هحكيلكم حكايتي الغريبة اللي نفسي أحكيها من أول ما حصلت بس مش لاقية حد أحكيها له فقررت ابعتها لموقعكم عشان تنشروها , أنا زوجة مصرية اسمي سامية من إسكندرية عمري 37 سنة متجوزة من 15 سنة وعندي 3 أولاد بكالوريوس تجارة وبشتغل موظفة وجوزي مدرس , عايشة حياة عادية زي معظم الأسر المصرية مفيش في حياتي أي تجديد أو حاجة مميزة .
في يوم جمعة كنت كالعادة عند أمي في كفر الدوار وهي مدينة بينها وبين إسكندرية تقريبا 30 كيلو وكنت سايبة أولادي في البيت لوحدهم مع باباهم بس حصلت ظروف و اتأخرت , وكان جوزي كل شوية يتصل وينبه عليا متأخرش عشان المواصلات بس أنا اتأخرت غصب عني , وكانت الساعة تقريبا 12 بالليل ومفيش مواصلات ممكن أروح بيها فقولت لأمي ان جوزي هيزعل ويتخانق لو استنيت للصبح وقالت لي ان محمد جوز أختي ممكن يوصلني بعربيته بس قولي لجوزك الأول , فأتصلت بيه وانا عارفه انه اكيد زعلان مني وقولت له على الإقتراح دة وانا حاسة انه ممكن بدل ما يحل المشكلة يزعله اكتر خصوصا انه مبيحبش جوز اختي عشان بيشرب حشيش وخمرا وعينه زايغة , بس قال لي ماشي يا هانم خليه يوصلك مفيش حل تاني .
اتصلت بأختي وحكيت لها الموقف وهي قالت لجوزها وقالت لي انه هيلبس ويعدي عليا عند بيت ماما , وصل محمد وكان معاه واحد غريب بحركة قليلة الزوق جدا كالعادة وقالي حسام صاحبي هييجي معانا عشان انا صاحي من بدري وخايف انام فهو اللي هيسوق .
ركبو الأتنين قدام وانا ركبت وكنت مطمنه محمد بتاع حشيش وخمرا وستات بس هو جوز اختي برضه .
وانا في السكة لقيت جوزي بيتصل بيشوفني انا وصلت فين فقولت له اني في العربية مع محمد فسمع محمد وصاحبه بيتكلمو فقالي مين اللي معاكم دة فقولت له لما اجي هقول لك فزعق لي وكان صوته عالي وسمعوه خصوصا اننا كنا واقفين عشان محمد وحسام صاحبه بيبدلو السواقه , وجوزي قفل السكة في وشي وقال ارجعي مكان ما جيتي , طبعا انا عارفة اننا هنتصالح تاني يوم عشان هو عصبي وبيتخانق ويهدا بعد شوية وتصرفاته متهورة ديماً كدة وغيور بجنون فقولت لمحمد معلش رجعني عند ماما تاني هبات عندها , فقال لي هو جوزك لسة أهبل كدة قولت له اعمل ايه حظنا انا واختي مهبب , فضحك هو وصاحبه ورجع تاني
