهم بأبتسامه/ اه فعلا فعلا
استنى اطلب أكل واطلع اخد شاور يكون جيه
حد من الحرس هيدخله متتخضيش وافتحيله ماشي
كارما/ ماشي
ثم ذهب أدهم الي حمام غرفته وبعدها بشويه رن هاتف أدهم الذي كان علي الصامت ولكن لاحظته كارما وصعدت إلى غرفه أدهم لتعطيه هاتفه وقد كان باب الغرفه مفتوح وكان أدهم عاري الصدر ويلف فوطه حوله من الأسفل
كارما وقد أدارت وجهها سريعا/ انا اسفه جدا بس موبيلك كان بيرن كتير
أدهم / علي فكره انا مش عريان اوي يعني انك تدوري وشك الناحيه التانيه
ثم أدارت كارما وجهها إليه مره أخري ولكن أدارت وجهها مره أخري سريعا وتركت هاتفه علي السرير وخرجت سريعا إلى الأسفل
أدهم في نفسه/ يالهوي عليها لما وشها أحمر
اهدي يا أدهم دي مستنجده بيك اهدي كده وأنزل اتعشا عادي كلها يومين وتخلص من الحوار ده
ثم ارتدي أدهم ملابسه ونزل الي الأسفل ليجد كارما تأكل بشراها
أدهم ضاحكا/ طب كنتي استنتيني حتي أنزل او اندهي عليا حتي
كارما والطعام يملء فمها / ده انا لسه بدأه اكل حالا
ادهم/ لا واضح واضح
ثم تناولوا الطعام مع بعض وبعد فتره
ادهم/ هروح انام انا بقي يالا تصبحي علي خير
كارما/ هو انا كنت عايزه اطلب منك طلب
أدهم في نفسه / هتخليني انام معاها اكيد عشان هي بتخاف ومبتعرفش تنام لوحدها
ادهم/ ايه
كارما بكسوف/ انا بخاف انام لوحدي
أدهم بأبتسامه خبث/قصدك اجي انام معاكي
كارما سريعا/ لا طبعا
أدهم / امال ايه
كارما بكسوف/ هو انا عايزه انام علي الكرسي اللي قدام الكنبه اللي في المكتب لو مش هضايقك يعني
أدهم ضاحكا/ وهي فرقت يعني ما ننام فوق احنا الإتنين بدل العذاب ده
كارما سريعا/ لا طبعا فرقت كتير فوق في سرير في المكتب مفيش
أدهم /طب ايه رائيك انا هجيب كنبه المكتب واحطها في الاوضه فوق وانام عليها وانتي علي السرير
كارما في نفسها / هو لو كان ناوي يعملي حاجه كان عمل من زمان اوافق بقي وخلاص عشان انام
كارما/ خلاص ماشي
انده حد يجي يشيلها يطلعها
أدهم / انا هطلعها لوحدي
ثم ذهب أدهم وحملها وصعد بها إلى الأعلى و وضعها امام السرير
ثم ذهب كل واحد لينام في مكانه وقد نامت كارما بعمق شديد وظل أدهم يراقبها وينظر إلى وجهها إلى أن نام
وفي الصباح نهض أدهم من مكانه ودخل الحمام ثم خرج ليجد كارما ترتدي ملابس خروج وتنتظره في الغرفه
كارما/ أدهم خدني معاك انا زهقت اوي من البيت
أدهم / لا
كارما سريعا/ ليه انا زهقت اوي من البيت بجد
أدهم / صدقيني هتزهقي اكتر في الشركه
كارما بأبتسامه/ لا مش هزهق وبعدين هساعدك جربني ومش هتندم
أدهم بأبتسامه / هتساعديني في ايه يا دكتوره دي شركه مش مستشفى
كارما / اعمل اي حاجه علي فكره انا اعرف 4 لغات واعرف شويه في إداره الأعمال
قولتلك جربني مش هتندم
أدهم / هلبس واستناكي تحت تكوني غيرتي اللبس اللي لابساه ده ونمشي
كارما/ ليه ماله ده حلو اوي
ادهم/ بس البلوزه مفتوحه شويه
ألبسي أي حاجه تكون مقفوله
كارما/ ماشي هروح اغيره بس متمشيش وتسبني
ادهم/ قولت هستناكي
ثم ذهبت كارما سريعا لتبدل ملابسها وبعدها نزلت لتجد أدهم ينتظرها بالفعل ثم خرجوا معآ
في العربيه
ادهم/ هنروح نفطر الاول في أي مكان وبعد كده نطلع علي الشركه
كارما/ماشي
ثم ذهبوا الي مطعم فخم جدا وجلسوا
كارما في نفسها /كل ده عشان فطار بس
ادهم/ بتفكري في ايه كده
كارما /ولا حاجه عايزه اسألك سؤال ممكن؟
ادهم بأبتسامه /انتي متستأذنيش اسألي علي طول
كارما / لو أنا طلعت من عيله الغيطي مش هشوفك تاني ؟
ادهم وقد شعر بالحزن/لا طبعا هشوفك اكيد هنفضل اصدقاء الا بقي لو مكنتيش عايزه تشوفيني تاني
كارما سريعا/لا طبعا عايزه اشوفك
ادهم ضاحكا/يبقي خلاص هنتقابل
ثم أنهوا طعامهم وذهبوا الي الشركه
في الشركه
هاله السكرتيره/الجواب ده جه لحضرتك النهارده الصبح
ادهم /ماشي سيبيه علي المكتب واخرجي
ثم نهض ادهم من جانب كارما من علي كنبه المكتب ليتفاجا أنه جواب من المعمل و قد لاحظت كارما تغير وجه ادهم لتنهض وتنظر في الجواب
كارما /الجواب ده ليه علاقه بيا
ادهم /اه ده نتيجه تحليل DNA ليكي وجوز امك وليكي وعمك الغيطي
كارما بصدمه/ طب افتحوا بسرعه نشوف النتيجه
ثم فتحه ادهم ليتفاجأ بالنتيجه وبعدها أخذته من يده كارما لتقرأ وتتفاجا أيضاً فقد أثبتت النتيجه أنها صادقه وأنها من عيله الغيطي وأنها ليست مريضه نفسياً مثل ما يدعي زوج أمها وقد شعر ادهم بالحزن علي الرغم من ذلك لأنه كان يريد أن تظل معه لفتره اطول من ذلك حيث بظهور هذه النتيجه سوف تذهب كارما الي عمها وعائله والدها
